Genesisi 17:10 - Tshwa Bible

¹⁰ Lexi hi xivumelwano xa mina xikari ka mina na wena, ni pswalo wa wena anzhako ka wena: Vontlhelele vavanuna va nga xikari ka nwina va ta enghena wukwera. Miti. 7:8; Rom. 4:11

Genesisi 17:10 Mawu Ofanana

Genesisi 17:11

Mu tava mikwera, mu susa a dewu ga le magumo ka nyama ya nwina, ku tava xifungo xa xivumelwano xikari ka mina na nwina.

Genesisi 17:23

Abrahama i lo teka Ixmaeli a nʼwana wakwe, ni vontlhe lavo va belekelweko lomo ndlwini, ni vontlhe lavo va xabyilweko hi mali yakwe, a vavanuna vontlhe va yindlu ya Abrahama, i lo va maha mikwera hi dewu ga nyama ya magumo gwalego siku, kota kuwula ka Nungungulu.

Genesisi 17:27

A vavanuna vontlhe va yindlu yakwe, va belekelweko lomo ndlwini, lava va xabyilweko hi mali ka vamatiko, va lo mahiwa mikwera zinwe naye.

Genesisi 21:4

Abrahama i lo enghenisa a wukwera a nʼwana wakwe na ha hi ni ntlhanu wa masiku ni manharu, kota lezi Nungungulu a nga wa mu layile.

Genesisi 34:15

Kanilezi i chukwana hi vumelana ka tlhelo legi lezaku mu kota hina; va enghena wukwera vontlhe vavanuna xikari ka nwina.

Genesisi 34:22

Ntsena lezaku lava vanhu va nga vumela ku tshama na hina, hi maha lixaka linwe, loku a vavanuna vontlhe va ka hina va maha mikwera; kota lezi vona va mahileko.

Eksodusi 12:48

Loku a wamatiko loyi a luvelako xikari ka nwina a lava ku maha Pasika ka Jehova, i fanele ku va maha mikwera vontlhe vavanuna va ngango wakwe, zonake i ta tshinela aga Pasika: hakuva i ta ku khwatsi hi loyi a belekilweko lomu lixakeni la nwina; kasike loyi a nga kala ku enghena wukwera, cima a nga taga Pasika.

Eksodusi 4:25

Makunu Zipora i lo teka a ribye go kariha, a tsema a dewu ga magumo ya nisanyana wakwe, a khumba ha gona a milenge ya Mosi, aku: Hakunene, a ka mina wena u nuna wa nkhata. Gen. 17:14

Jeremia 4:4

Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

Johani 7:22

Mosi i lo mu nyika wukwera (a hi lezaku gi sangulwe hi Mosi, kanilezi hi vakokwani), kanilezi hi sabado mu enghenisa munhu wukwera. Gen. 17:10; Levi 12:3

Mitiro 7:8

Hi laha a nga mu nyika a xivumelwano xa wukwera. Na Abrahama i lo pswala Isaka, a mu enghenisa wukwera hi siku ga wuntlhanu ni manharu; Isaka a pswala Jakobe, na Jakobe a pswala a vanyapanze va khume ni vambiri. Gen. 17:9; 21:2; 1 Kro. 1:34; Mat. 1:32; Gen. 25:26

Va le Roma 2:28

Hakuva a muJuda wa zinene, a hi yena a nga yena hi lahandle ntsena; hambu ni wutshiva a hi legi ga nyama. Mat. 3:9; Joh. 8:39; Gal. 6:15

Va le Roma 3:25

loyi Nungungulu a nga mu yimisa a kuva nzhiho hi nkhata wakwe, wu amukelwako hi kukholwa. Lezi zi kombisa a kululama ka Nungungulu, hakuva kuhuniseleni kakwe i wa tsikile a zionho zi nga mahiwa kale; Levi 18:15; 1 Joh. 4:10

Va le Roma 3:28

Hakuva ha tiyisa lezaku munhu i hlayelwa kululama a handle ka mitiro ya nayo. Gal. 2:16; Tit. 3:5

Va le Roma 3:30

kota lezi a nga Nungungulu munwe, loyi a ta nga hlayela kululama a zitshiva hi kota ya kukholwa, ni lavava makhuna hi kona kukholwa.

Va le Galatia 3:28

A ka hi kona muJuda hambu muGreki, a ka hi kona khumbi hambu a tlhatlhekileko, a ka hi kona wanuna hambu wasati; hakuva nwina nwentlhe mu munwe ka Kristu Jesu. Joh. 10:16; 17:21; Rom. 10:12

Va le Galatia 6:12

Vontlhe lava va navelako a kuva ni wudumo gi nene nyameni, va mu kurumeta a ku enghena wukwera; va maha lezo ntsena kasi va nga xaniswi hi kota ya xihambano xa Kristu. Fil. 3:18

Va le Efesusi 2:11

Hikwalaho alakanyani lezaku a kale mu wa hi vamatiko hi ka nyama. Mu wa vitanwa Makhuna hi vona lava va vitanwako Zitshiva, gi nga wukwera ga nyama gi mahiwako hi mandla. Rom. 2:28

Deuteronome 10:16

Enghenisani wukwera a timbilu ta nwina, mu nga nonohisi tinhamu ta nwina;

Deuteronome 30:6

Na Jehova Nungungulu wa wena i ta enghenisa wukwera a mbilu ya wena, ni timbilu ta zizukulwana za wena, kasi wena wa fela ku ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, kasi wa fela ku hanya. Jer. 4:4; Ezek. 11:19; Rom. 2:29; Fil. 3:3

Va le Filipi 3:3

Hakuva hina hi zitshiva, hina lava hi khozelako hi Moya wa Nungungulu, hi ti kulisako ha Kristu Jesu, na hi nga hi na kutsumba nyameni. Deut. 10:16; 30:6; Jer. 4:4; Joh. 4:23; Rom. 2:29; 4:11; Kol. 2:11

Joxua 5:2

Ka xwalexo xikhati Jehova i te ngalo ka Joxua: Maha mikwana hi maribye, u enghenisa wukwera kambe ka vanana va ka Israeli a khati ga wumbiri. Ekso. 4:25

Joxua 5:4

Joxua i lo va enghenisa wukwera hi xigelo lexi. Vontlhe a vavanuna lava va nga huma hi le Gipite, a vavanuna lava va hlomako yimpi, vontlhe va wa file laha ndleleni lomu xiwuleni na vata hi le Gipite;