Genesisi 15:18 - Tshwa Bible

¹⁸ Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:

Genesisi 15:18 Mawu Ofanana

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Genesisi 13:15

hakuva a tiko gontlhe legi u gi wonako, nzi ta gi nyika ka wena ni pswalo wa wena kala kupinzuka.

Genesisi 2:14

A vito ga congo wa wunharu hi Hedekeli: hi wona lowu wu khulungelako a Mutsuwuka-gambo wa Assiria. A congo wa wumune hi Eufrate.

Genesisi 24:7

Jehova, Nungungulu wa tilo, loyi a nga nzi teka le ndlwini ka dadani, ni le tikweni ga maheleko, loyi a nga wulawula a hlambanya ka mina, aku: A pswalo wa wena nzi ta wu nyika legi tiko; i ta ruma ngelosi yakwe mahlweni ka wena, u ta ya mu tekela nʼwana wa mina a sati leyo.

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Genesisi 28:4

a ku nyika xikatekiso xa Abrahama, wena ni pswalo wa wena; kasi wena wa fela kuga a tshomba ya tiko lego u luvelako ka gona, legi Nungungulu a nga gi nyika ka Abrahama.

Genesisi 35:12

A tiko legi nzi nga nyika Abrahama na Isaka, nzi ta gi nyika ka wena, nzi ta gi nyika ni ka pswalo wa wena anzhako ka wena.

Genesisi 50:24

Zonake Josefa aku ka vanakulobye: Mina nzafa; kanilezi Nungungulu i ta mu enzela, hakunene i ta mu humesa ka legi tiko, a mu yisa tikweni legi a nga hlambanya ka Abrahama, na Isaka, na Jakobe, lezaku i ta va nyika gona.

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

2 Samueli 8:3

Davida i lo hlasela Hadadezera nʼwana Rehoba, a hosi ya le Zoba, na a haya ku ya tiyisa mufumo wakwe le Congweni wa Eufrate.

1 Tihosi 4:21

Solomoni i lo fumela wontihe matiko kusukela Congweni wa Eufrate kala le tikweni ga vaFilistia ni le mbhinganweni wa le Gipite; va wa luva ka Solomoni ni ku mu tirela wontihe masiku ya kuhanya kakwe.

1 Tihosi 5:1

Hiramu a hosi ya le Tire i lo rumela malanza yakwe ka Solomoni, hakuva i wa zwile lezaku va mu totile a kuva hosi wutshanwini ga raru wakwe, hakuva Hiramu i wa hi xaka ga Davida wontihe masiku. 2 Sam. 5:11

1 Kronekele 16:16

Ni xivumelwano xakwe lexi a xi mahileko na Abrahama, Ni lexi a hlambanyileko ka Isaka. Gen. 15:18; 17:1; Lu. 1:72

1 Kronekele 5:9

Hi tlhelo ga Mutsuwuka-gambo, i wa akile kala le xiwuleni ku ya chikela le Congweni wa Eufrate, hakuva a mitlhambi yabye yi wa enzelekelene le tikweni ga Gileade.

2 Kronekele 7:8

Xikhatini xwalexo Solomoni i lo maha mubuzo ntlhanu wa masiku ni mambiri, zinwe ni vontlhe va ka Israeli; xi wa hi xidlemo xa hombe nguvu xi nga wa tsombene kusukela le nyangweni ya le Hamate kala le xicongwaneni xa Gipite.

2 Kronekele 8:7

A vanhu vontlhe lava va nga wa hi misalela ya vaHiti, ni maAmori, ni vaPerezi, ni vaHivi, ni vajebusi, lava va nga hiko va ka Israeli,

2 Kronekele 9:26

I wa fumela tontlhe tihosi kusukela Congweni kala le tikweni ga vaFilistia, ni le mbhinganweni wa Gipite.

Ezra 4:20

Ni kambe Jerusalema i muti wu nga fumelwa hi tihosi ta tinhenha ti nga wa fumela matiko wontihe ya le tlhatuko wa congo, ti khupelwa, ni ku lubyiwa, ti humeselwa hlengo. 1 Tih. 4:21

Nehemia 9:8

u kuma mbilu yakwe na yi kholekile mahlweni ka wena, u maha naye xivumelwano xo nyika vana vakwe a tiko ga maKanani, ni ga vaHiti, ni ga vaAmori, ni ga vaPerizi, ni ga vajebusi, ni ga vaGirgaxi, u tlhela u tatisa timhaka ta wena; hakuva wena u lulamile.

Tisimu 105:11

Aku: Nzi ta ku nyika a tiko ga Kanani, Lezaku giva tshomba ya wena.

Eksodusi 13:11

Laha Jehova a ta nga ku chiketa a tikweni ga vaKanani, kota lezi a hlambanyileko ka wena ni ka vararu va wena, a ku ku nyika gona,

Eksodusi 2:24

Nungungulu i lozwa kurila kabye, a alakanya a xivumelwano xakwe na Abrahama, na Isaka, na Jakobe.

Eksodusi 23:23

Hakuva a ngelosi ya mina yi ta ku rangela mahlweni, yi ku yisa tikweni ga vaAmori, ni vaHiti, ni vaPerezi, ni vaKanani, ni vaHivi, ni vajebusi, na vona nzi ta va lovisa.

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Eksodusi 32:13

Alakanya Abrahama, na Isaka, na Israeli, a malanza ya wena, lava u nga hlambanya ka vona uku ngalo: Nzi ta anzisa a pswalo wa nwina; wu ta kota tinyeleti ta tilo; nzi ta nyika ka pswalo wa nwina gontlhe tiko legi nzi gi wulileko, va ta gi fumela kala kupinzuka, Gen. 12:7; 15:5; Maheb. 6:13

Eksodusi 34:11

Hlayisa lezi nzi ku leletelako zona nyamutlha. Nzi ta hlongola mahlweni ka wena a vaAmori, ni vaKanani, ni vaHiti, ni vaPerezi, ni vaHivi, ni vajebusi.

