Genesisi 12:2 - Tshwa Bible

² Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 12:2 Mawu Ofanana

Genesisi 13:16

Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Genesisi 15:5

Yena i lo mu humesa lahandle aku ngalo: Cuwuka le tilweni, u hlaya tinyeleti, loku u zi kota ku ti hlaya. Yena i te ngalo kakwe: Zi tava nghaho ni pswalo wa wena. Deut. 10:22; Maheb. 11:12

Genesisi 17:20

Kambe nzi ku zwile hi tlhelo ga Ixmaeli; languta, nzi ta mu katekisa nzi anzisa pswalo wakwe, wu anza nguvu, yena i ta beleka a 12 wa tihosana, nzi ta maha ha yena a tiko ga hombe.

Genesisi 18:18

Lezo Abrahama a ta ngava tiko ga hombe ga ntamu hakunene, a matiko wontihe ya misava ma ta katekiswa hi yena. Ekso. 1:7; Miti. 3:25; Gal. 3:8

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

Genesisi 19:29

Lezo laha Nungungulu a nga lovisa a miti ya lomu mikoveni, i lo alakanya Abrahama, a vumela Loti ku pona kuhahlulweni loko, laha a nga lovisa a miti leyi Loti a nga wa akile ka yona.

Genesisi 24:1

Abrahama i wa hi wakale, na hi ni malembe yo tala: Jehova i lo katekisa Abrahama ka zilo zontlhelele.

Genesisi 24:35

Jehova i katekisile nguvu a nwinyi wa mina, yena ngwa hombe; i mu nyikile tiyivu ni tihomu, ni siliva, ni nzalama, ni malanza, ni malanza ya xisati, ni makameli, ni timbongola.

Genesisi 25:11

Zonake anzhako ka kufa ka Abrahama, Nungungulu i lo katekisa Isaka a nʼwana wakwe; Isaka i lo tshama hi le hlobyeni ya Beer-lahairoi.

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Genesisi 27:29

Ngha vanhu va ku tirela, Ni matiko ma korama mahlweni ka wena; Uva hosi ya vamakabye va wena, Ngha a vanana va nyine wa wena va korama mahlweni ka wena. Ngha va rukiwa lava va ku rukako, Va katekiswa lava va ku katekisako.

Genesisi 28:14

a pswalo wa wena wu ta kota a tshuri wa misava; wena u ta hangalaka le Mupela-gambo, ni Muhuma-gambo, ni Nwalungu, ni le Dzongeni; hi ka wena ni ka pswalo wa wena a matiko wontihe ma ta katekiswa.

Genesisi 35:11

Nungungulu aku kakwe: Hi mina Nungungulu wa ntamu wontihe; pswalani mu anza. Ku ta huma hi ka wena a tiko, ni wunyingi ga matiko, ni tihosi ti ta huma hi xiwunwini xa wena.

Genesisi 46:3

Aku: Hi mina Nungungulu, Nungungulu wa raru wa wena; u nga chavi ku rura uya Gipite, hakuva leyo nzi ta ya ku maha a tiko ga hombe.

2 Samueli 7:9

Na mina nzi wa hi na wena kontlhe lomu u nga wa famba kona; nzi hetile vontlhe valala va wena mahlweni ka wena, nzi ku maha uva ni vito ga hombe, khwatsi hi mavito ya vahombe va nga laha misaveni.

1 Tihosi 1:47

Wontihe malanza ya hosi ma tile a ku ta bonga a nwinyi wa hina, hosi Davida, maku: Nungungulu wa wena a tlakuse a vito ga Solomoni ku hunza a vito ga wena, a kulise xitshamu xakwe xa wuhosi a ku hunza xitshamu xa wena! A hosi yi lo korama laha mubhedini wa yona.

Joba 35:8

A kubiha ka wena ku nga onha a munhu wa ku fana na wena, Ni kululama ka wena ku nga vuna a nʼwana wa munhu ntsena.

Tisimu 107:38

A va katekisa, va anza nguvu, A nga hunguli a tsengo wa zifuyo zabye. Deut. 30:9

Eksodusi 1:7

A vanana va ka Israeli va lo beleka va anza, va tala nguvu, va hi ni ntamu, va tata tiko. Gen. 18:18; Miti. 7:17

Eksodusi 32:10

Nzi tsike makunu nzi va zangarela, nzi va mbhetisa; zonake mina nzi ta maha lixaka la hombe ha wena.

Isaya 51:2

Cuwukani ka Abrahama a dadani wa nwina, Na Sara loye a mu psweleko; Hakuva laha a nga hi yece nzi mu vitanile, Nzi mu katekisa, ni ku mu anzisa. Gen. 12:1; Jox. 24:3; Ezek. 33:24

Ezekieli 34:26

Nzi ta va mahela makatekwa vona ni matshamu ma ranzelekeleko a xitsunga xa mina, nzi ta nisa a vula hi nguva ya yona; ku tana a tivula ta zikatekiso. Tis. 68:9; Isa. 44:3

Mika 7:20

U ta tsumbeka ka Jakobe, Abrahama u mu mahela Wuxinji legi u nga gi hlambanyela a vadadani va hina kaleloko.

Zakaria 8:13

Khwatsi hilezi mu nga hi xiruko xikari ka matiko, nwina yindlu ya ka Juda ni ya ka Israeli, lezo nzi ta mu hanyisa, muva xikatekiso. Mu nga chavi, kanilezi tiyani hlana.

Mitsengo 14:12

Nzi ta va lamata hi ntungu, nzi va mbhetisa, zonake nzi ta maha lixaka la hombe ha wena, leli li ta ngava ni ntamu ku hunza vona! Ekso. 32:10

Mitsengo 22:12

Nungungulu i te ngalo ka Balaami: U nga fambi navo. U ngayi u ya phunga lavo vanhu, hakuva va katekisilwe.

Mitsengo 23:20

Hakunene i nzi leletele ku katekisa; I katekisile, cima nzi nga ta hunzulusa.

Va le Roma 4:11

I lo amukela a xikombiso xa ku enghena wukwera, xi maha xifungo xa kululama ka kukholwa loku a nga hi nako na a nga seva xitshiva. Lezaku kasi a fela ku maha raru wa vontlhe va kholwako, hambu loku va hi makhuna, kasi a kululama ku fela ku hlayelwa ka vona. Gen. 17:10; Lu. 19:9; Joh. 8:39

Va le Galatia 3:14

lezaku a xikatekiso xa Abrahama xi fela kuta ka vamatiko ha Jesu Kristu; lezaku hi amukela a xitsumbiso xa Moya hi kukholwa. Isa. 32:15; 44:3; Ezek. 36:27; Joeli 2:28; Rom. 4:9

Va le Galatia 3:7

Hikwalaho tivani lezaku lava va nga va kukholwa, vona i vana va Abrahama. Joh. 8:39

Deuteronome 26:5

Zonake wena u ta wulawula mahlweni ka Jehova Nungungulu wa wena, uku: Dadani i wa hi muAramea loyi a nga lava kufa, kanilezi i loya Gipite ni tsengo wutsongwani wa vanhu, a tshama kona na hi muluveli; na yena i mahile a tiko ga hombe ga ntamu, ga vanhu vo tala. Gen. 11:31; 46:5