Ezra 8:21 - Tshwa Bible

²¹ Na ha hi le Congweni wa Ahava, nzi lo tiyisa a siku ga kuyila, hi ti koramisa mahlweni ka Nungungulu wa hina, a ku kasi hi ti kombelela ka yena hi pfhumba ga hina go saseka, ni vanana va hina, ni zontlhe zilo za hina.

Ezra 8:21 Mawu Ofanana

2 Kronekele 20:3

Jehoxafate i lo chava, a ti longisela ku hlota Jehova; i lo laya vontlhe va ka Juda lezaku va yila.

2 Kronekele 20:4

Zinghaho a vaJuda va lo tsombana khatiginwe a ku hlota ntamu ka Jehova; va lo Suka mitini yabye yontlhe, va tela ku ta hlota Jehova.

Ezra 8:15

Uzi lo va tsombanyisa le Congweni lowu wu khulungelako le Ahava, hi gova masiku manharu. Laha nzi nga hlotile a vanhu ni vapristi, a nzi kumangi ni munwe wa vanana va ka Levi.

Ezra 8:31

Hi lo suka Congweni wa Ahava hi siku ga 12 ga hweti yo sangula hiya Jerusalema; a canja ga Nungungulu wa hina gi wa hi zinwe na hina, a hi ponisa mandleni ya valala, ni lava va nga wa hi tumbelele lomu ndleleni,

Nehemia 9:1

Makunu hi siku ga 24 ga hweti ywaleyi a vanana va ka Israeli va lo tsombana va yila, na va ambele tinguwo ta xirilo, va ti cheletela a tshuri.

Estere 4:16

Famba u ya tsombanyisa vontlhe vaJuda lava va nga le Xuxani mu nzi yilela, mu heta masiku manharu na mu ngagi ge hambu kunwa wusiku ni mumu. Minawu ni vanhanyana hi ta maha lezo, zonake nzi taya ka hosi, hambu lezi wu nga hiko nayo; loku nzifa, a nzife.

Tisimu 137:1

Le micongweni ya le Babuloni Hi wa tshama hi rila loku hi alakanya Zioni.

Tisimu 5:8

Jehova, nzi rangele kululameni ka wena hi kota ya valala va mina; Lulameta a ndlela ya wena mahlweni ka mina.

Tisimu 5:9

Hakuva a ku na kutsumbeka milonwini yabye, A timbilu tabye ti tele hi kubiha; A minkolo yabye zilahla zi ahlamileko; Va wulawula mahlenga hi tirimi tabye. Rom. 3:13

Tisimu 8:2

U ti yimisele a ntamu hi milomu ya zivanana ni zihlangi zi anwako, Hi kota ya valala va wena, Kasi wa miyeta a nala ni muphoteli. Mat. 21:16

Mavingu 3:6

U ta mu ingisa tindleleni tontlhe ta wena, ena i ta lulamisa a tisoko ta wena.

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Isaya 58:3

Vaku; Zi hi vuna yini a ku yila, loku wena u nga hi woni? Ni ku hlokisa a mihefemulo ya hina, loku u nga wuli nchumu ha zona? Langutani, a siku legi mu yilako zakuga mu tira mitiro ya nwina, Mu tirisa hi ntamu a zitiri za nwina.

Isaya 58:5

Hi kona kuyila loku ku nzi tsakisako ke? Xana i siku legi munhu a hlokisako muhefemulo wakwe? Kasi hi ku koramisa hloko khwatsi lihlanga, Ni ku etlela laha sakweni ni lomu khumeni, Hi zona u zi vitako aku kuyila, Lezaku i siku gi tsakisako Jehova ke? Zak. 7:5; Mat. 6:16

Jeremia 10:23

O Jehova, nza zi tiva lezaku a ndlela ya munhu a yi le ntanwini wakwe, Kambe a munhu a nga zi koti ku lulamisa a mazambo yakwe.

Jeremia 42:3

kasi Jehova a Nungungulu wa wena a ta hi komba a ndlela leyi hi telako ku famba ha yona, ni lezi hi telako ku zi maha.

Danieli 9:3

Nzi lo tlakusa a mahlo ya mina ka Hosi Nungungulu nzi maha mikhongelo, nzi kombela hi kuyila, nzi ambala tisakwa nzi ti chela khuma.

Joeli 1:14

Yimisani a siku ga kuyila, mu ramba a gotsovanyano wa ximuse. Tsombanyisani a zikhosana ni vontlhe a vaaki va tiko lomu ndlwini ya Jehova a Nungungulu wa nwina, mu rila ka Jehova.

Levi 16:29

Lowu wu tava nayo wa kala kupinzuka a ka nwina: Hi hweti ya wuntlhanu ni timbiri, ka siku ga wukhume ga hweti, nwina mu ta va ni hlo mulo, mu nga tiri ni ntiro munwe, hambu ni wa ka nwina, hambu ni wamatiko loyi a luvelako xikari ka nwina.

Levi 16:31

Gi tava siku ga kuhumula xikari ka nwina, na mu kari mu hi ni hlomulo; lexi xileletelo xa kala kupinzuka.

Levi 23:29

Kani hi wihi munhu a nga hiko na hlomulo hi siku lego i ta fuvisiwa ka va ka kabye.

Jona 3:5

A vaaki va le Niniva va lo kholwa ka Nungungulu, va yimisa a siku go yila ha gona, va ambala tinguwo ta xirilo, lava va hombe ni vatsongwani.

Jona 3:7

Zonake i lo rumisa lezaku ku biwa nyiwo ka Niniva gontlhe hi kuleletela ka hosi ni vahombe va yona, lezaku: A vanhu ni zihari, a mitlhambi ya tiyivu ni ya tihomu ngha zi ngagi nchumu; zi ngagi hambu kunwa mati.

Mitsengo 14:3

Xana Jehova i hi nehele yini tikweni legi kasi hi tawa hi matlhari, ni lezaku a vasati va hina, ni vanhanyana va hina va ta khomiwa? A hi chukwana a kuva hi tlhelela Gipite ke?

Mitsengo 14:31

Kanilezi a vanana va nwina lava mu nga ku ngalo va ta khomiwa hi valala va nwina, lavoke nzi ta va enghenisa kasi va fela ku tiva a tiko lego nwina mu gi alileko.

Mitiro 2:39

Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13

Valamuli 20:26

Zonake vontlhe va ka Israeli ni vanhu vontlhe va tiko, va lo kanziha vaya Beteli va ya rila, va tshama mahlweni ka Jehova, va yila siku lego kala gambyeni, va nyikela ka Jehova a miphahlo ya kuhiswa ni ya kurula.

1 Samueli 7:6

Va lo tsombana le Mizpa, vakha mati va ma cheletela mahlweni ka Jehova. Va lo yila va ngagi nchumu siku lego, vaku: Hi gohele Jehova! Samueli i lo lamula a vanana va ka Israeli le Mizpa.