Ezra 10:1 - Tshwa Bible

¹ Makunu laha Ezra a nga wa ha khongela, a ti wulela na a kari a rila, na a khizamile mahlweni ka yindlu ya Nungungulu, ku lo tsombana kakwe a gotsovanyano wa hombe nguvu wa va ka Israeli, vavanuna ni vavasati ni vanana, hakuva a vanhu va lo rila hi kubayiseka ka hombe nguvu.

Ezra 10:1 Mawu Ofanana

1 Tihosi 8:30

Ingisa kukhongela ka nanza ga wena, ni ka vanhu va wena va ka Israeli, loku va ta khongela ka legi wutshamu. Ingisa na u hi kwaleyo tilweni wutshanwini ga wena, ni laha u zwako, tsetselela!

1 Tihosi 9:3

Jehova i te ngalo kakwe: Nzi zwile a mukhongelo wa wena ni kukombela loku u ku kombelileko mahlweni ka mina. Mina nzi basisile a yindlu leyi u yi akileko, a kuva yi lumba a vito ga mina kala kupinzuka; a mahlo ya mina ni mbilu ya mina zi tava kona kala kupinzuka. Deut. 12:11; Tis. 132:14

2 Kronekele 20:13

Vontlhe vaJuda va lo yima mahlweni ka Jehova zinwe ni vanana vabye, ni vasati vabye ni vana vabye.

2 Kronekele 20:9

Loku hi humelwa hi makhombo manwani, kutani tiyimpi, a kulamula, kutani mitungu, a ndlala, hina hi ta yima mahlweni ka yindlu leyi ni mahlweni ka wena, hakuva a vito ga wena gi lomu ndlwini leyi; hlomulweni wa hina hi ta rila ka wena, u hizwa u hi ponisa.

Ezra 10:6

Ezra i lo suka mahlweni ka yindlu ya Nungungulu a enghena lomu kwarutwini ya Jehohanani nʼwana Eliaxiba; kanilezi a nga gangi ge hambu kunwa lomo, hakuva i wa xaniseka hi kuhambuneta ka lava va nga wuya hi le wukhumbini.

Nehemia 1:4

Na nzi zwile timhaka leto, nzi lo tshama lahasi nzi rila, nzi hlaluka masiku yo kari. Nzi lo yila nzi kombela mahlweni ka Nungungulu wa tilo,

Nehemia 1:6

ngha a ndleve ya wena yi panga, ni mahlo ya wena ma vululeka, kasi wa fela kuzwa a mukombelo wa nanza ga wena, lowu nzi wu kombelako xikhati lexi, wusiku ni mumu, nzi kombelelako a vanana va ka Israeli, a malanza ya wena, na nzi wulela zionho zabye, lezi hi ku onheleko. Ina, mina ni vadadani va mina hi onhile.

Nehemia 10:28

A vanwani vanhu, ku wa hi vapristi, vaLevi, varinzeli va tinyangwa, vayimbeleli, vaNetinime, ni lava va nga wa humela ka matiko ma nga wa hi kusuhani, va ta ti boha milayweni ya Nungungulu, ni vasati vabye, ni vana vabye, ni vanhanyana, vontlhe lava va nga wa tiva na va hi ni kupimisisa.

Nehemia 8:9

Nehemia, loyi a nga wa hi hosi ya kona, ni matsalani wa kona mupristi Ezra, ni vaLevi lava va nga wa hi vagonzisi va vanhu, va te ngalo ka vanhu vontlhe: A siku legi i siku gi basileko ka Jehova Nungungulu wa nwina. Mu nga mahi hlomulo, hambu ku rila. Hakuva a vanhu vontlhe va wa rila, laha va ngazwa a timhaka ta milayo. Levi 23:24

Tisimu 119:136

A mahlo ya mina ma khulunga a micongo ya mati, Hakuva a va hlayisi nayo wa wena.

Tisimu 32:5

Nzi ku tivisile a kuonha ka mina, A kugoha ka mina a nzi ku fihlangi. Nzi te ngalo: Nzi ta vumela a zihambuko za mina ka Jehova; Zonake u tsetselele a nanzu wa kuonha ka mina. (Sela.) 2 Sam. 12:13; 1 Joh. 1:9

Jeremia 13:17

Kanilezi loku mu nga zi ingisi, Nzi ta rila zihundleni hi kota ya matshanza ya nwina, A mahlo ya mina ma ta rila nguvu, ma humesa mihloti, Hakuva a tlhambi wa Jehova wu yisiwa wukhumbini.

Jeremia 9:1

O mayiwako! loku a hloko ya mina yi wa hi mati, Ni mahlo ya mina a kuva xibuka xa mihloti, Kasi nzi zi kota mumu ni wusiku a ku rilela Lava va delweko va nhwana wa vanhu va mina!

Danieli 9:20

Laha na nza ha kombela, nzi wulela zionho za mina ni za vanhu va mina a va ka Israeli, nzi veka mukhongelo wa mina mahlweni ka Jehova a Nungungulu wa mina xungetano ni xitsunga xi basileko xa Nungungulu wa mina;

Hosea 14:2

Tekani timhaka, mu tlhelela ka Jehova, mu yaku kakwe: Susa kugoha kontlhe, u hi amukela hi wuxinji; zonake hi ta ku phahlela hi milomu ya hina wutshanweni ga tihonwana. Maheb. 13:15

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Mateu 3:6

va lo bapatizwa hi yena congweni wa Jordani, va wulela zionho zabye. Miti. 19:4, 18

Luka 19:41

Laha a nga tshinele, a wona muti, i lo wu rilela, Joh. 11:35

Mitiro 10:30

Korneliu i te ngalo: Hi mune wa masiku ma hunzileko, hi hora yaleyi nzi wa khongela lomu ndlwini ya mina; zonake ku lo yima munhu mahlweni ka mina, na a ambele tinguwo to basa,

Mitiro 21:5

Laha na hi mbhetile a masiku lawo, hi lo suka hi famba; vontlhe va lo hi heleketa, zinwe ni vavasati ni vanana, hi kala hi huma lomu mutini; hi lo khizama laha fungwini, hi khongela,

Va le Roma 9:2

lezaku nzi na ni wusiwana ga hombe ni kubayisa ku nga mbheliko lomu mbilwini ya mina.

Deuteronome 31:12

U tsombanyisa vanhu, a vavanuna, ni vavasati, ni vanana, ni valuveli va wena lava va nga mutini wa wena, kasi va fela kuzwa va gonza ku chava Jehova Nungungulu wa nwina, va chivirika ku hlayisa timhaka tontlhe ta lowu nayo;

Joxua 7:6

Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.

Joxua 8:35

Ku wa nga hi kona ni mhaka yinwe ka tontlhe timhaka leti ti leletelweko hi Mosi, yi nga kala ku gonziwa hi Joxua mahlweni ka tlhangano wontihe wa ka Israeli, ni mahlweni ka vavasati ni vanana ni valuveli lava va nga xikari kabye.