Genesisi 17:13 - Tshwa Bible

¹³ I ta kuva kwera yena loye a belekelweko lomu ndlwini ya wena ni loye a xabyilweko hi mali; a xivumelwano xa mina xi tava nyameni ya nwina, xiva xivumelwano xi nga gumesiko.

Genesisi 17:13 Mawu Ofanana

Genesisi 14:14

Laha Abrama a nga wa zwile ku ngalo a xaka gakwe gi khomilwe, i lo hlomisa a tinhenha takwe leti ti belekelweko ndlwini yakwe, va wa hi 318 wa vavanuna, i lo va lanza kala a chikela le Dani.

Genesisi 15:3

Abrama i te ngalo: Languta, a ku nzi nyikangi a nʼwana; hi nga cuwuka, a nanza ga ku belekwa lomu ndlwini ya mina gi tava mugi wa tshomba ya mina.

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Genesisi 37:27

Ngha hi mu xavisa ka vaIxmaeli, kasi a mandla ya hina ma ngavi hehla kakwe, hakuva yena i nakulori, i nyama yinwe na hina. A vanakulobye va lo mu vumela.

Genesisi 37:36

Zonake a maMidiani ma lo ya mu xavisa le Gipite ka Potifare a nduna ya Faro a murangeli wa vanyakasani.

Genesisi 39:1

Josefa i lo yiswa Gipite; Potifare, a nduna ya Faro, a murangeli wa vanyakasani, a muGipite, i lo mu xava ka vaIxmaeli lava va nga mu yisa leyo.

Genesisi 9:16

A wura gi tava marefini, nzi ta gi cuwuka, nzi alakanya a xivumelwano xa pinzukelwa, xi nga xikari ka Nungungulu ni zivangwa zontlhe za tontlhe tixaka ta nyama yi nga misaveni.

Nehemia 5:5

Kasike a mimiri ya hina yi fana ni ya vanakulori, ni vana va hina va fana ni vana vabye. Langutani, hi yisa a vana va hina ni vanhanyana va hina wukhumbini, ni lezi a vanwani vanhanyana va hina va sina va hi kona wukhumbini. Hi vumala ni ntamu wa ku va vuna, hakuva a masimu ya hina ni zivina za hina zi mandleni ya vanwani.

Nehemia 5:8

Nziku ka vona: Hi ntamu wa hina hi tirule vanakulori, va nga vaJuda lava va nga wa xabyisilwe ka vamatiko; kanilezi nwina mu xavisa vanakuloni. Va ta xabyiswa ka hina ke? Zonake va su kaye, va vumala ni xa ku wula.

Eksodusi 12:44

kanilezi a nanza ga munhu legi gi xabyilweko hi mali, loku a mu maha nkwera, hi kona a ta ngaga Pasika.

Eksodusi 21:16

Loye a yivako a munhu a mu xavisa, kutani a kumiwa mandleni yakwe, a khamba lego gi ta dawa.

Eksodusi 21:2

Loku u xava a khumbi ya muHeberu, yi ta ku tirela a ntlhanu wa malembe ni ginwe; kanilezi hi lembe ga wuntlhanu ni mambiri, yi ta tlhatlheka basi, na yi nga rihangi nchumu. Deut. 15:12; Jer. 34:14

Eksodusi 21:4

Loku a nwinyi wa yona a yi nyikile sati, zonake loye wasati a beleka vanana, a wasati ni vanana vakwe va tava va nwinyi wa yona; kanilezi yona yi ta huma yoce.

Levi 22:11

Kanilezi a munhu loyi a xabyilweko hi mupristi hi mali yakwe, yena i taga lezi zilo, hambu ni loyi a pswalilweko lomu ndlwini yakwe; vona va taga zakuga zakwe.

Mateu 18:25

Kota lezi a nga hi hava xa ku riha ha xona, a hosi yakwe yi lo laya lezaku a xabyiswa zinwe ni sati wakwe ni vanana, ni zontlhe lezi a nga hi nazo, kasi ku riha nanzu wa kona. 2 Tih. 4:1; Neh. 5:8