Genesisi 15:1 - Tshwa Bible

¹ Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Genesisi 15:1 Mawu Ofanana

Genesisi 15:2

Abrama i te ngalo: Hosi Jehova, u ta nzi nyika yini ke? Nzi suka na nzi nga hi na nʼwana, loyi a ta ngaga a tshomba ya mina, kasi Eliazare wa le Damasku i tava mugi wa tshomba ya mina.

Genesisi 15:4

Zonake a gezu ga Jehova gi lota, giku: Loye a nga ta kuva mugi wa tshomba ya wena; kanilezi loyi a ta nga belekwa hi wena, hi yena a ta ngava mugi wa tshomba ya wena.

Genesisi 21:17

Nungungulu i lozwa a gezu ga mufana; ni ngelosi ya Nungungulu yi vitana Hagari, yi hi le tilweni, yiku kakwe: Hagari, u yini ke? U nga chavi; hakuva Nungungulu i zwile a gezu ga mufana laho a nga kona.

Genesisi 22:1

Zonake anzhako ka lezo zilo, Nungungulu i lo ringa Abrahama aku ngalo: Abrahama! Aku: Nzi laha. Maheb. 11:17-19

Genesisi 22:20

Makunu a nzhako ka lezo ku lo ta byelwa Abrahama lezaku: Languta, yenawu Milka i belekele Nahori nakuloni, a zihlangana;

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Genesisi 31:7

Kanilezi a raru wa nwina i nzi khohlisile khume ga zikhati a hunzulusa a hakhelo ya mina; kanilezi Nungungulu a nga vumelangi a kuva a nzi mahela kubiha.

2 Samueli 22:3

Nungungulu wa mina, a ribye ga mina legi nzi chavelako ka gona, A xitlhangu xa mina, ni limhonzo la kuhanya ka mina, Ni khokhola ga mina gi tlakukileko, ni wuchavelo ga mina! Muhlanguti wa mina, u nzi hanyisako ka lava va nzi hlokisako. Lu. 1:69; Maheb. 2:13

2 Tihosi 1:15

Zonake a ngelosi ya Jehova yi te ngalo ka Elija: Relela u famba naye, u nga mu chavi! Elija i lo suka a relela naye vaya le hosini.

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

Tisimu 115:10

Nwina yindlu ya ka Aroni, tsumbani Jehova, Hi yena muvuni wabye ni xitlhangu xabye.

Tisimu 119:114

U wuchavelo ga mina ni xitlhangu xa mina, Nza tsumba a mhaka ya wena.

Tisimu 142:5

Jehova, nza rila ka wena, Nziku: Wena u wuchavelo ga mina, U xiavelo xa mina laha misaveni ya vahanyako.

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 27:1

Jehova hi kuwonekela ka mina ni kuhanyisa ka mina; Nzi ta chava mani ke? Jehova hi khokhola ga wutomi ga mina; Nzi ta rurumela ha mani ke?

Tisimu 3:3

Kanilezi wena Jehova u xitlhangu xa mina, U wukosi ga mina, loyi a tlakusako hloko ya mina.

Tisimu 3:4

Nzi vitana ka Jehova hi gezu ga mina, Yena wa nzi hlamula hi le xitsungeni xakwe xo basa. (Sela.)

Tisimu 5:12

Hakuva wena Jehova u katekisa loyi a lulamileko, U mu vikela hi wuxinji ga wena khwatsi xitlhangu.

Tisimu 58:11

Zonake a vanhu va taku: Kunene, loyi a lulamileko i na ni nchachazelo; Hakunene, ku kona Nungungulu loyi a lamulako misaveni. 2 Tes. 1:5

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Tisimu 84:9

Nungungulu, xitlhangu xa hina, languta, U cuwuka a nghohe ya a totilweko wa wena.

