Ezra 3:5 - Tshwa Bible

⁵ Ni kambe ku lo nyikelwa a munyikelo wa kuhiswa wa masiku, ni wa kuwoneka ka hweti, ni wa mitlhangano yontlhe yi basileko ya Jehova, ni wa munhu ni munhu loyi a ranzako ku phahlela ka Jehova hi matsenya.

Ezra 3:5 Mawu Ofanana

2 Kronekele 31:14

Kore nʼwana Imna a muLevi, a muhlayisi wa nyangwa ya tlhelo ga Muhuma-gambo, i wa hi muhlayisi wa minyikelo leyi yi nyikelwako ka Nungungulu hi liranzo la matsenya, ni ku avela a mihlengo leyi yi nyikelwako ka Jehova ni zilo lezi zi basisilweko nguvu.

Ezra 3:6

Hi siku go ranga ga hweti ya wu 7, va lo sangula ku nyikela ka Jehova a muphahlelo wa kuhiswa; kanilezi a xiseketelo xa yindlu ya Jehova xi wa nga se ku akiwa.

Nehemia 10:34

Hi hlahluva, hina ni vapristi, ni vaLevi, ni vanhu, ku lanzela hi tiyindlu ta vararu va hina, hi hlahluvela a tihunyi leti lembe ni lembe hi faneleko ku ti neha ndlwini ya Nungungulu wa hina hi zikhati zi yimisilweko, kasi ku ta dzivela ha tona a nzilo laha alatini ga Jehova Nungungulu wa hina, kota lezi ku tsalilweko nayweni.

Jeremia 33:18

ni vapristi va nga vaLevi, va nga ta vumala a mahlweni ka mina wo nyikela a minyikelo ya kuhiswa, ni ku hisa minyikelo ya tinzhoho, ni ku humesa miphahlo siku ni siku.

Levi 1:2

Byela a vanana va ka Israeli, uku kabye: Loku a munwe wa nwina a nyikela ka Jehova a munyikelo, mu ta nyikela a zifuyo lezi za hombe ni lezi za zi tsongwani, wu tava munyikelo wa nwina.

Levi 1:3

Loku a munyikelo wakwe wu hi muphahlo wa kuhiswa wa tihomu, i ta nyikela hi nkuzi yi nga hiko na bawa; i ta yi nyikela laha ngangweni ya tabemakeli ga mutlhangano, kasi a ta amukeleka mahlweni ka Jehova.

Levi 23:2

Byela a vanana va ka Israeli, uku ka vona: Leyi hi mibuzo ya Jehova leyi mu ta nga leletela lezaku yiva mitlhangano ya kubasa: a mibuzo ya mina hi leyi:

Mitsengo 28:14

A munyikelo wa kona wa kunwa i khihlanya ga hini ya vinya ka nkuzi yinwe ni yinwani, ni xipanze xa wunharu xa hini ka hamba yinwe ni yinwani, ni xipanze xa wumune xa hini ka hambana yinwe ni yinwani. Lowu hi munyikelo wa kuhiswa wa hweti; wu tava wa tihweti tontlhe ta lembe.

Mitsengo 28:19

Kanilezi mu ta nyikela ka Jehova a miphahlelo ya kuhiswa; mu nyikela tinkuzi timbiri, ni hamba, ni 7 wa tihambana ta lembe ginwe a wukale; mu teka leti ti nga hiko na bawa.

Mitsengo 28:27

Kanilezi mu ta nyikela a munyikelo wa kuhiswa wu nga ni masema yo nanziha ka Jehova; mu ta nyikela hi tinkuzi timbiri ni hamba ni 7 wa tihambana ta lembe ginwe a wukale;

Mitsengo 29:13

Mu ta nyikela a munyikelo wa kuhiswa a kuva masema yo nanziha ka Jehova; mu ta nyikela hi 13 wa tinkuzi, ni tihamba timbiri, ni 14 wa tihambana ta lembe ginwe a wukale, leti ti nga hiko na bawa.

Mitsengo 29:2

Mu ta nyikela a munyikelo wa kuhiswa wa masema yo nanziha ka Jehova; mu ta nyikela a nkuzi, ni hamba, ni 7 wa tihambana ta lembe ginwe a wukale, ti nga hiko na bawa;

Mitsengo 29:39

Lezi hi lezi mu ta nga nyikela ka Jehova lomu ka mibuzo ya nwina, zinwe ni miphahlelo ya zifungo za nwina, ni minyikelo ya kuranza ka nwina, ya kuhiswa, ni ya zakuga, ni ya zakunwa, ni ya kubonga.

Mitsengo 29:8

Mu ta nyikela ka Jehova a munyikelo wa kuhiswa a kuva masema yo nanziha, mu nyikela a nkuzi ni hamba ni 7 wa tihambana ta lembe ginwe a wukale; mu teka leti ti nga hiko na bawa.

Deuteronome 12:17

Laha ngangweni wa wena u ngagi za wukhume za mavele ya wena, ni za vinya ga wena, ni za mafura ya wena, hambu matewula ya tihomu ta wena, ni ya timbuti ta wena, kutani hi xilo lexi u nga xi nyikela hi kuhlambanya, kutani minyikelo ya kuranza ka wena, kutani hi minyikelo ya ku nziwitela leyi yi humileko hi lomu canjeni ga wena, Gen. 9:4; Levi 3:17

Deuteronome 12:6

Mu ta yisa laho a miphahlo ya nwina ya kuhiswa, ni miphahlelo ya nwina, ni za wukhume za nwina, ni miphahlelo ya nwina ya ku nziwitela, ni miphahlo ya zifungo za nwina, ni miphahlo ya kuranza ka nwina, ni matewula ya zifuyo za nwina za hombe ni lezi za zitsongwani.