Ezra 10:18 - Tshwa Bible

¹⁸ Lomu xikari ka vana va vapristi ku lo kumeka lava va tekileko a vavasati va ku nghaho; lomu ka vana va Jexua hi nʼwana Jozadade ni vanakulobye Maaseia na Eliezare na Jariba na Gedalia;

Ezra 10:18 Mawu Ofanana

Ezra 10:17

Hi siku go sangula ga hweti yo ranga va lo mbheta a timhaka ta vavanuna lava va tekileko vavasati va vamatiko.

Ezra 2:2

lava va nga wuya na Zerubabeli na Jexua, Nehemia, Seraia, Reelaia, Mordekai, Bilxani, Mispare, Bigvai, Rehuma, Baana. A tsengo wa vavanuna va ka Israeli hi lowu:

Ezra 2:36

A vapristi va wa hi lava: a vana va Jedaia, va yindlu ya ka Jexua 973.

Ezra 3:2

Ku lo suka Jexua nʼwana Jozadake ni vanakulobye, a vapristi, na Zerubabeli nʼwana Xealtieli, ni vanakulobye, va yima va aka a alati ga Nungungulu wa ka Israeli, kasi va fela ku tlhavela laho a miphahlo ya kuhiswa, khwatsi hi lezi ku tsalilweko nayweni wa Mosi a munhu wa Nungungulu. Levi 6:9; Deut. 12:13; Mat. 1:12

Ezra 3:8

Makunu hi lembe ga wumbiri ga kuwuya kabye lomu ndlwini ya Jehova le Jerusalema, lomu ka hweti ya wumbiri, Zerubabeli nʼwana Xealtieli, na Jexua nʼwana Jozadake, ni vanakulobye lava va nga wa hi vapristi, ni va ka Levi, ni vontlhe lava va nga tlhelela Jerusalema na va huma hi le kukhonweni, va lo sangula ku tira; ku lo yimiswa vaLevi kusukela ka va 20 wa malembe kuya mahlweni, kasi ku fambisa a ntiro wa yindlu ya Jehova.

Ezra 5:2

Zonake ku lo suka Zerubabeli nʼwana Xealtieli, na Jexua nʼwana Jozadake, va engeta va sangulisa ku aka yindlu ya Nungungulu le Jerusalema, na va hi zinwe ni vaprofeti va Nungungulu va nga wa va vuna.

Ezra 9:1

Makunu laha zontlhe lezo zi nga wa mahilwe, ku lota ka mina a tihosana ti taku: A vanhu va ka Israeli, ni vapristi, ni vaLevi a va ti hambanyisangi ni vanhu va matiko; kanilezi va maha a manyala ya vona, vaKanani, ni vaHiti, ni vaPerezi, ni vajebusi, ni vaAmoni, ni vaMoabi, ni vaGipite, ni vaAmori.

Ezra 9:2

Hakuva va tekile a vanhwana vabye, va va tekanisa ni vana vabye, va tlhanganyisa a lixaka la ku basa ni vamatiko; a kuonha loku ku sangulwe hi tihosana ta vanhu ni vafumeli va kona. Ekso. 34:15; Deut. 7:1; Vala. 3:6

Nehemia 12:10

Jexua i lo beleka Joiakimu, Joiakimu a beleka Eliaxiba, Eliaxiba a beleka Joiada,

Nehemia 13:28

A munwe wa vana va Joiada, nʼwana wa mupristi wa hombe Eliaxiba, i wa hi mwane wa Sanballati a muHoroni. Nzi lo mu hlongola mahlweni ka mina.

Nehemia 8:4

Mutsali Ezra i lo yima le hehla ka xitlhata xa mapulango, va nga wa xi mahele ntiro lowo. Kusuhani kakwe hi tlhelo ga xinene, ku wa yimile Matitia, na Xema, na Anaia, na Uria, na Hilkia, na Maaseia; hi tlhelo ga xibhabha ku wa yimile Pedaia, na Mixaeli, na Malkija, na Haxumi, na Haxbadana, na Zekaria, na Mexulamu.

Nehemia 8:7

Jexua, na Bani, na Xerebia, na Jamina, na Akuba, na Xabetai, na Hodia, na Maaseia; na Kelita, na Azaria, na Jozabadi, na Hanani, na Pelaia, ni vaLevi, vonawu va lo tlhamusela milayo ka vanhu, a vanhu na va yimile kwalaho.

Jeremia 23:10

Hakuva a tiko gi tele hi zibhayi, Ga rila hi kota ya nzhukano; A wuriselo ga xiwula gi swile; A mafambela yabye ma bihile, Leʼzo biha hi ntamu wabye.

Jeremia 23:11

Hakuva a vaprofeti ni vapristi vontlhe a va basangi; Nzi kumile a kubiha kabye ni lomu ndlwini ya mina, ku wula Jehova.

Jeremia 23:14

Kanilezi hi ka vaprofeti va Jerusalema nzi wonile a zilo zo tshisa nguvu: Vona va maha wuoswi, va hemba mawunwa; Va tiyiseta a mawoko ya vamahi va kubiha, Lezaku kasi ku nga hunzuluki ni munwe kubiheni kakwe. A ka mina va fanana ni Sodoma, Ni vaaki va Jerusalema va kota Gomora. Gen. 13:13; Deut. 32:32; Ezek. 13:22

Ezekieli 44:22

Va nga teki tinoni a kuva vasati vabye, ge hambu ni wasati a tsikilweko. Kanilezi va ta teka a vanhwana va lixaka la ka Israeli, kutani a noni yi nga hi sati wa mupristi. Levi 21:7, 13

Levi 21:7

Va nga teki wasati loyi a nga xibhayi, kutani wasati loyi a nga ni xixovo, hambu wasati loyi a tsikilweko hi nuna wakwe, hakuva a mupristi i basile ka Nungungulu wakwe.

Hagai 1:1

Hi lembe ga wumbiri ga kufuma ka hosi Dariusi, hi hweti ya wuntlhanu ni yinwe, hi siku go ranga ga hweti, ku lota a mhaka ya Jehova hi nomu wa muprofeti Hagai ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, yiku: Lu. 3:27

Hagai 1:12

Zonake Zerubabeli a nʼwana Xealtieli, na Joxua a nʼwana Jehozadaki, a nga hi mupristi wa hombe, ni misalela yontlhe ya vanhu, va lo ingisa a gezu ga Jehova a Nungungulu wabye, ni timhaka ta muprofeti Hagai, khwatsi hilezi Jehova a Nungungulu wabye a mu rumileko; zonake a vanhu va lo chava Jehova.

Hagai 2:4

Hambulezo tiyisa, Zerubabeli, ku wula Jehova; tiyisa na wena Joxua nʼwana Jehozadaki, mupristi wa hombe; tiyisani nwina nwentlhe vanhu va tiko, ku wula Jehova, mu tira, hakuva nzi na nwina, ku wula Jehova wa tiyimpi,

Zakaria 3:1

I lo nzi kangeta Joxua, a mupristi wa hombe, na yimile mahlweni ka ngelosi ya Jehova, na Satani a yimile reveni gakwe ga xinene kasi ku mu kecara.

Zakaria 6:11

Teka a siliva ni nzalama, u maha ha zona a xidlodlo, u xi tlhateka hlokweni ya mupristi wa hombe Joxua a nʼwana Jehozadaki;

1 Timote 3:11

Loku va hi vavasati, va fanele kuva lava va dzunzekako, va nga hiko vamahlevo, a va ti khomako, va tsumbekako zilweni zontlhe.