Ezra 9:3 - Tshwa Bible

³ Makunu laha nzi ngazwa a timhaka leto, nzi lo hanzula a bhaji ga mina, ni tinguwo ta mina, nzi hlurula a misisi ya hloko ya mina, ni xilevu xa mina, nzi tshama lahasi na nzi swirekile.

Ezra 9:3 Mawu Ofanana

2 Samueli 1:11

Zonake Davida i lo hanzula tinguwo takwe, ni lava a nga hi navo va lo mahawu zalezo.

2 Tihosi 18:37

Zonake Eliakimu nʼwana Hilkia, a nduna ya yindlu ya hosi, na Xebna a matsalani, na Joa nʼwana Asafa, a muhlayisi wa mabhuku, va lota ka Hezekia na va hanzulele tinguwo tabye, va ta mu byela timhaka ta Rabxeka. Gen. 37:29, 34; 2 Sam. 1:11; Mat. 26:65

Nehemia 1:4

Na nzi zwile timhaka leto, nzi lo tshama lahasi nzi rila, nzi hlaluka masiku yo kari. Nzi lo yila nzi kombela mahlweni ka Nungungulu wa tilo,

Nehemia 13:25

Nzi lo va holovela, nzi va rukatela, a vanwani va kona nzi vaba, nzi hlurula misisi yabye, nzi va hlambanyisa hi Nungungulu, nziku: Mu nga lowolisi a vanhanyana va nwina ka vafana vabye, ge hambu ku lowota a vafana va nwina a vanhanyana vabye, ge hambu ku ti lowolela nwina wutsumbu. Deut. 7:3; Ezra 9:2

Joba 1:20

Zonake Joba i lo suka a yima, a hanzula tinguwo takwe, a halula hloko yakwe, a ti wisa lahasi a khongela, aku:

Tisimu 119:53

Nzi zangara hi kota ya vakubiha, Loku nzi va wona va tsika nayo wa wena.

Tisimu 143:4

A moya wa mina wu na ni gome nzeni ka mina, A mbilu ya mina ya xaniseka xifuveni xa mina.

Tisimu 66:3

Muku ka Nungungulu: Yi rewukisa kuyini a mitiro ya wena! Hi kota ya wukulu ga ntamu wa wena a valala va wena va ti koramisa. Deut. 33:29

Isaya 15:2

Va le Bayite ni va le Diboni va kanzihile va ya rila zitsungeni zi tlakukileko; Moabi i kwanguluka hehla ka Nebo na Medeba; A tihloko tabye tontlhe ti halulwe, ni zilevu zi tsenwilwe.

Jeremia 36:24

A hosi ni malanza ya yona loku va zwile tontlhe leti timhaka, a va chavangi hambu a ku hanzula a tinguwo tabye. 2 Tih. 22:11

Jeremia 7:29

Halula a misisi ya hloko ya wena, u yi cukunyeta, o Jerusalema, u ya maha nkosi le zitsungeni, hakuva Jehova i alile ni ku tsika a xizukulwana lexi xi vuxileko a zanga yakwe.

Ezekieli 3:15

Zonake nzi lo chikela ka vona lava va nga hi wukhumbini le Tel-abib, lava va nga wa akile kusuhi ni congo wa Kebare, ni le wugovelweni gabye; nzi lo tshama xikari kabye ntlhanu wa masiku ni mambiri na nzi su kaye hi kuxaniseka.

Ezekieli 7:18

Va ta ambala tinguwo ta xirilo, va khomiwa hi hlanekera, a tinghohe tabye ti tala hi tingana, a tihloko tontlhe ti ta halulwa.

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Danieli 8:27

Makunu mina Danieli nzi lowa nzi mbhela ntamu, nzi babya masiku yo kari; zonake nzi lo vuka nzi tira mitiro ya hosi. Nzi lo hlamaliswa hi muwoniso lowu, kanilezi ku wa nga hi na munhu a nga wu pima.

Levi 21:5

A vapristi va nga haiuli misisi, hambu ku cinga va kenyetela malevu, hambu ni ku tlhavela mimiri yabye. Ezek. 44:20

Mika 1:16

Halula misisi, halulela a vanana va wena va ranzekako, halula a hloko ya wena yi fanana ni ya koti, hakuva va yiswa wukhumbini kule na wena.

Joxua 7:6

Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.