Eksodusi 34:24

Hakuva nzi ta hlongola matiko mahlweni ka wena, nzi kulisa a tiko ga wena: ku nga tava kona a munhu a ta nga mbilukela a tiko ga nwina, loku mu ya ti wonekelisa kanharu hi lembe mahlweni ka Jehova, Nungungulu wa wena.

Eksodusi 6:4

Mina nzi yimisile a xivumelwano xa mina zinwe na vona xa kuva nzi va nyika a tiko ga Kanani, a tiko legi va nga wa luvele ka gona.

Eksodusi 6:8

nzi ta mu yisa ka tiko legi nzi nga hlambanya nziku: Nzi ta gi nyika ka Abrahama, na Isaka, na Jakobe; nzi ta mu nyika gona, akuva tshomba ya nwina. Hi mina Jehova. Ezek. 20:5

Isaya 27:12

A ka xikhati lexo Jehova i ta kolela mihanzu, Kusukela nzelelweni wa Congo kala congweni wa Gipite, Zonake nwina mu ta vingeretelwa ha munwe-munwe, nwina vana va ka Israeli.

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Jeremia 32:22

U va nyikile tiko legi u nga gi hlambanya ka vararu vabye lezaku u ta va nyika gona, a tiko gi khulungako a masi ni wulombe;

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Levi 26:42

zonake nzi ta alakanya a xivumelwano xa mina na Jakobe, ni kambe nzi ta alakanya a xivumelwano xa mina na Isaka, ni xivumelwano xa mina na Abrahama, nzi ta alakanya ni tiko.

Levi 26:45

Hi kota ya vona nzi ta alakanya xivumelwano xa mina lexi nzi mahileko ni vararu vabye, lava nzi va humesileko tikweni ga le Gipite kuwoneni ka vamatiko, kasi nziva Nungungulu wabye. Hi mina Jehova.

Mitsengo 34:5

Kusukela le Azmoni, a mbhingano wu ta komama le xicongwaneni xa le Gipite, wu kala wu chikela le bimbini.

Mitiro 7:5

Kanilezi a nga mu nyikangi tshomba ka gona, ge, hambu ni ya ku veka konzo wakwe kona; kanilezi i lo mu tsumbisa lezaku i ta gi nyika kakwe, giva gakwe ni ga pswalo wakwe, hambu lezi a nga ngha a nga seva na nʼwana. Gen. 12:7; 15:3; 17:8; 26:3

Deuteronome 11:24

A wutshamu gontlhe legi a mikonzo ya nwina yi ta nga kanzihela, gi tava ga nwina; a mbhingano wa nwina wu ta sukela le xiwuleni kala le Lebanoni, ni ku sukela Congweni, wona congo wa Eufrate, kala le Bimbini ga Mupela-gambo. Ekso. 23:31; Mitse. 34:2; Jox. 1:3

Deuteronome 12:20

Laha Jehova Nungungulu wa wena a ta nga enzelekisa a tiko ga wena, khwatsi hi lezi a ku byelileko, zonake loku u ranza kuga nyama, u taku: A mbilu ya mina yi navela kuga nyama, u taga nyama hi zontlhe zikhati lezi a mbilu ya wena yi xuvako kuga nyama. Gen. 23:14

Deuteronome 19:8

Ni laha Jehova Nungungulu wa wena a ta nga enzelekisa a tiko ga wena, khwatsi hi lezi a hlambanyileko ka vararu va wena, ni ku ku nyika gontlhe tiko a nga wula ku ngalo i ta gi nyika vararu va wena;

Deuteronome 34:4

Jehova i te ngalo kakwe: Legi hi gona tiko nzi gi hlambanyileko ka Abrahama, ni ka Isaka, ni ka Jakobe, nziku: Nzi ta gi nyika ka pswalo wa wena; hikwalaho mina nzi ku kombisile gona kasi u gi wona hi mahlo ya wena, kanilezi u nga ta tlhatukela ka gona. Gen. 12:7

Deuteronome 7:1

Laha Jehova Nungungulu wa wena a ta nga ku chiketa ka tiko legi u yako ka gona ku ya gi fumela, ni laha a ta nga panzanya mahlweni ka wena wontihe matiko lawa yo tala, a vaHiti, ni vaGirgaxi, ni vaAmori, ni vaKanani, ni vaPerezi, ni vaHivi, ni vajebusi, a ntlhanu wa matiko ni mambiri lawa ma ku hunzako hi wukulu ni ntamu, Ekso. 23:23

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Joxua 13:3

kusukela Xihori, legi gi nga mahlweni ka Gipite, kala le mbhinganweni wa le Ekroni hi le Nwalungu, a tiko legi va nge ngalo ga maKanani; a tiko gi nga ni ntlhanu wa tihosi ta maFilistia, ya Gaza, ya Axdodi, ya Axkeloni, ya Gati, ya Ekroni, ni tiko ga maAvi;

Joxua 15:4

wu ya hunza hi le Azmoni, wu ya huma ka xicongwana xa le Gipite, wu ya gumesa lomu bimbini. Lowu hi mbhingano wa nwina wa le Dzongeni.

Kuvululelwa 9:14

giku ka ngelosi ya wuntlhanu ni yinwe, leyi yi nga hi ni mpunzu: Tlhatlha mune wa tingelosi leti ti bohilweko congweni lowu wa hombe wa Eufrate. Xip. 16:12