Ezra 7:26 - Tshwa Bible

²⁶ Kani himani a nga hlayisiko milayo ya Nungungulu wa wena, ni milayo ya hosi, a lamulwe hi kudawa, kutani ku hlongolwa, kutani ku giwa a tshomba yakwe, kutani ku hoxwa paxweni.

Ezra 7:26 Mawu Ofanana

2 Kronekele 30:12

A canja ga Jehova gi wa hi zinwe ni vanhu va tiko ga ka Juda, gi va nyika a mbilu yinwe ya ku maha khwatsi hi lezi a hosi ni tihosana va leleteleko hi gezu ga Jehova.

Ezra 10:4

Yima! Mhakeni leyi ya wena hina hi ta ku yimela; tiya hlana u maha zalezo!

Ezra 10:8

Tsombanani le Jerusalema, hakuva ni wihi loyi a to kala a ngati lomu ka masiku manharu, khwatsi ni kuwula ka tihosana ni masingalakati, zontlhe zilo zakwe zi ta giwa, yena wutsumbu i ta humeswa tlhanganweni wa lava va wuyileko hi le wukhumbini.

Ezra 6:11

Mina nzi leletela, nziku: Loku a mhaka ya mina yi hambunyetwa hi munhu, ngha a mhanze yi susiwa lomu ndlwini yakwe yi kelelwa, zonake a belelwa ka yona; a yindlu yakwe yi hunzulwa yi maha tala hi kota ya lezo.

Ezra 6:12

Ni Nungungulu loyi a vekileko a vito gakwe laho, a wise hasi tontlhe tihosi ni vanhu vontlhe lava va tlakusako a canja kasi ku hunzula a timhaka leti, va gohetele a yindlu leyo ya Nungungulu yi nga le Jerusalema. Mina Dariusi nzi leletele, mahani zalezo!

Tisimu 52:5

Hikwalaho Nungungulu i ta ku lovisa kala kupinzuka, I ta ku khoma a ku susa ndlwini ya wena, A ku tsuwula tikweni ga vahanyako. (Sela.)

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Deuteronome 27:26

Khombo a give ka loyi a nga khomisisiko a timhaka ta lowu nayo a ti maha! A vanhu vontlhe va ta hlamula, vaku: Amen! Dan. 9:11; Gal. 3:10