Genesisi 13:16 - Tshwa Bible

¹⁶ Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Genesisi 13:16 Mawu Ofanana

Genesisi 15:5

Yena i lo mu humesa lahandle aku ngalo: Cuwuka le tilweni, u hlaya tinyeleti, loku u zi kota ku ti hlaya. Yena i te ngalo kakwe: Zi tava nghaho ni pswalo wa wena. Deut. 10:22; Maheb. 11:12

Genesisi 16:10

A ngelosi ya Jehova yi te ngalo kakwe: Nzi ta anzisa nguvu a pswalo wa wena, cima wu nga ta hlayiwa hi wunyingi.

Genesisi 17:16

Nzi ta mu katekisa, hi ka yena nzi ta ku nyika a nisanyana; nzi ta mu katekisa, a maha mamani wa matiko, a tihosi ta vanhu ti ta huma hi ka yena.

Genesisi 17:2

Nzi ta yimisa a xivumelwano xikari ka wena na mina, nzi ku anzisa nguvu.

Genesisi 17:20

Kambe nzi ku zwile hi tlhelo ga Ixmaeli; languta, nzi ta mu katekisa nzi anzisa pswalo wakwe, wu anza nguvu, yena i ta beleka a 12 wa tihosana, nzi ta maha ha yena a tiko ga hombe.

Genesisi 17:6

Nzi ta anzisa nguvu a pswalo wa wena, nzi maha matiko ha wena, ni tihosi ti ta huma hi ka wena.

Genesisi 18:18

Lezo Abrahama a ta ngava tiko ga hombe ga ntamu hakunene, a matiko wontihe ya misava ma ta katekiswa hi yena. Ekso. 1:7; Miti. 3:25; Gal. 3:8

Genesisi 21:13

Na yena a nʼwana wa khumbi nzi ta mu maha a tiko; hakuva i pswalo wa wena.

Genesisi 22:17

nzi ta ku katekisa nguvu, ni ku anzisa a pswalo wa wena, wu kota tinyeleti ta tilo, ni ku kotisa a seke ga le fungwini wa bimbi; ni pswalo wa wena wu ta fumela a nyangwa ya valala vabye.

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Genesisi 28:14

a pswalo wa wena wu ta kota a tshuri wa misava; wena u ta hangalaka le Mupela-gambo, ni Muhuma-gambo, ni Nwalungu, ni le Dzongeni; hi ka wena ni ka pswalo wa wena a matiko wontihe ma ta katekiswa.

Genesisi 28:3

Nungungulu wa Ntamu-wontlhe a ku katekise, a ku maha u pswala, a ku anzisa, u maha lixaka la hombe;

Genesisi 32:12

Hi wena u nga wula ku ngalo: Nza tiyisa lezaku nzi ta ku mahela zinene, nzi ta maha a pswalo wa wena wu kota a seke ga bimbi gi nga hiko na kuhlayiwa.

Genesisi 32:13

I lo etlela laho lego wusiku. I lo hlawula xikari ka lezi a nga wa hi nazo kasi ku maha xinyikiwo ka nakulobye zi nga lezi:

Genesisi 35:11

Nungungulu aku kakwe: Hi mina Nungungulu wa ntamu wontihe; pswalani mu anza. Ku ta huma hi ka wena a tiko, ni wunyingi ga matiko, ni tihosi ti ta huma hi xiwunwini xa wena.

Genesisi 46:3

Aku: Hi mina Nungungulu, Nungungulu wa raru wa wena; u nga chavi ku rura uya Gipite, hakuva leyo nzi ta ya ku maha a tiko ga hombe.

