Ezra 8:17 - Tshwa Bible

¹⁷ Nzi lo va ruma ka Ido a hosana ya tikwana ga Kasifia, nzi va leletela a timhaka leti va ta ngaya byela Ido, ni vanakulobye a vaNetinime, lava va akileko tikweni ga Kasifia, nziku: A va nehe a vanhu va ku ta tira a ntiro wa yindlu ya Nungungulu wa hina.

Ezra 8:17 Mawu Ofanana

2 Samueli 14:19

A hosi yiku: Xana yenawu Joabe i lomu timhakeni tontlhe leti ke? A wasati a hlamula, aku: Hizinene, loku a hosi yi wula nchumu, ku hava ku ponela tlhelweni ga xinene hambu ka ga xibhabha. Hi yena a nanza ga wena Joabe a nzi leleteleko tontlhe timhaka leti.

2 Samueli 14:3

U ta enghena ka hosi, u wulawula a timhaka leti nzi ku leletelako. Zonake Joabe i lo mu byela timhaka ta kona.

1 Kronekele 9:2

A vaaki vo sangula lomu ka matiko yabye va wa hi va ka Israeli, ni vapristi, ni vaLevi, ni vaNetinime.

Ezra 2:43

A va ka Netinime va wa hi lava: a vana va ka Ziha, ni va ka Hasufa, ni va ka Tabaote,

Ezra 2:58

Vontlhe va ka Netinime ni vana va malanza ya Solomoni, va wa hi 392.

Ezra 7:7

I lo kanziha zinwe ni vanwani va ka Israeli, a vapristi, ni vaLevi, ni vayimbeleli, ni vahlayisi va tinyangwa, ni malanza, va lo kanziha vaya Jerusalema naye, hi lembe ga wu 7 ga kufuma ka hosi Artaxerxesi.

Ezra 8:16

Nzi lo ruma vanhu a ku ya vitana Eliazere, na Arieli, na Xemaia, na Elnatani, na Jariva, na Elnatani, na Natani, na Zakaria, na Mexuluma, ti nga tona tihosana; na Jaiariba, na Elnatani, a vavanuna va kupima.

Eksodusi 4:15

U ta wulawula na yena, u veka timhaka tontlhe nonwini wakwe, mina nzi tava ni milomu ya nwina, nzi mu gonzisa lezi mu ta nga maha.

Jeremia 1:9

Zonake Jehova i lo nawuluta a canja gakwe, a khumba a nomu wa mina; na Jehova aku ka mina: Languta, nzi vekile a timhaka ta mina a nonwini wa wena.

Jeremia 15:19

Hikwalaho Jehova i ngalo; Loku u tlhelela ka mina Nzi ta ku wuyisa lezaku u maha nanza ga mina. Ni loku u neha leʼza lisima, u tsika leʼzo biha, Wena u tava kota nomu wa mina. Vona va ta tlhelela ka wena, Kanilezi u nga ta tlhelela kabye.

Mitsengo 18:6

Langutani, nzi tekile a vamakabye va nwina, a va ka Levi, nzi va susa xikari ka vanana va ka Israeli; va nyikelwe ka nwina ni ka Jehova, kasi va tira a ntiro wa tenda ga mutlhangano.

Deuteronome 18:18

Nzi ta va vuxela muprofeti wo kota wena xikari ka vamakabye vabye, nzi ta enghenisa timhaka ta mina nonwini wakwe, zonake yena i ta va byela zontlhe lezi nzi ta nga mu leletela zona.

Titusi 1:5

Nzi ku siyile le Kreta lezaku u fela ku lulamisa a timhaka leti ti seleko, u yimisa masingalakati mitini yontlhe, kota lezi nzi nga ku laya, Miti. 14:23; 1 Kor. 11:34