Eksodusi 8:19 - Tshwa Bible

¹⁹ Zonake a tinʼanga tiku ka Faro: Leli litiho la Nungungulu! Hambu lezo a mbilu ya Faro yi lo sihalala; a nga va ingisangi, khwatsi hi lezi Jehova a wulileko.

Eksodusi 8:19 Mawu Ofanana

Genesisi 41:24

Zonake a miponwani ya mipumbunzela yi lo mita leyi ya ntlhanu ni mimbiri ya yi nene. Makunu nzi lo byela zitumbe, kanilezi a zi zi kotangi ku tlhamusela.

Tisimu 8:3

Loku nzi cuwuka a matilo ya wena, a ntiro wa titiho ta wena, A hweti ni tinyeleti, lezi wena u zi vangileko;

Eksodusi 10:23

A vanhu va tsanzeka ku wonana, ku nga hi kona munhu a nga wa zi kota ku suka wutshanwini gakwe lomu ka masiku manharu. Kanilezi ka vanana va ka Israeli ku wa hi kona kuwonekela lomu mitini yabye.

Eksodusi 10:7

Zonake a malanza ya Faro maku kakwe: Loyi munhu i tava ziyo xikari ka hina kala rini? Tlhatlha vanhu lava va ya khozela Jehova, Nungungulu wabye. A ku zi woni lezaku a Gipite ga lova ke?

Eksodusi 11:7

Kanilezi ku nga tava kona a mbyana yi ta nga ahlama a nomu wa yona yi vukela a vanana va ka Israeli, hambu ni zifuyo, kasi mu fela ku tiva lezaku Jehova i hlawulile Israeli xikari ka vaGipite.

Eksodusi 7:13

Kanilezi a mbilu ya Faro yi lo nonoha, cima a nga va ingisangi, khwatsi hi kuwula ka Jehova.

Eksodusi 7:4

Kanilezi Faro a nga ta ingisa. Zonake nzi ta veka a canja ga mina hehla ka Gipite, nzi humesa a zidlemo za mina ka lego tiko, vona a vanhu va mina, a vanana va ka Israeli, hi tsayiselelo wa hombe.

Eksodusi 7:5

Ni vaGipite va ta zi tiva lezaku hi mina Jehova, loku nzi nawuluta a canja ga mina hehla ka Gipite, nzi humesa a vanana va ka Israeli xikari kabye.

Eksodusi 9:26

Kanilezi a vula ya maralala yi wa nga hi kona le Goxeni, laha ku nga tshama a vanana va ka Israeli.

Eksodusi 9:4

Kanilezi Jehova i ta hambanyisa a zifuyo za va ka Israeli ni zifuyo za vaGipite, cima ku nga tafa nchumu xikari ka zifuyo zontlhe za vanana va ka Israeli.

Danieli 2:19

Zonake a fihlakalo wu lo wonekeliswa ka Danieli hi muwoniso wa wusiku. Danieli-ke a khesa Nungungulu wa le tilweni,

Mateu 12:28

Kanilezi loku nzi hlongola madimoni hi Moya wa Nungungulu, hakunene a mufumo wa Nungungulu wu tile ka nwina. Dan. 2:44; Lu. 1:33

Luka 11:20

Kanilezi loku nzi hlongola madimoni hi litiho la Nungungulu, hakunene a mufumo wa Nungungulu wu tile ka nwina. Ekso. 8:19

Johani 11:47

Zonake a vapristi va hombe ni vaFarisi va lo tsombanyisa a huwo, vaku ngalo: Hi ta maha yini? A munhu loyi i maha ziwoniso zinyingi. Tis. 2:2; Mat. 26:3; Miti. 4:16

Mitiro 4:16

vaku: Hi ta maha yini hi vanhu lava ke? Hakuva za su dlunya ka vontlhe lava va akileko le Jerusalema, lezaku xihlamaliso xa hombe xi mahilweko hi vona; hina a hi na ku xi kaneta. Joh. 11:47; Xip. 3:9

1 Samueli 6:3

Vona vaku: Loku mu tlhelisa a arke ga Nungungulu wa ka Israeli, mu nga gi tlhelisi na gi hi phanga; gi tlheliseni na mu humesa a munyikelo wa kuonha, zonake mu ta kalamuka, ni kambe mu ta tiva xigelo xa lezi a canja ga Nungungulu gi nga kala ku suka ka nwina.

1 Samueli 6:9

Mu ta cuwuka, lezaku loku gona gi famba hi ndlela ya mbhingano wa gona, hi tlhelo ga Beti-Xemexe, hi ta zi tiva lezaku hi Jehova a hi neheleko kubiha loku, kasi loku gi ngayi seyo, hi ta tiva lezaku a hi canja gakwe gi hi hlaselako, kanilezi zo humelelawu basi.