Genesisi 17:7 - Tshwa Bible

⁷ Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Genesisi 17:7 Mawu Ofanana

Genesisi 15:18

Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:

Genesisi 17:13

I ta kuva kwera yena loye a belekelweko lomu ndlwini ya wena ni loye a xabyilweko hi mali; a xivumelwano xa mina xi tava nyameni ya nwina, xiva xivumelwano xi nga gumesiko.

Genesisi 17:19

Nungungulu i te ngalo: Sara, a sati wa wena, i ta ku belekela a nisanyana, u ta mu chula vito gakwe ku hi Isaka; nzi ta tiyisa a xivumelwano xa mina na yena, ni ka pswalo wakwe anzhako kakwe, xi tava xivumelwano xi nga gumesiko.

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Genesisi 28:13

Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;

Genesisi 6:18

Kanilezi nzi ta yimisa xivumelwano zinwe na wena; u ta enghena lomu tarwini, wena ni vana va wena, ni sati wa wena, ni vasati va vana va wena.

Genesisi 9:16

A wura gi tava marefini, nzi ta gi cuwuka, nzi alakanya a xivumelwano xa pinzukelwa, xi nga xikari ka Nungungulu ni zivangwa zontlhe za tontlhe tixaka ta nyama yi nga misaveni.

2 Samueli 7:24

Wena u ti yimisele a vanhu va wena va ka Israeli a kuva va wena kala kupinzuka; hikwalaho wena Jehova u mahile Nungungulu wabye.

1 Kronekele 16:13

Wena pswalo wa ka Israeli, a nanza gakwe, Na nwina vana va Jakobe, a vahlawulweko va yena.

1 Kronekele 16:14

Yena Jehova i Nungungulu wa hina; A kulamula kakwe ku kona misaveni yontlhe.

Tisimu 81:10

Nzi Jehova, Nungungulu wa wena, Loyi nzi nga ku humesa tikweni ga Gipite; Ahlamisa a nomu wa wena, nzi ta wu tata.

Eksodusi 3:15

Nungungulu a engeta aku ka Mosi: U ta va byela uku: Jehova, Nungungulu wa vararu va nwina, Nungungulu wa Abrahama, Nungungulu wa Isaka, Nungungulu wa Jakobe, i nzi rumele ka nwina. Hi vito ga mina ga kala kupinzuka; i vito ga xialakanyiso xa mina zizukulwaneni zontlhe.

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

Eksodusi 6:4

Mina nzi yimisile a xivumelwano xa mina zinwe na vona xa kuva nzi va nyika a tiko ga Kanani, a tiko legi va nga wa luvele ka gona.

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Jeremia 31:1

A xikhatini lexo, ku wula Jehova, nzi tava Nungungulu wa tontlhe tixaka ta ka Israeli, vona va tava vanhu va mina.

Ezekieli 28:26

Va ta tshamiseka lomo; ina, va ta aka tiyindlu, va byala zivina, va tshama hi kurula, loku nzi tsayisile vontlhe lava va va ranzeleko lava va va xanisako. Va ta zi tiva lezaku hi mina Hosi Jehova.

Levi 11:45

Hakuva hi mina Jehova loyi a mu humesileko tikweni ga le Gipite, kasi nzi fela maha Nungungulu wa nwina. Hikwalaho basani, hakuva mina nzi basile.

Levi 25:38

Hi mina Jehova, Nungungulu wa nwina, loyi a mu humesileko tikweni ga le Gipite, kasi ku ta mu nyika a tiko ga Kanani, nziva Nungungulu wa nwina.

Levi 26:12

Nzi ta fambafamba xikari ka nwina, nziva Nungungulu wa nwina, nwina muva vanhu va mina.

Levi 26:44

Kanilezi hambu loku va hi lomu ka matiko ya valala vabye, cima nzi nga ta va hoxa, hambu ni ku va tsika go kala nzi va mbheta, nzi tshova xivumelwano xa mina zinwe na vona; hakuva hi mina Jehova, Nungungulu wabye. Isa. 59:20; Rom. 11:26

Levi 26:45

Hi kota ya vona nzi ta alakanya xivumelwano xa mina lexi nzi mahileko ni vararu vabye, lava nzi va humesileko tikweni ga le Gipite kuwoneni ka vamatiko, kasi nziva Nungungulu wabye. Hi mina Jehova.

Levi 26:9

Nzi ta mu khatalela, nzi mu anzisa mu tala, nzi hlayisa a xivumelwano xa mina zinwe na nwina. Ezek. 37:26

Mika 7:20

U ta tsumbeka ka Jakobe, Abrahama u mu mahela Wuxinji legi u nga gi hlambanyela a vadadani va hina kaleloko.

Mateu 22:32

Mina nzi Nungungulu wa Abrahama, ni Nungungulu wa Isaka, ni Nungungulu wa Jakobe? Nungungulu a hi Nungungulu wa vafileko, kanilezi ngwa vahanyako. Ekso. 3:6, 18; Lu. 20:38

Marku 10:14

Laha Jesu na zi wonile, i lo tsanwa, aku kabye: Vumeleni a vanana a kuta ka mina, mu nga va beleteli; hakuva a mufumo wa Nungungulu ngwa va kunghahi. 1 Kor. 14:20; 1 Ped. 2:2

Mitiro 2:39

Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13

Va le Roma 9:4

Va nga vaIsraeli, lava a wunʼwana gi nga gabye, ni wudumo, ni xivumelwano, ni nayo, ni wukhozeli ga tempeli, ni zitsumhiso. Deut. 7:6; Tis. 63:2; Miti. 13:32

Va le Efesusi 2:2

lezi mu nga famba ha zona kale, kukotisa a mahanyela ya misava leyi, mu lanzela a hosana ya mintamu ya lomu ndengelengeni, wu nga moya lowu wu tirako makunu ka lava va nga ingisiko. Kol. 3:6; 1 Joh. 5:19

Deuteronome 29:13

Inyamutlha i ta ku yimisa a kuva tiko gakwe wutsumbu, na yena a maha Nungungulu wa wena, khwatsi hi lezi a wulileko ka wena, ni ku khwatsi hi lezi a hlambanyileko ka vararu va wena, Abrahama na Isaka na Jakobe.

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20

Maheberu 8:10

Hakuva lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Hosi: Nzi ta veka milayo ya mina kupimeni kabye, Nzi yi tsala timbilwini tabye; Nzi tava Nungungulu wabye, Na vona va tava vanhu va mina. Zak. 8:8; Xip. 10:16

Valamuli 2:1

A ngelosi ya Jehova yi lo suka hi le Gilgale yi kanziha Bokima, yi ta ku ngalo: Nzi mu humesile le Gipite, nzi mu tisa ka tiko legi nzi hlambanyileko ku gi nyika ka vararu va nwina, nziku: Cima nzi nga ta tshova xivumelwano xa mina na nwina. Gen. 15:18; Deut. 29:14