Genesisi 1:20 - Tshwa Bible

²⁰ Nungungulu i te ngalo: A mati a ma phandlule a zivangwa lezi zi hanyako, ni tinyanyani a ti purume hehla ka misava, mbhinganweni wa tilo.

Genesisi 1:20 Mawu Ofanana

Genesisi 1:14

Nungungulu i te ngalo: A kuve kona a ziwoningo mbhinganweni wa tilo, zi hambanyisa hlikanhi ni wusiku, ziva zikombiso za tinguva, ni masiku, ni malembe;

Genesisi 1:19

Gi lohlwa, gica, kuva siku ga wumune.

Genesisi 1:21

Nungungulu i lo maha vanghuzulume va zihari za bimbi, ni zontlhe zilo lezi zi hanyako, zi teleko matini hi tixaka ta zona, ni tinyanyani tontlhe ti nga ni tipapa, hi tixaka ta tona; Nungungulu i lo wona lezaku zi wa sasekile.

Genesisi 1:22

Nungungulu i lo zi katekisa, aku: Pswalani, mu anza: mu tatisa a mati ya bimbi, ni tinyanyani a ti anze misaveni.

Genesisi 1:30

Ka zihari zontlhelele za misava, ni tinyanyani ta tilo, ni ka zilo zontlhe zi kokakokako laha misaveni, lezi zi nga ni muhefemulo lowu wu hanyako, nzi zi nyikile a khubyanyi gontlhelele go nyuka, giva kuga ka zona; zi lo mahisa lezo.

Genesisi 1:7

Nungungulu i lo wu vanga pfhuka, a hambanyisa a mati ya laha hasi ka pfhuka ni mati ya le hehla ka pfhuka; ku lova lezo.

Genesisi 2:19

Jehova Nungungulu i lo wumba hi misava zontlhe a zihari za khwati, ni tinyanyani ta tilo; i lo zi yisa ka munhu kasi a wona lezaku i ta zi chulisa kuyini mavito ya zona, zonake a mavito wontihe lawo a munhu a nga ma chula ka zivangwa zontlhelele, walawo ma lova mavito ya zona.

Genesisi 7:21

Yi lofa a nyama yontlhe yi makanyako misaveni: tinyanyani, ni zifuyo, ni zihari zontlhe, ni lezi zi kokakokako misaveni, ni vanhu vontlhelele.

Genesisi 8:17

Humesa zihari zontlhe lezi zi nga ha hi zinwe na wena za nyama yontlhelele, a zinyanyani, zifuyo, ni zilo zontlhe zi makanyako misaveni a zi tale laha misaveni, zi pswala zi anza.

1 Tihosi 4:33

I lo wulawula hi tisinya kusukela ka sedare lowu wu nga hehla ka Lebanoni, kala ka hisope lowu wu hlukako lomu khurisini. I lo Wulawula kambe hi zifuyo, ni tinyanyani, ni zikokakoka, ni zidluwani.

Joba 12:9

Ka zontlhe lezi, himani a nga zi tiviko Lezaku Jehova i lo zi maha ke?

Tisimu 148:10

Zivanza ni zifuyo zontlhe; Leʼzi kokakokako, ni tinyanyani ti purumako;

Mutshawuteli 2:21

Hakuva hambu loku munhu a mahile a ntiro wakwe hi wutlhari ni wutivi ni kupinyama, i ta wu siyela munhu loyi a kalako a nga ti karatangi nchumu. Lezo na zonawu a zi nyawuli, kambe zi bihile nguvu.

Levi 11:42

Hambu lezi zi kokakokako hi rumbu, hambu lezi zi fambako hi mune wa milenge, kutani lezi zi fambako hi milenge yo tala, mu nga zigi, hakuva za yila.

Levi 11:43

Mu nga ti nyenyezisi hi zontlhe zikokakoka; mu nga ti nyenyezisi hi ku zi khumba; mu ngava lava mu nga hlazekangiko.

Mitiro 17:25

Tlhatakumbiri a nga tirelwi hi mandla ya vanhu, a ku khwatsi o vumala nchumu; kasi hi yena a va nyikako wutomi vontlhe, ni kuhefemula, ni zilo Zontlhe.