Ezra 1:2 - Tshwa Bible

² Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Ezra 1:2 Mawu Ofanana

1 Tihosi 8:27

Xana hakunene Nungungulu a nga tshama misaveni ke? Languta, a tilo ga matilo a gi zi koti ku ku kangatela wena; nguvunguvu a yindlu leyi nzi ku akeleko yona! Isa. 66:1; Jer. 23:24; Miti. 7:48

2 Kronekele 2:12

A engeta aku: A ku bongiwe Jehova Nungungulu wa ka Israeli, loyi a nga maha a tilo ni misava, hakuva i nyikile ka hosi Davida a nʼwana a tlharihileko, loyi a nga ni malanga ni kupima, loyi a ta nga aka a yindlu ya Jehova ni yindlu yakwe ya wuhosi. Ekso. 20:11; Tis. 102:26; Kuv. 10:6

Ezra 1:5

Zonake a tihosi ta tiyindlu ta Juda na Benjamini, ni vapristi, ni vaLevi, zinwe ni lava a timbilu tabye ti vuxilweko hi Jehova, lezaku va ya aka yindlu ya Jehova le Jerusalema.

Ezra 3:7

Va lo nyikela a mali ka vavatli va maribye ni timhanze, va nyikela a zakuga ni zakunwa, ni mafura ka vaSidoni ni va le Tire, kasi vona va fela ku va nehela a tisinya ta sedare hi le Lebanoni, tita le Jopa hi bimbi, khwatsi hi lezi va nga wa vumelwe hi Kurusi a hosi ya le Persia.

Ezra 4:3

Kanilezi Zerubabeli, na Jexua, ni tinwani tihosana ta vadadani va ka Israeli, va te ngalo kabye: Nwina a mu zi koti ku aka zinwe na hina a yindlu ya Jehova Nungungulu wa hina; hi hina hoce hi ta nga aka a yindlu ya Jehova Nungungulu wa ka Israeli, khwatsi hi lezi ku leletelweko hi Kurusi a hosi ya le Persia.

Ezra 5:15

Aku kakwe: Teka a zibya lezi u ya zi veka lomu tempeleni ya le Jerusalema; a yindlu ya Nungungulu a yi aketwe wutshanwini ga yona.

Ezra 6:10

kasi va fela ku nyikela ka Nungungulu wa le tilweni, a miphahlelo ya masema yo nanziha, ni ku kombelela a wutomi ga hosi ni vanana Va yona.

Ezra 6:3

Ka lembe go ranga ga kufuma ka Kurusi, hosi Kurusi i lo leletela xungetano ni yindlu ya Nungungulu ya le Jerusalema, lezaku yi aketwa, kasi kuva laho va ta nga nyikela kona a miphahlo; ni xiseketelo xa kona a xi aketwe. A kuleha ka yona ku tava 60 wa mikono, a kuanama ku tava 60 wa mikono.

Ezra 7:12

Artaxerxesi, a hosi ya tihosi, a ka Ezra, a mupristi ni mutsali a mbheleleko wa nayo wa Nungungulu wa le hehla;

Nehemia 1:4

Na nzi zwile timhaka leto, nzi lo tshama lahasi nzi rila, nzi hlaluka masiku yo kari. Nzi lo yila nzi kombela mahlweni ka Nungungulu wa tilo,

Nehemia 1:5

nziku: Nza ku khongotela Jehova, wena Nungungulu wa tilo, Nungungulu wa hombe a chavekako, loyi a hlayisako a xivumelwano, a mahela wuxinji lava va mu ranzako va hlayisako zileletelo zakwe, Ekso. 20:6; Mitse. 14:18; Dan. 9:4

Tisimu 136:26

Dumisani Nungungulu wa matilo, Hakuva a wuxinji gakwe ga kala kupinzuka.

Tisimu 85:2

U tsetselele a kubiha ka tiko ga wena, U fenengetile kuonha kabye kontlhe. (Sela.)

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Isaya 41:2

Himani a vuxileko munhu hi Mutsuwuka-gambo, Loyi a hlulako ni kwihi a yako kona? A wuya a mu nyika matiko ni ku khozisa tihosi? Himani a hunzulako tisupado ta tona tiva ntshuri, Ni mawura yabye ma maha mungu wu kukuletwako hi mheho?

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.

Isaya 45:1

Jehova i wula ka a totilweko wakwe Kurusi, Loyi nzi mu khomileko hi canja gakwe ga xinene, Lezaku nzi hlula matiko mahlweni kakwe, Nzi tlhatlha a tifunga ta tihosi; A vululelwa tivati, ti nga valiwi, aku:

Isaya 66:1

Jehova wa wula, aku: A tilo xitshamu xa mina xa wuhosi, A misava xikhegetelo xa mikonzo ya mina. I yindlu ya kuyini mu ta nga nzi akela yona, Wutshamu muni gi ta ngava wuhumulelo ga mina ke? 1 Tih. 8:27; Mat. 5:34; Miti. 7:48

Jeremia 10:11

Mu ta va byelisa lezi, muku: A vanungungulu lava va nga vangangiko a tilo ni misava va ta nwalala tikweni ni lahasi ka tilo.

Jeremia 27:5

Hi mina nzi vangileko misava, ni vanhu ni zihari zi nga kona misaveni, hi ntamu wa mina wa hombe ni woko ga mina gi nawulutilweko; nza yi nyika ka loyi nzi ranzako a ku mu nyika yona. Jer. 32:17; Dan. 4:29

Jeremia 29:10

Hakuva Jehova i ngalo: Loku ku hunzile a 70 wa malembe le Babuloni, nzi ta mu alakanya, nzi mu mahela a mhaka ya mina yinene, nzi mu wuyisa ka legi wutshamu. Ezra 1:1; Dan. 9:2; Zak. 1:12

Danieli 1:21

Danieli i lo simamisa kota lezo kala a lembe legi hosi Kurusi a nga sangula ku fuma ha gona.

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Danieli 2:28

Kanilezi i kona Nungungulu le tilweni loyi a tsetsulako a mifihlakalo, hi yena a tivisileko hosi Nebukadnezzare lezi zi ta nga maheka masikwini ma ha tako. A noro wa wena ni miwoniso leyi u yi wonileko sangweni ga wena, hi lezi:

Danieli 4:25

U ta hlongolwa xikari ka vanhu u ya tshama ni zihari za khwati, uga byanyi ku fanana ni tihomu, u tsakamiswa hi mbhera ya le tilweni, kala ku hunza a ntlhanu wa zikhati ni zimbiri, kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 4:32

U ta hlongolwa xikari ka vanhu, u ya tshama ni zihari za khwati; u taga byanyi ku fanana ni tihomu kala ku hunza a ntlhanu wa zikhati ni zimbiri; kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Danieli 6:25

Zonake hosi Dariusi i lo tsalela a va matiko wontihe ni tixaka ni tirimi, ka vontlhe lava va akileko laha misaveni, aku: A kurula a ku anze xikari ka nwina!

Jona 1:9

Yena aku kabye: Nzi muHeberu; nzi chava Jehova, a Nungungulu wa matilo, loyi a mahileko a bimbi ni misava.