Eksodusi 7:23 - Tshwa Bible

²³ Faro i lo tlhela aya ndlwini yakwe, cima a nga khatalelangi lezi zilo lomu mbilwini yakwe.

Eksodusi 7:23 Mawu Ofanana

Joba 7:17

Xini munhu, lezaku wena u mu kulisa ke? Lezaku wena u mu khatalela ke? Maheb. 2:6

Tisimu 62:10

Mu nga tsumbi tihanyi, Ge hambu ku ti kulisa hi wukhamba; Loku kufuma ku enzeleka, mu nga zi khataleli. Joba 31:24; Lu. 12:16; 1 Tim. 6:17

Eksodusi 7:22

A tinʼanga ta Gipite ti lo mahawu lezo hi wutlhari ga tona. A mbilu ya Faro yi lo sihalala. Cima a nga ingisangi, khwatsi hi lezi Jehova a wulileko.

Eksodusi 7:24

Zonake a vaGipite va lo kela kusuhani ni congo, va lava a mati ya kunwa hakuva va wa nga zi koti kunwa mati ya congo.

Eksodusi 9:20

Xikari ka malanza ya Faro, lava va nga ingisa kuleletela ka Jehova, va lo hatlisa va wuyisa malanza yabye ni zifuyo zabye lomu tindlwini,

Eksodusi 9:21

Kanilezi lava va nga kala ku khatala hi gezu ga Jehova, va lo tsika malanza ni zifuyo zabye lehandle.

Mavingu 22:17

Koramisa a ndleve ya wena uzwa a timhaka ta titlhari, U nyikela a mbilu ya wena wutivini ga mina.

Mavingu 24:32

Zonake nzi lo zi wona, nzi ehleketa, zi lo zi cuwukisisa, nzi kuma gonzo ka zona.

Mavingu 28:14

I katekile a munhu loyi a nga ni livalo xontlhe xikhati; anilezi loyi a nonohisako a mbilu yakwe i ta wela khombyeni.

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 47:7

Wena u ngalo: Nzi tava muzinza kala kupinzuka. A ku khatalelangi lezi zilo, A ku alakanyangi lezaku zi ta mbhela. Kuv. 18:7

Jeremia 36:24

A hosi ni malanza ya yona loku va zwile tontlhe leti timhaka, a va chavangi hambu a ku hanzula a tinguwo tabye. 2 Tih. 22:11

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Ezekieli 40:4

A munhu loye ite ka mina: Nʼwana wa munhu, Cuwukisisa hi mahlo ya wena, u ti zwela hi tindleve ta wena, u xiyisisa zontlhe lezi nzi ta nga ku kombisa zona; hakuva u tisilwe laha a ku kasi nza ku kombisa zona; u ta tlhatlhambutela ka yindlu ya ka Israeli zontlhe lezi u zi wonako.

Habakuka 1:5

Cuwukani xikari ka matiko, mu hlamala muku kaye! hakuva masikwini ya nwina ku tiriwa a ntiro, lowu mu to kala mu nga wu kholwi hambu loku mu byeliwa. Miti. 13:41

Malaki 2:2

Loku mu nga xi ingisi, ni loku mu nga xi veki timbilwini ta nwina, lezaku mu dzunza vito ga mina, ku wula Jehova wa tiyimpi, zoriake nzi ta rumela a nzhukano hehla ka nwina, nzi rukatela a makatekwa ya nwina. Ina, nzi sina nzi ma rukatele, hakuva a mu xi khataleli. Deut. 28:15

Deuteronome 32:46

Hlayisani lomu timbilwini ta nwina a timhaka tontlhe leti nzi kustumunyako ha tona legi siku mahlweni ka nwina; mu ta leletela a vanana va nwina, va tazwa ni ku maha tontlhe timhaka ta lowu nayo.

1 Samueli 4:20

Laha a nga hi kusuhani ni kufa, a vavasati lava va nga wa hi laho va te ngalo kakwe: U nga chavi, hakuva u pswele mufana. Kanilezi yena a nga hlamulangi nchumu, ge hambu ku zi khatalela. Gen. 35:17