Tisimu 91:4

I ta ku fenengeta hi tisiva takwe, U kuma wuponelo lahasi ka tipapa takwe; A kutsumbeka kakwe xitlhangu ni ngenge. Mat. 23:37

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Mavingu 11:18

A hakhelo ya wa kubiha ya khohlisa; anilezi loyi a byalako kululama i ta kuma nchachazelo wu nene. Hos. 10:12; Jak. 3:18

Mavingu 30:5

Tontlhe timhaka ta Nungungulu ti basisilwe; i yena xitlhangu xa vona lava va mu tsumbako.

Isaya 35:4

Wulani ka vona lava va nga ni hlenekera, muku: Tiyisani timbilu, mu nga chavi! Langutani, wata Nungungulu wa nwina, i ta mu photela, Wu nga wona nchachazelo wa Nungungulu; I tata a ta mu hanyisa.

Isaya 40:10

Langutani, Hosi Jehova i tata khwatsi i nhenha, A ku ta fuma hi canja gakwe. Langutani, wata ni nchachazelo wakwe, Ni muphango wakwe wa mu rangela.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 41:14

U nga chavi wena xiwungwani, Jakobe, Na nwina misalela ya Israeli; Nzi ta ku vunetela, ku wula Jehova; A Mutiruli wa wena hi Loyi wa ku Basa wa ka Israeli.

Isaya 43:1

Kanilezi makunu ku wula Jehova, loyi a ku vangileko Jakobe, Loyi a ku wumbileko wena Israeli, i ngalo: U nga chavi nchumu, hakuva nzi ku tlhatlhisile, Nzi ku vitanile hi vito ga wena, u wa mina. Gen. 26:24

Isaya 43:5

U nga chavi, hakuva nzi zinwe na wena; Nzi ta neha a vanana va wena hi le Mutsuwuka-gambo, Nzi ku tsombanyisa u huma hi le Muhlwa-gambo.

Isaya 44:2

I wula lezi Jehova loyi a ku mahileko, Loyi a nga ku wumba rumbyini ga nyine wa wena, a muvuni wa wena, Aku: U nga chavi nchumu Jakobe, nanza ga mina, Wena Jexuruni loyi nzi ku hlawulileko. Jer. 30:10; 46:27

Isaya 44:8

Mu nga chavi, ge hambu ku rurumela! A nzi ku byelangi kale, nzi zi tlhatlhambutela ke? Nwina mu vakustumunyu va mina. I kona munwani Nungungulu a handle ka mina ke? Ge, a gi kona ginwani ribye, a nzi gi tivi. Deut. 4:35; 1 Sam. 2:2; 1 Kor. 8:4

Isaya 51:12

Hi mina wutsumbu nzi mu chavelelako. U mani wena u chavako a vanhu va ta ngafa, Ni vana va vanhu va ta nga hunzuka va fanana ni byanyi;

Jeremia 39:17

Kanilezi nzi ta ku ponisa hi lego siku, ku wula Jehova, u nga ta nyikelwa a mandleni ya vanhu lavo u va chavako.

Mikosi 3:24

Jehova xiavelo xa mina, ku wula muhefemulo wa mina, Hikwalaho nzi ta mu tsumba.

Ezekieli 1:1

Hi lembe ga 30, hi siku ga wuntlhanu ga hweti ya wumune, khwatsi hilezi nzi nga hi xikari ka lava va nga hi wukhumbini, le congweni wa Kebare, a matilo ma lo vululeka, nzi wona a miwoniso ya ka Nungungulu.

Ezekieli 11:24

A moya wu lo nzi tlakula wu nzi yisa Kaldea hi muwoniso wa Moya wa Nungungulu, a ka lava va nga hi wukhumbini. Zonake a muwoniso lowu nzi nga wu wona wu lo suka mahlweni ka mina.

Ezekieli 3:4

I te ngalo ka mina: Nʼwana wa munhu, famba uya ka yindlu ya ka Israeli, u ya va byela magezu ya mina.

