Ezra 5:16 - Tshwa Bible

¹⁶ Zonake Xexbazare loye i tile a ta vekela xiseketelo xa yindlu ya Nungungulu le Jerusalema; kusukela xikhatini xwalexo ya ha akiwa, a yi se nga mbhela.

Ezra 5:16 Mawu Ofanana

Ezra 3:10

Laha a vaaki va nga sangula ku aka a xiseketelo xa tempeli ya Jehova, a vapristi va lo yima laho na va ambele tinguwo tabye na va welele mipunzu, zinwe ni vaLevi, ni vana va Asafa, na va hi ni tingomana, va dumisa Jehova, va lanzela a zileletelo za Davida a hosi ya ka Israeli. 1 Kro. 16:4-6

Ezra 3:8

Makunu hi lembe ga wumbiri ga kuwuya kabye lomu ndlwini ya Jehova le Jerusalema, lomu ka hweti ya wumbiri, Zerubabeli nʼwana Xealtieli, na Jexua nʼwana Jozadake, ni vanakulobye lava va nga wa hi vapristi, ni va ka Levi, ni vontlhe lava va nga tlhelela Jerusalema na va huma hi le kukhonweni, va lo sangula ku tira; ku lo yimiswa vaLevi kusukela ka va 20 wa malembe kuya mahlweni, kasi ku fambisa a ntiro wa yindlu ya Jehova.

Ezra 5:14

A nzalama ni siliva ya yindlu ya Nungungulu, leyi yi nga wa tekilwe lomu tempeleni ya Jerusalema hi Nebukadnezare a famba nayo, a ya yi veka lomu tempeleni ya le Babuloni, i zi tlhelisile a zi hendleleta mandleni ya Xexbazare loyi a nga mu wumbela kuva hosi.

Ezra 5:15

Aku kakwe: Teka a zibya lezi u ya zi veka lomu tempeleni ya le Jerusalema; a yindlu ya Nungungulu a yi aketwe wutshanwini ga yona.

Ezra 5:2

Zonake ku lo suka Zerubabeli nʼwana Xealtieli, na Jexua nʼwana Jozadake, va engeta va sangulisa ku aka yindlu ya Nungungulu le Jerusalema, na va hi zinwe ni vaprofeti va Nungungulu va nga wa va vuna.

Ezra 6:15

A yindlu yi mbhela hi siku ga wunharu ga hweti ya Adara, hi lembe ga wu 6 ga kufuma ka hosi Dariusi.

Hagai 2:18

Nza mu kombela lezaku mu ehleketa kusukela nyamutlha kuya nzhako, kusukela siku ga 24 ga hweti ya wuntlhanu ni mune kala a siku legi a xiseketelo xa yindlu ya Jehova xi nga yimisiwa ha gona, ehleketani lezaku ku wa mahisa kuyini.

Zakaria 4:10

Himani a kanyisako a siku ga zilo zitsongwani? hakuva a mahlo lawa ya ntlhanu ni mambiri, ma nga ya Jehova, lawa ma cuwukako a misava yontlhe, ma ta tsaka loku ma wona a lipimo canjeni ga Zerubabeli.

Zakaria 4:9

A mandla ya Zerubabeli ma vekile a xiseketelo xa yindlu leyi, a mandla yakwe ma ta yi mbheta: mu ta zi tiva lezaku Jehova wa tiyimpi i nzi rumile ka nwina.

Johani 2:20

Zonake a vaJuda vaku ngalo: Leyi tempeli yi lo akiwa hi 46 wa malembe, wena u ta yi vuxa hi masiku manharu ke?