1 Tihosi 3:8

A nanza ga wena gi lomu xikari ka vanhu va wena, lava u va hlawulileko, a vanhu va teleko, va tsanza-vahlayi hi kota ya ku tala kabye. Gen. 13:16; 1 Tih. 1:20

1 Tihosi 4:20

A vaJuda ni va ka Israeli va wa tele nguvu khwatsi i seke wa fungu wa bimbi. Va loga, vanwa, va tsaka. Gen. 13:16; 22:17

2 Tihosi 13:23

Kanilezi Jehova i lo va zwela wusiwana, a va mahela wuxinji, a va languta hi kota ya xivumelwano xakwe zinwe na Abrahama, na Isaka, na Jakobe; a nga lavangi ku va lovisa, kala lezi a nga va hoxangi kule ni nghohe yakwe. Gen. 17:7; Ekso. 2:24; Levi 26:42

1 Kronekele 21:5

Joabe i lo ta byela Davida a tsengo wa vanhu lava va hlayilweko: lomu tikweni gontlhe ga ka Israeli ku wa hi ni 1,100,000 wa vavanuna lava va khomako matlhari; lomu tikweni ga ka Juda ku wa hi ni 470,000 wa vavanuna lava va khomako matlhari.

1 Kronekele 27:23

Davida i wa nga hlayangi lava va nga hi hasi ka 20 wa malembe, hakuva Jehova i wa tsumbisile lezaku i ta anzisa va ka Israeli va tala kota tinyeleti ta tilo. Gen. 15:5; 22:17; Mitse. 1:2

2 Kronekele 1:9

Makunu, Jehova Nungungulu, a xitsumbiso xa wena ka dadani wa mina Davida a xi tatiseke, hakuva u nzi yimisile a kuva hosi ya vanhu va teleko ku kotisa a tshuri wa misava. Gen. 13:16

Joba 5:25

Ni kambe u ta wona lezaku a lixaka la wena li tava la hombe, Ni lezaku a vazukulu va wena va ta tala ku fanana ni byanyi ga khwati.

Eksodusi 1:7

A vanana va ka Israeli va lo beleka va anza, va tala nguvu, va hi ni ntamu, va tata tiko. Gen. 18:18; Miti. 7:17

Eksodusi 32:13

Alakanya Abrahama, na Isaka, na Israeli, a malanza ya wena, lava u nga hlambanya ka vona uku ngalo: Nzi ta anzisa a pswalo wa nwina; wu ta kota tinyeleti ta tilo; nzi ta nyika ka pswalo wa nwina gontlhe tiko legi nzi gi wulileko, va ta gi fumela kala kupinzuka, Gen. 12:7; 15:5; Maheb. 6:13

Jeremia 33:22

Khwatsi hi yimpi ya tilo yi nga hlayiwiko, ni seke ga bimbi gi nga hiko na ku pimiwa, zakunghahi nzi ta anzisa a pswalo wa Davida a nanza ga mina, ni vaLevi lava va nzi tirelako.

Mitsengo 23:10

Himani a ta nga hlaya Jakobe a teleko kota tshuri ke? Hambu ku tiva tsengo wa xipanze xa wumune xa vaIsraeli ke? A nzife hi kufa ka valulamileko, Ni kugumesa ka mina a ku kote ka vona! Gen. 13:18; 28:14

Deuteronome 1:10

Jehova Nungungulu wa nwina i mu enzelekisile, zonake inyamutlha mu tele kota tinyeleti ta tilo.

Maheberu 11:12

Hikwalaho ka wanuna munwe, loyi a ngaku khwatsi i file, ku lo huma vanyingi khwatsi hi tinyeleti ta tilo, ni ku khwatsi hi seke ga le fungwini wa bimbi, legi gi nga hiko na ku hlayiwa. Gen. 22:17; Rom. 4:18, 19

Kuvululelwa 7:9

Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11

Valamuli 6:3

Ku waku loku va byalile, a vaMidiani ni vaAmaleki ni va le Mutsuwuka-gambo, va kanziha va ta va hlasela.

Valamuli 6:5

Hakuva vona va wota ni mitlhambi yabye ni matenda yabye. Va wata khwatsi i humbi yi nga hiko na kuhlayiwa, va lota ni makameli yabye va ta xakela tiko.