Eksodusi 8:10 - Tshwa Bible

¹⁰ Faro aku: Manziko ni mixo. Mosi aku: A zive nghaho, kasi wena wa fela ku zi tiva lezaku a ku kona wo fanana na Jehova, Nungungulu wa hina.

Eksodusi 8:10 Mawu Ofanana

2 Samueli 7:22

Hikwalaho u wa hombe, Jehova Nungungulu! Hakuva a nga kona munwani wa ku fanana na wena, a nga kona Nungungulu ahandle ka wena, kukotisa zontlhe hi zi zwileko hi tindleve ta hina. Deut. 3:24; Isa. 44:6; Mar. 12:29, 32

1 Kronekele 17:20

Jehova, cima a nga kona wo fanana na wena, cima a ku na munwani Nungungulu ahandle ka wena, khwatsi hi zontlhe lezi hi zi zwileko hi tindleve ta hina. Deut. 3:24; Isa. 37:16; Dan. 3:29

Tisimu 83:18

Kasi va fela ku tiva lezaku hi wena wece u nga ni vito ga Jehova, Loyi a Hunzeleleko Kutlakuka misaveni yontlhe.

Tisimu 86:8

Xikari ka vanungungulu a nga kona a fananako na wena, Hosi, A yi kona mitiro yi fananako ni ya wena. Ekso. 15:11; Deut. 3:24

Tisimu 9:16

Jehova i ti tivekisile, i lamulile: Wa phasa muonhi hi mitiro ya mandla yakwe wutsumbu. (Higgaion. Sela.)

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Eksodusi 8:9

Mosi aku ka Faro: Za vumeleka ka wena a ku nzi byela xikhati lexi nzi to ku kombelela ha xona, wena ni malanza ya wena, ni tiko ga wena, kasi a makhele ma nwalala ka wena, ni lomu tindlwini ta wena, ma sala congweni koce.

Eksodusi 9:14

Hakuva lezi makunu nzi ta rumela makhombo wontihe hehla ka wena, ni hehla ka malanza ya wena, ni tikweni ga wena, kasi wena wa fela ku zi tiva lezaku a nga kona munwani wo fanana na mina misaveni yontlhe.

Eksodusi 9:29

Mosi aku ka yena: Laha nzi ta nga huma laha mutini, nzi ta tlakusa a mandla ya mina ka Jehova; a kudzinza ku ta miyela, ni vula ya maralala yi taca, kasi wena wa fela ku zi tiva lezaku a misava nja Jehova.

Mavingu 27:1

U nga ti kukumuxi wutsumbu ga wena ha manziko, akuva a ku zi tivi lezi a siku gi ta nga zi neha. Jak. 4:13

Isaya 40:18

Nungungulu mu ta mu fananisa na mani, Hi xihi xifananiso mu ta nga xi maha xo ringana naye?

Isaya 40:25

Mu ta nzi fananisa na mani loyi nzi ta nga ringana naye ke? Ku wutisa Loyi a Basileko.

Isaya 46:9

Alakanyani a zilo zi mahekileko kaleloko, Hakuva hi mina Nungungulu, a nga kona munwani; Nzi Nungungulu, a nga kona a fananako na mina.

Deuteronome 3:24

Hosi Jehova, wena u sangule ku kombisa ka nanza ga wena a wukulu ga wena, ni ntamu wa canja ga wena, hakuva hi wihi nungungulu le tilweni ni laha misaveni a nga mahako mi-tiro yo kota ya wena ke?

Deuteronome 32:31

Hakuva a ribye ga vanwani a gi koti a Ribye ga hina, Valala va hina va vumela mhaka leyi.

Deuteronome 33:26

O Jexuruni! A nga kona wa ku fanana ni Nungungulu, Loyi a tako ku ta ku vuna na khilele matilo; A wukulu gakwe gi tlakusilwe le marefini,

Deuteronome 4:35

Wena u kustumunyu wa lezi zilo, kasi wena u fela ku zi tiva lezaku Jehova i Nungungulu, a ku kona munwani ahandle kakwe.

Deuteronome 4:39

Zi tive nyamutlha, u zi alakanya mbilwini ya wena, lezaku Jehova i Nungungulu loyi a nga hehla tilweni ni lahasi misaveni; a ku na munwani,

Jakobe 4:14

kasi lezo a mu zi tivi za manziko. Xini a wutomi ga nwina ke? Hakuva nwina mu hunguva, leyi yi wonekako xikhatanyana, yi nyamalala. Joba 7:7; Tis. 102:3