Genesisi 17:19 - Tshwa Bible

¹⁹ Nungungulu i te ngalo: Sara, a sati wa wena, i ta ku belekela a nisanyana, u ta mu chula vito gakwe ku hi Isaka; nzi ta tiyisa a xivumelwano xa mina na yena, ni ka pswalo wakwe anzhako kakwe, xi tava xivumelwano xi nga gumesiko.

Genesisi 17:19 Mawu Ofanana

Genesisi 16:11

A ngelosi ya Jehova yi te ngalo ka yena: Languta, u xure nyimba, u ta beleka nisanyana, u ta chula vito gakwe ku hi Ixmaeli; hakuva Jehova i zwile a kuxaniseka ka wena.

Genesisi 17:16

Nzi ta mu katekisa, hi ka yena nzi ta ku nyika a nisanyana; nzi ta mu katekisa, a maha mamani wa matiko, a tihosi ta vanhu ti ta huma hi ka yena.

Genesisi 17:18

Abrahama i te ngalo ka Nungungulu: Ku ngaku Ixmaeli a hanya mahlweni ka wena.

Genesisi 17:21

Kanilezi nzi ta tiyisa a xivumelwano xa mina na Isaka, loyi u ta nga pswalelwa hi Sara hi xikhati xa kona a lembe gi tako.

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Genesisi 21:6

Sara i te ngalo: Nungungulu i nzi hlekisile, ni vontlhe lava va ta nga zizwa va ta tsaka na mina.

Genesisi 26:2

Jehova i lo woneka ka yena, aku ngalo: U nga releli uya Gipite;: aka lomu tikweni legi nzi ta nga ku byela gona.

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Genesisi 9:16

A wura gi tava marefini, nzi ta gi cuwuka, nzi alakanya a xivumelwano xa pinzukelwa, xi nga xikari ka Nungungulu ni zivangwa zontlhe za tontlhe tixaka ta nyama yi nga misaveni.

Luka 1:55

Ka Abrahama ni pswalo wakwe kala kupinzuka, Kota lezi a nga tsumbisa a vararu yahina. Gen. 17:19; Tis. 132:11; Gal. 3:16

Maheberu 11:11

Hi kukholwa Sara i lo kuma ntamu wa ku xura nyimba, hambu lezi a xikhati xakwe xi nga hunzile, hilezi i lo alakanya aku i tsumbekile loyi a nga mu tsumbisa. Gen. 21:2; Rom. 4:21