Genesisi 1:11 - Tshwa Bible

¹¹ Nungungulu aku ngalo: A misava a yi humese a byanyi ni matsawu lawa ma pswalako mbewu, ni tisinya ti pswalako mihanzu leyi yi nga ni mbewu ya yona, hi tixaka ta tona laha misaveni. Ku lo mahisa lezo.

Genesisi 1:11 Mawu Ofanana

Genesisi 1:12

A misava yi lo humesa byanyi, ni matsawu lawa ma pswalako mbewu hi tixaka ta wona, ni tisinya leti ti pswalako mihanzu leyi yi nga ni mbewu nzeni ka yona, hi tixaka ta tona. Nungungulu i lo wona lezaku ku sasekile.

Genesisi 1:29

Nungungulu aku ngalo: Langutani, nzi mu nyikile matsawu wontihe ina humesako mbewu, lawa ma nga misaveni yontlhe, ni tisinya tontlhelele ti nga ni mihanzu yi nga ni timbewu, ziva kuga ka nwina.

Genesisi 2:16

Jehova Nungungulu i lo laya munhu, aku: U ngaga tontlhelele tisinya ti nga lomu sinwini hi matsenya;

Genesisi 2:5

Ku wa nga se kuva kona a zimilwa za khwati misaveni, hambu ni khubyanyi gontlhe ga khwati gi wa nga se nga mila, hakuva Jehova Nungungulu i wa nga se nga nisa vula laha misaveni, ku wa nga se kuva kona a munhu wa ku rima misava,

Genesisi 2:9

Jehova Nungungulu i lo milisa laha misaveni tontlhe tisinya ti sasekileko kucuwukekeni, na ti sasekile ku giwa; ni sinya ya wutomi xikari ka simu, ni sinya ya ku tiva kusaseka ni kubiha.

Joba 28:5

Le hehla ka misava ku huma zibaba, Kasi lahasi ka yona ku vindlusilwe hi nzilo.

Tisimu 1:3

I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

Tisimu 147:8

Loyi a fenengetako a tilo hi marefu, A nisako vula misaveni, Ni ku milisa byanyi lomu zitsungeni. Miti. 14:17

Isaya 61:11

Hakuva khwatsi hi misava yi humesako a zimilwa za yona, Ni kukotisa a simu gi milisako a timbewu ti byelweko ka gona, Hizalezo Hosi Jehova i ta milisa kululama ni kukhesa Mahlweni ka wontihe matiko.

Jeremia 17:8

Hakuva i ta fanana ni sinya yi byelweko kusuhi ni mati, Leyi a mitsu ya yona yi navako kala matini, Hambu kuva ni mumu a yi chavi, Kanilezi a matluka ya yona ma simama ma nyuka; A yi karateki hi lembe go kala vula, Hambu ku tsika ku phandlula mihanzu.

Mateu 3:10

Hambu ni lezi a xihloka xi vekilwe mitswini ya tisinya; a tisinya tontlhe leti ti nga pswaliko mihanzu yi neno ti ta tsemiwa, ti hoxiwa nzilweni. Xip. 7:19; Lu. 13:7, 9; Joh. 15:6

Mateu 6:30

Loku Nungungulu a ambexisa lezo a byanyi ga lomu khwatini, legi gi nga kona nyamutlha, kasi hi manziko wa kona gi ta hoxwa khombarini, xana a nga ta mu ambexa nguvu, nwina lava va kukholwa ku tsongwanyani ke?

Marku 4:28

A misava yi pswala mihanzu ha yoce: a kuranga hi khava, zonake a mponwani, zonake mavele ma tiyeleko mponwanini.

1 Va le Korinte 15:38

Kanilezi Nungungulu wa yi nyika a miri kota lezi zi mu xalalisako yena, a ka mbewu yinwe ni yinwani a miri wa yona. Tis. 104:14

Maheberu 6:7

Hakuva a misava leyi yi nwako a vula leyi yi nako kanyingi hehla ka yona, loku yi milisa a zibyalo zi vunako lava yi rimelweko vona, yona misava yi katekiswa hi Nungungulu.

Jakobe 3:12

Vamakabye va mina, xana a nkuwu wu nga pswala maoliva ke, kutani a vina wu pswala makuwu ke? Hambu ni hlowo yo dzunga a yi hunzuki yi humesa mati yo nanziha.