Eksodusi 9:15 - Tshwa Bible

¹⁵ Hakuva loku nzi wa tlakusile a canja ga mina nzi kuba hi ntungu, wena ni vanhu va wena, ngha u lovile u mbhela laha misaveni.

Eksodusi 9:15 Mawu Ofanana

2 Samueli 7:23

Hi gihi tiko laha misaveni gi fananako ni vanhu va wena va ka Israeli, lava Nungungulu a va tlhatlhisileko, kasi va fela ku maha a vanhu vakwe, a ti mahela vito, a mu mahela zilo za hombe zi chavekako lomu tikweni ga wena, hi ku hlongola a vanhu ni vanungungulu vabye mahlweni ka vanhu va wena lava u va tlhatlhisileko le tikweni ga Gipite ke?

1 Tihosi 13:34

Lezo zi lova kuonha ka hombe lomu ndlwini ya Jeroboamu, yi kala yi lobyiswa laha misaveni.

2 Tihosi 17:36

Kanilezi mu ta khozela Jehova loyi a mu humesileko tikweni ga le Gipite hi ntamu wa hombe ni canja gi nawulutilweko; hi yena mu to khizama mahlweni kakwe, mu nyikela miphahlelo kakwe.

2 Tihosi 19:35

Zonake ka gwalego wusiku a ngelosi ya Jehova yi lo huma yi ya hlasela 185,000 wa vavanuna lomu wugovelweni ga maAsiria. A xikhati lexi a vanhu va nga vuka ni mixo, va lo kuma lezaku vontlhe va wa file.

Eksodusi 14:28

A mati ma lo wuya, ma ta fenengeta tikareta ni yimpi yontlhe ya Faro, leyi yi nga wa lanza a vaIsraeli lomu bimbini; laho a ku salangi hambu ni munwe.

Eksodusi 3:20

Kanilezi nzi ta tlakusa a canja ga mina nziba vaGipite hi zihlamaliso zontlhe lezi nzi ta nga zi maha ka vona. Anzhako ka zona i ta mu tsika mu famba.

Eksodusi 9:14

Hakuva lezi makunu nzi ta rumela makhombo wontihe hehla ka wena, ni hehla ka malanza ya wena, ni tikweni ga wena, kasi wena wa fela ku zi tiva lezaku a nga kona munwani wo fanana na mina misaveni yontlhe.

Eksodusi 9:16

Kanilezi nzi ku tsikile kasi wena wa fela ku wona mintamu ya mina, ni lezaku a vito ga mina gi fela ku tibyiwa misaveni yontlhe. Rom. 9:17

Eksodusi 9:3

a canja ga Jehova gi tava hehla ka mitlhambi ya wena, leyi yi nga le mikoveni, ni hehla ka mahaxi, ni hehla ka timbongola, ni hehla ka makameli, ni hehla ka tihomu, ni hehla ka tiyivu, ku tava ntungu wa hombe nguvu.

Eksodusi 9:6

Hi manziko wa kona Jehova i lo sangula ku maha lezo zilo. A zifuyo zontlhelele za vaGipite zi lofa; cima a ku fangi nchumu lomu mitlhambini ya vanana va ka Israeli.

Mavingu 2:22

Kanilezi a vakubiha va ta susiwa laha misaveni, i vakanganyisi va ta tsuwulwa ka yona.