Ezra 9:8 - Tshwa Bible

⁸ Kanilezi makunu Jehova Nungungulu wa hina, i hi kombisile wunene hi xikhatana lexi lezaku a misalela yo kari yi ponile, a hi nyika a wuchavelo wutshanwini gakwe go basa, kala a Nungungulu wa hina a woninga a mahlo ya hina, a hi humuta lomu wukhumbini ga hina.

Ezra 9:8 Mawu Ofanana

2 Tihosi 19:4

Kutani Jehova Nungungulu wa wena i zwile tontlhe timhaka ta Rabxeka, leti a rumilweko hi nwinyi wakwe a hosi ya le Asiria, a ku ta rukatela Nungungulu loyi a hanyako; kutani Jehova Nungungulu wa wena i ta kawuka a timhaka leti a ti zwileko, na wena u ta maha mukombelo hi kota ya vanhu lava va seleko.

Ezra 9:9

Hakuva hina hakunene hi tikhumbi, kanilezi lomu wukhumbini ga hina Nungungulu wa hina a nga hi tsikangi; kanilezi i lo hi kombisa tipswalo mahlweni ka tihosi ta vaPersia, a hi humuta, lezaku kasi hi aketa a yindlu ya Nungungulu wa hina, yi vuxiwa luswa wutshanwini ga yona, hi nyikiwa a khokhola lomu tikweni ga ka Juda ni Jerusalema.

Nehemia 1:11

Hosi, nza ku khongotela, panga ndleve ya wena uzwa mukombelo wa nanza ga wena, ni mukombelo wa malanza ya wena, tawa ma tsakelako ku chava a vito ga wena. Nza ku khongotela lezaku u vuvumisa a nanza ga wena nyamutlha, u mu mahela tipswalo kuwoneni ka wanuna loyi. (Makunu nzi wa hi muweleli Wa gombe ga hosi.)

Nehemia 9:31

Ahembaloko, hi kota ya wuxinji ga wena go eta, cima a ku va mbhetangi, hambu ku va fularela, hakuva wena u Nungungulu wa tipswalo ni wuxinji.

Joba 33:30

A ku tlhelisa a muhefemulo wakwe hi le rinzini; Kasi a woningelwa hi kuwonekela ka wutomi.

Tisimu 13:3

Jehova, Nungungulu wa mina, nzi langutele, u nzi hlamula; Woningela mahlo ya mina, kasi nzi nga etleli wurongo ga kufa;

Tisimu 13:4

Kasi a nala wa mina a nga wuli, aku: Nzi mu hlulile; Ni valala va mina va nga tsaki loku nzi tsekatsekiswa.

Tisimu 138:7

Hambu nzi famba xikari ka zikarato, wena wa nzi hanyisa; U nawuluta canja ga wena u nzi vikela ka zanga ya valala va mina, A canja ga wena ga xinene ga nzi ponisa.

Tisimu 34:5

Lava va cuwukako ka yena va ta nwayitana hi litsako, Ni tinghohe tabye a ti na tingana.

Tisimu 85:6

U nga ta tlhela u hi hanyisa. Kasi a vanhu va wena va ku tsakela ke?

Mavingu 29:13

A zisiwana ni mutsimbeketi va tlhangana; ontlhe va woningelwa mahlo yabye hi Jehova.

Mutshawuteli 12:11

A timhaka ta titlhari ti khwatsi tipopo, a mavingu ya tona ti khwatsi tikhokho leti ti gongonzelweko; wontihe ma nyikilwe hi Murisi munwe. Isa. 49:2; Jer. 23:29; Maheb. 4:12

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 14:3

A sikwini lego Jehova a ta nga mu humuta kuxanisekeni ka nwina ni kuchava, ni ka mikhinyavezo leyi mu nga hlokiswa hi yona,

Isaya 56:5

Nzi ta va nyika wutshamu ni vito lomu ndlwini ya mina ni mutini wa mina, Legi gi hunzako akuva ni vana va xinuna ni va xisati; Nzi ta va nyika a vito ga pinzukelwa Legi gi to kala gi nga fuviswi. 2 Sam. 18:18; Kuv. 2:17

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Jeremia 42:2

va loya ka muprofeti Jeremia, va yaku kakwe: Ha ku kombela lezaku u amukela a xikombelo xa hina, xa kuva u hi kombelela ka Jehova a Nungungulu wa wena, hina hontlhe hi seleko; hakuva hi vatsongwani hi seleko khwatsi hilezi u zi wonako hi mahlo ya wena;

Jeremia 44:14

Kasi ku nga poni hambu ku sala ni munwe wa misalela ya ka Juda lava va yileko ku ya luvela tikweni ga Gipite, na va ranza ku tlhelela tikweni ga ka Juda legi va xuvako ku ta aka ka gona. Va nga ta tlhelela kona saseka vanwani va ta nga pona.

Ezekieli 14:22

Hambulezo ku tava kona a misalela ya varisanyana ni vanhanyana lava va ta nga pona. Langutani, va tata ka nwina, mu ta wona a mahanyela yabye ni zimaho zabye, zonake mu ta chavelelwa mu rivala a khombo legi nzi nga neha hehla ka Jerusalema, zi nga zontlhe lezi nzi mu neheleko zona.

Hosea 6:2

Anzhako ka masiku mambiri i ta hi hanyisa; hi siku ga manharu i ta hi vuxa, hi hanya mahlweni kakwe.

Habakuka 3:2

Jehova, nzi zwile a mubiko wa wena, nzi wuya nzi chava! Jehova, vuxa a ntiro wa wena xikari ka malembe lawa, A xikari ka malembe lawa u ta wu tivekisa; Alakanya ku hi hawukela zangeni ya wena.

Zefania 3:12

Kanilezi nzi ta siya xikari ka wena a vanhu va xanisekako ni vavumali, va ta tsumba a vito ga Jehova.

Zakaria 10:4

Hi ka yena ku ta huma a ribye ga magumo, ku ta huma hi ka yena a phanze, hi ka yena ku ta huma a wura ga yimpi, hi ka yena ku ta huma a vafumeli vontlhe khatiginwe.

Zakaria 8:12

A mbewu ya kurula yi tava kona; a vina wu ta humesa a mihanzu ya wona, ni misava yi ta humesa a pfuno wa yona, ni tilo gi ta vanga nzhokati ya gona. Zontlhe lezi nzi ta zi nyika ka misalela ya vanhu lava a kuva tshomba yabye.

Zakaria 8:6

Jehova wa tiyimpi i ngalo: Hambu loku a mhaka leyi yi nga tsanza a kuwoneni ka misalela ya vanhu lava a masikwini lawo, yi wa ta tsanza mahlweni ya minawu ke? ku wula Jehova wa tiyimpi.

Va le Roma 9:27

Na Isaya iba hungu ha Israeli, aku: Hambu loku a tsengo wa vanana va Israeli wuku khwatsi i seke ga bimbi, misalela basi yi ta nga hanyiswa. Isa. 10:22

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

1 Samueli 14:27

Kanilezi Jonatani i wa nga zi zwangi laha a raru wakwe a nga wa hlambanyisa vanhu, hikwalaho yena i lo peta a magumo ya nhonga yakwe, a yi enghenisa lomu ka zihahla za wulombe, a enghenisa lomu nonwini wakwe, a mahlo yakwe ma si hawuluka.

1 Samueli 14:29

Zonake Jonatani aku ngalo: Dadani i karatisile vanhu; cuwukani mahlo ya mina, ma hawulukile, hakuva nzi lazile wulombe legi.