Ezra 4:12 - Tshwa Bible

¹² a zi tiveke ka hosi lezaku a vaJuda lava va sukileko hi leyo ka wena, vata seno Jerusalema, va aka a muti lowu wa xikanya, wo biha, va lava ku mbheta a ligingisi; va akisile a xiseketelo xa kona.

Ezra 4:12 Mawu Ofanana

2 Tihosi 18:20

A timhaka ta wena a ti vuni nchumu. A zikungo ni mintamu zi fanele kuva kona loku ku hlomiwa a yimpi. Makunu u tsumba mani lezi u kalako u nzi vukela?

2 Tihosi 24:1

Masikwini yakwe Nebukadnezzare a hosi ya le Babuloni i lo hloma yimpi, Jehoiakimu a maha nanza gakwe malembe manharu; zonake i lo mu hluwuka.

2 Kronekele 36:13

Yenawu i lo hluwuka ka hosi Nebukadnezare loyi a nga mu hlambanyisa hi vito ga Nungungulu; i lo nonohisa a nhamu ni mbilu yakwe, a nga tlhelelangi ka Jehova Nungungulu wa ka Israeli. Ezek. 17:13

Ezra 4:11

Leti hi timhaka ta papilo legi va gi rumelako ka yena, hosi Artaxerxesi, vaku: Hina malanza ya wena, hi akileko tlhatukweni wa congo;

Ezra 4:15

A ku hlolisiswe lomu bhukwini ga zimaho za vadadani va wena, u ta kuma lezaku a muti lowu ngwa xikanya, wu vengako tihosi ni mifumo, ni lezaku ku kona kutialisa ka lowu muti kusukela xikhatini xa kaleloko, xi nga xona xigelo xa kulobyiswa ka wona.

Ezra 4:19

Nzi leletele a kuva ku hlotisiswa, hakunene ku kumilwe lezaku a muti lowu wu lo ti alisa ka tihosi, ku huma vilinganya ni maguwa ka wona.

Ezra 5:3

Xwalexo xikhati ku lota kabye Tatenai a hosi ya tiko ga le tlhatuko wa congo, na Xetarbazenai ni vanakulobye, va taku kabye: Himani a nga mu byela ku aka yindlu leyi, ni ku mbhetisa a ligingisi leli?

Ezra 5:9

Zonake hi lo wutisa masingalakati ni ku wulawula navo hiku: Himani a nga mu byela ku aka yindlu leyi, ni ku aka ligingisi?

Nehemia 1:3

Vaku ka mina: A misalela leyi yi humileko wukhumbini, yi akileko tikweni legiya, va le kuxanisekeni ka hombe nguvu ni nzhukanweni. A ligingisi la Jerusalema kambe li khungumulwe, a tivati ta lona ni hisilwe hi nzilo. 2 Tih. 25:9

Nehemia 6:6

gi nga wa tsalilwe lezi: Ka zwala lomu matikweni, ni lomu Gaxmu kambe za wuliwa, lezaku wena ni vaJuda mu lava ku hluwuka; hi xigelo lexo u vuxelako xona a ligingisi. Ni lezaku wena u tava hosi yabye; ku hlawutiwa lezo.

Estere 3:8

Hamani aku ka hosi Ahasuerusi: Ku na ni lixaka lo kari la vanhu ya kumekako xikari ka vanhu, va akileko matikweni wontihe ya mufumo wa wena. A milayo ya vanhu lavo yi hambene ni ya vanwani; ni kambe a va lanzeli milayo ya hosi. Hikwalaho a hosi a yi wuyelwi hi nchumu hi ku va tsika.

Jeremia 52:3

Hi kota ya zanga yakwe Jehova i lo hlongola Jerusalema na Juda mahlweni kakwe; zonake Zedekia i lo hluwuka a hosi ya le Babuloni.

Danieli 3:8

A ka lexo xikhati a titlhari to kari ti lo tshinela ti ta kecara a vaJuda,

Danieli 9:25

Hikwalaho, tiva u pima lezaku kusukela kuhumeni ka xileletelo xa ku tlhelisela ni ku aketa Jerusalema, kala ku chikela loyi a totilweko loyi a nga hosi, ku tava ni ntlhanu wa maviki ni mambiri; zonake hi 62 wa maviki a muti wu ta aketwa, wuva ni maruwa ni geva, hambu kuva ni zikhati za kukarateka.

Luka 13:34

Jerusalema, Jerusalema, wena loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga xuva ku wungeletela a vanana va wena, kota a pswele gi wungeletelako a zihukwana za gona lahasi ta tipapa ta gona, kanilezi a mu zi ranzangi! Mat. 23:37

Mitiro 24:5

Hi kumile lezaku munhu loyi i bihile, muvuxi wa vilinganya xikari ka vontlhe vaJuda lava va akileko misaveni yontlhe, ni murangeliwa lihunzu la vaNazareta; Lu. 23:2; Xip. 6:13; 16:20; 17:6

1 Va le Tesalonika 5:22

Tsikani tixaka tontlhe ta kubiha. Xip. 4:12