Ezra 1:1 - Tshwa Bible

¹ Hi lembe go ranga ga kufuma ka Kurusi a hosi ya le Persia, lezaku kasi a gezu ga Jehova legi a nga gi wula hi nomu wa Jeremia gi fela ku tatiseka, Jehova i lo vuxa a moya wa Kurusi a hosi ya le Persia, aba hungu lomu mufunwini wakwe wontihe ni ku tsala a timhaka, aku: 2 Kro. 36:22; Jer. 25:12; 29:10

Ezra 1:1 Mawu Ofanana

Ezra 1:5

Zonake a tihosi ta tiyindlu ta Juda na Benjamini, ni vapristi, ni vaLevi, zinwe ni lava a timbilu tabye ti vuxilweko hi Jehova, lezaku va ya aka yindlu ya Jehova le Jerusalema.

Ezra 4:3

Kanilezi Zerubabeli, na Jexua, ni tinwani tihosana ta vadadani va ka Israeli, va te ngalo kabye: Nwina a mu zi koti ku aka zinwe na hina a yindlu ya Jehova Nungungulu wa hina; hi hina hoce hi ta nga aka a yindlu ya Jehova Nungungulu wa ka Israeli, khwatsi hi lezi ku leletelweko hi Kurusi a hosi ya le Persia.

Ezra 6:14

A masingalakati ya vaJuda va lo aka na va tsakile, na va tiyiswa hi kuprofeta ka muprofeti Hagai na Zakaria nʼwana Ido. Va lo aka va mbheta, khwatsi hi kuleletela ka Nungungulu wa ka Israeli ni kuwula ka Kurusi na Dariusi, na Artaxerxesi a hosi ya le Persia.

Ezra 6:22

Va lo maha a mubuzo wa zibaba zi nga hiko na comelo, 7 wa masiku na va tsakile; hakuva Jehova i wa va tsakisile, ni ku kucetela a mbilu ya hosi ya Asiria lezaku yi tiyisa a mandla yabye mitirweni ya yindlu ya Nungungulu wa ka Israeli.

Ezra 6:3

Ka lembe go ranga ga kufuma ka Kurusi, hosi Kurusi i lo leletela xungetano ni yindlu ya Nungungulu ya le Jerusalema, lezaku yi aketwa, kasi kuva laho va ta nga nyikela kona a miphahlo; ni xiseketelo xa kona a xi aketwe. A kuleha ka yona ku tava 60 wa mikono, a kuanama ku tava 60 wa mikono.

Ezra 7:27

A ku bongiwe Jehova Nungungulu wa vadadani va hina, loyi a vekileko a timhaka ta ku nghahi mbilwini ya hosi, ta ku dzunza a yindlu ya Jehova le Jerusalema,

Tisimu 106:46

A va maha va zwelwa wusiwana Hi lava va nga va maha tikhumbi.

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.

Isaya 45:1

Jehova i wula ka a totilweko wakwe Kurusi, Loyi nzi mu khomileko hi canja gakwe ga xinene, Lezaku nzi hlula matiko mahlweni kakwe, Nzi tlhatlha a tifunga ta tihosi; A vululelwa tivati, ti nga valiwi, aku:

Jeremia 1:1

A timhaka ta Jeremia, nʼwana Hilkia, munwe wa vapristi va le Anatote, a tikweni ga Benjamini. Jox. 21:18; 1 Tih. 2:26

Jeremia 29:10

Hakuva Jehova i ngalo: Loku ku hunzile a 70 wa malembe le Babuloni, nzi ta mu alakanya, nzi mu mahela a mhaka ya mina yinene, nzi mu wuyisa ka legi wutshamu. Ezra 1:1; Dan. 9:2; Zak. 1:12

Ezekieli 38:5

Persia, Kuxe, na Pute, vontlhe va tava ni zitlhangu ni zihuku za xiketse;

Danieli 1:21

Danieli i lo simamisa kota lezo kala a lembe legi hosi Kurusi a nga sangula ku fuma ha gona.

Danieli 2:1

Hi lembe ga wumbiri ga kufuma ka Nebukadnezzare, yena i lo lora miloro leyi a moya wakwe wu nga karateka ha wona, a vumala ni wurongo.

Danieli 6:25

Zonake hosi Dariusi i lo tsalela a va matiko wontihe ni tixaka ni tirimi, ka vontlhe lava va akileko laha misaveni, aku: A kurula a ku anze xikari ka nwina!

Danieli 9:2

hi lembe go ranga ga kufuma kakwe, mina Danieli nzi lo tivisiwa hi mabhuku a tsengo wa malembe lawa Jehova a byelileko muprofeti Jeremia, lawa ma ta nga hunza Jerusalema na gi sele kuhahlulweni, ma nga 70 wa malembe.

Johani 1:23

Yena aku: Mina nzi gezu ga loyi a bako hungu xiwuleni, aku: Lulametani a ndlela ya Hosi, kota lezi a nga wula muprofeti Isaya. Isa. 40:3; Mat. 3:3; Lu. 3:4