Mitsengo 12:6

Zonake aku ngalo: Zwanani timhaka ta mina! Loku ku hi kona muprofeti xikari ka nwina, mina Jehova nzi ti tivekisa ka yena hi miwoniso, nzi wulawula naye hi miloro.

Mitsengo 18:20

Jehova i lo wulawula ka Aroni, aku: Wena u nga ta kuva ni tshomba lomu tikweni gabye, wena u nga tava ni xiavelo xikari kabye; hakuva mina nzi xiavelo xa wena ni tshomba ya wena xikari ka vanana va ka Israeli. Deut. 10:9; Ezek. 44:28

Mitsengo 24:4

I gezu ga loyi a ingisako timhaka ta Nungungulu, Loyi a wonako mahanjalati ya Nyamintamu, Loyi a koramako, zonake a mahlo yakwe ma vululeka.

Mateu 28:5

A ngelosi yi lo wula ka vavasati, yiku: Mu nga chavi; hakuva nza zi tiva lezaku mu lava Jesu, loye a nga belelwe.

Mateu 8:26

Yena aku kabye: Nwina va kukholwa ku tsongwani, hi yini mu chavako? Zonake i lo vuka, a kawuka mheho ni bimbi, ku lova ni malenga ya hombe. Tis. 65:7

Luka 1:13

Kanilezi a ngelosi yi te ngalo kakwe: U nga chavi, Zakaria; hakuva a xikombelo xa wena xi zwilwe; a sati wa wena Elizabeti i ta ku pswalela a nisanyana, u ta mu chula vito gakwe ku hi Johani.

Luka 1:30

A ngelosi yiku ngalo kakwe: U nga chavi. Maria; hakuva u kumile thomo ka Nungungulu.

Luka 12:32

Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26

Mitiro 10:22

Vaku ngalo: Korneliu, a nga nduna ya zana, a munhu a lulamileko loyi a chavako Nungungulu, loyi a khesiwako hi vaJuda vontlhe, i lo layiwa hi Nungungulu hi nomu wa ngelosi yo basa ku ku vitana ndlwini yakwe, lezaku a yazwa lezi u ta nga mu byela zona. Vesi 1, 2; Xip. 22:12

1 Va le Korinte 3:22

hambu a hi Paule, kutani Apolose, kutani Kefasi, kutani misava, kutani wutomi, kutani kufa, kutani lezi zi nga kona, kutani lezi zi ta ngata; zontlhe za nwina;

Deuteronome 18:2

Cima va nga ta kuva na tshomba xikari ka vamakabye vabye; a tshomba yabye hi Jehova, kota lezi a wulileko ka vona.

Deuteronome 31:6

Tiyani hlana, mu nga mbheli ntamu! Mu nga chavi, hambu ni ku dzukiswi ha vona, hakuva Jehova Nungungulu wa nwina i famba mahlweni ka nwina, cima a nga ta mu siya, hambu ni ku mu tsika. Jox. 1:5; Maheb. 13:5

Maheberu 1:1

Nungungulu i lo wulawula kale hi zikhati ni zikhati ka vakokwani hi vaprofeti hi mawulawulela ma tsalangeneko; Mitse. 12:6, 8

Kuvululelwa 1:17

Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10

Rute 2:12

Jehova a ku tlhelisele mitiro ya wena, u amukela nchachazelo wa hombe hi ka Jehova Nungungulu wa ka Israeli, loyi u tileko hasi ka tipapa takwe kasi ku ta kuma wuponelo. Tis. 17:8; Mat. 23:37

1 Samueli 15:10

Zonake Jehova i lo wulawula na Samueli, aku:

1 Samueli 9:9

(A kale ka va ka Israeli, loku va ya wutisa ka Nungungulu, va waku: Ngone hi famba ka Muvumbi; hakuva loyi inyamutlha hi nge ngalo Muprofeti, a kale va waku, Muvumbi.) Mitse. 12:6