Ezra 1:7 - Tshwa Bible

⁷ Ni kambe hosi Kurusi i lo humesa a zibya za yindlu ya Jehova lezi zi nga wa tekilwe hi Nebukadnezare le Jerusalema, a ya zi Veka lomu ndlwini ya vanungungulu vakwe. 2 Tih. 24:13; 25:14

Ezra 1:7 Mawu Ofanana

2 Tihosi 24:13

I lo teka xontlhe a xuma xa yindlu ya Jehova, ni xuma xa yindlu ya hosi, a tsemelela zontlhe zibya za nzalama lezi Solomoni a hosi ya ka Israeli a nga wa zi mahele yindlu ya Jehova, khwatsi hi kuwula ka Jehova. Jer. 20:5

2 Kronekele 36:10

Lomu kusanguleni ka lembe gi gamelako, hosi Nebukadnezare i lo rumela vanhu va ya mu khoma va mu yisa Babuloni zinwe ni zibya lezo zo saseka za yindlu ya Jehova. I lo yimisa nakulobye Zedekia a kuva hosi ya ka Juda ni Jerusalema.

2 Kronekele 36:18

Zontlhe a zibya za yindlu ya Nungungulu, a za hombe ni zitsongwani, ni wukosi ga yindlu ya Jehova, ni ga hosi, ni ga tinduna takwe, Nebukadnezare i lo yisa zontlhe le Babuloni.

2 Kronekele 36:7

Nebukadnezare i lo teka zinwani zibya za yindlu ya ka Jehova a zi yisa le Babuloni, a ya zi veka lomu ndlwini yakwe ya wuhosi.

Ezra 5:14

A nzalama ni siliva ya yindlu ya Nungungulu, leyi yi nga wa tekilwe lomu tempeleni ya Jerusalema hi Nebukadnezare a famba nayo, a ya yi veka lomu tempeleni ya le Babuloni, i zi tlhelisile a zi hendleleta mandleni ya Xexbazare loyi a nga mu wumbela kuva hosi.

Ezra 6:5

ni kambe a zibya za nzalama ni za siliva za yindlu ya Nungungulu, lezi Nebukadnezare a nga zi tekile lomu tempeleni ya le Jerusalema a zi neha Babuloni, a zi tlhelele tempeleni ya le Jerusalema wutshanwini ga zona, u ya zi veka lomu ndlwini ya Nungungulu.

Jeremia 51:44

Nzi ta tsayisa Beli le Babuloni, Nzi humesa nonwini wakwe zo ntlhe lezi a zi mitileko. A matiko ma nga ta ha hlengeletana ka yena kambe; Ina, a khurisi ga Babuloni gi ta khungumuka.

Danieli 1:2

A Hosi yi lo nyikela Jehoiakimu a hosi ya ka Juda mandleni yakwe, ni zibya zinwani za yindlu ya Nungungulu. Nebukadnezzare i lo famba nazo tikweni ga Xinari, a zi enghenisa ndlwini ya nungungulu wakwe, a zi veka lomu bakweni ga nungungulu wakwe.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20