Estere 8:5 - Tshwa Bible

⁵ aku ka yona: Loku a hosi yi vumela, ni loku yi xalala ha mina, zi kumeka na zi lulamile mahlweni ka hosi, nzi hi loyi hakunene nzi tsakisako ka hosi, ngha ku humeswa a mutsalo wo vinya a xikungo xa Hamani nʼwana Hamedata, a muAgage, lexi a nga wa xi tsalile kasi ku lovisa vaJuda lava va nga matikweni wontihe ya hosi.

Estere 8:5 Mawu Ofanana

Estere 2:17

A hosi yi lo ranza Estere ku hunza vontlhe vavasati, a tsakelwa nguvu hi hosi ku hunza vanwani vanhwana; zinghaho i lo mu ambexa a xidlodlo xa wuhosi hlokweni yakwe, a mu maha muzinza xikhundleni xa Vaxti.

Estere 2:4

A nhwana loyi a ta nga tsakisa a hosi, hi yena a ta ngava muzinza xikhundleni xa Vaxti. A mhaka yi lo xalalisa a hosi, ku mahiwa lezo.

Estere 3:1

Anzhako ka lezo hosi Ahasuerusi i lo tlakusa Hamani nʼwana Hamedata a muAgage, a mu veka xitshanwini xa le hehla, a mu maha mufumeli wa tihosana leti a nga wa hi nato.

Estere 5:8

Loku nzi xalalisa hosi, ni loku a hosi yi vumela ku nzi mahela xikombelo xa mina, nzi wa kombela lezaku a hosi na Hamani vata kambe kugeni loku nzi ta nga ku longisa, hambu kova manziko nzi ta maha kota kuranza ka hosi.

Estere 7:3

Zonake muzinza Estere i lo hlamula, aku: Hosi, loku u xalala ha mina, ni loku u vumela, nzi kombela lezaku a wutomi ga mina gi nga lobyiswi, ni wutomi ga va ka hina;

Eksodusi 33:13

Makunu, loku hakunene nzi kumile thomo mahlweni ka wena, nzi kombise tindlela ta wena, nzi ta ku tiva; nzi wona lezaku nzi kumile thomo mahlweni ka wena. Kambe alakanya lezaku lava vanhu mbanhu va wena.

Eksodusi 33:16

Zi ta tibyiswa kuyini lezaku mina ni vanhu va wena hi kumile thomo mahlweni ka wena? Xana a hi loku u famba zinwe na hina ke? Zi nga lezo mina ni vanhu va wena hi ta nga woneka na hi hambene ni vontlhe vanhu lava va nga laha misaveni.

1 Samueli 20:29

1 te ngalo: Nzi vumele nzi famba, hakuva ku na ni muphahlo wa laha ngangweni wa hina le mutini, hilezi a nakulori i nzi leletele a kuva nziya leyo: makunu loku mina nzi kumile thomo mahlweni ka wena, nzi ta tsutsuma nziya kona nzi ta ya wonana ni vanakulori. Hikwalaho yena a nga tangi laha mezeni ya hosi.