Ezra 1:5 - Tshwa Bible

⁵ Zonake a tihosi ta tiyindlu ta Juda na Benjamini, ni vapristi, ni vaLevi, zinwe ni lava a timbilu tabye ti vuxilweko hi Jehova, lezaku va ya aka yindlu ya Jehova le Jerusalema.

Ezra 1:5 Mawu Ofanana

2 Kronekele 36:22

Zonake hi lembe go ranga ga kufuma ka Kurusi a hosi ya le Persia, kasi ku fela ku tatiseka a gezu ga Jehova a gi wulileko hi nomu wa Jeremia, Jehova i lo vuxa a mbilu ya Kurusi a hosi ya le Persia, aba hungu ka wontihe mufumo wakwe ni ku tsala aku: Ezra 1:1; Isa. 44:23

Ezra 1:1

Hi lembe go ranga ga kufuma ka Kurusi a hosi ya le Persia, lezaku kasi a gezu ga Jehova legi a nga gi wula hi nomu wa Jeremia gi fela ku tatiseka, Jehova i lo vuxa a moya wa Kurusi a hosi ya le Persia, aba hungu lomu mufunwini wakwe wontihe ni ku tsala a timhaka, aku: 2 Kro. 36:22; Jer. 25:12; 29:10

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Ezra 1:4

Vontlhe lava va ponileko, na va hi valuveli matshanwini lawo, a vanhu va tiko a va va vune hi siliva, ni nzalama, ni zibya, ni tihomu, ni minyikelo leyi yi nyikelwako ndlwini ya Nungungulu loyi a nga le Jerusalema.

Nehemia 2:12

zonake nzi lo vuka ni wusiku, ku wa hi mina ni vavanuna va tsongwani; ge a nzi na nga byela munhu lezi a Nungungulu wa mina a nga wa zi chelile mbilwini ya mina a kuva nzi zi mahela Jerusalema. Ne ni xihari nzi wa nga hi naxo, ahandle ka xwalexi nzi nga wa xi khilele.

Mavingu 16:1

A munhu i pola makungo mbilwini yakwe, anilezi a hlamulo wa lirimi wuta hi le ka Jehova.

Hagai 1:14

Jehova i lo vuxa a moya wa Zerubabeli a nʼwana Xealtieli, a mwamangulu wa le Juda, ni moya wa Joxua a nʼwana Jehozadaki, a mupristi wa hombe, ni moya wa yontlhe misalela ya vanhu, lezaku vata va ta sangula ku aka a yindlu ya Jehova wa tiyimpi, a Nungungulu wabye,

2 Va le Korinte 8:16

A ku bongiwe Nungungulu loyi a nyikileko Titusi yaleyo mbilu ya ku mu pinyamela.

Va le Filipi 2:13

Hakuva hi Nungungulu a vangako ka nwina a kuxuva ni kutira, hi kota ya wunene gakwe. Maheb. 13:21

3 Johani 1:11

Xiranzwa, u nga pimanyisi lezi za kubiha, kanilezi pimanyisa lezi zo saseka. Loyi a mahako kusaseka ngwa Nungungulu; kanilezi loyi a mahako kubiha a nga mu wonangi Nungungulu. Tis. 37:27; Isa. 1:16, 17; 1 Joh. 2:29