Eksodusi 7:20 - Tshwa Bible

²⁰ Zonake Mosi na Aroni va lo maha kota lezi Jehova a va leleteleko. Aroni i lo tlakusa a nhonga yakwe, aba mati ya congo mahlweni ka Faro, ni mahlweni ka malanza yakwe; a mati wontihe ya congo ma lo hunzuka ma maha nkhata.

Eksodusi 7:20 Mawu Ofanana

2 Tihosi 4:29

Elixa i te ngalo ka Gehazi: Boha xiwunu xa wena u teka a nhonga ya mina u welela canjeni ga wena, u famba; loku u tlhangana ni munhu, u nga mu losi; ni loku a munhu a ku losa wena, u nga mu anguli, U ta ya tlhateka a nhonga ya mina lomu nghoheni ya nwanana. Lu. 10:4

Tisimu 105:29

I lo hunzula mati yabye ma maha nkhata, A daya zidluwani zabye.

Tisimu 78:44

A hunzula micongo yabye yiva nkhata, Va tsanzeka kunwa a mati ya wona. Ekso. 7:19

Eksodusi 4:9

Zonake loku va nga vumeli ziwoniso lezi za zimbiri, va nga ingisi ni gezu ga wena, u ta yakha mati le congweni, u ta ma chela lahasi, a mati lawo u ma khileko le congweni, ma ta hunzuka ma maha nkhata laha misaveni.

Eksodusi 7:10

Zinghaho Mosi na Aroni va loya ka Faro, va ya maha kotisa lezi Jehova a va leleteleko. Aroni i lo hoxa a nhonga yakwe mahlweni ka Faro, ni mahlweni ka malanza yakwe; yi lo hunzuka yi maha nyoka.

Eksodusi 7:21

A zidluwani za congo zi lofa, ni congo wu lo nuha; a vaGipite va lo tsanzeka kunwa mati ya congo. A tiko gontlhe ga Gipite gi wa hi ni nkhata.

Eksodusi 7:6

Mosi na Aroni va lo maha lezo. Va maha kota lezi Jehova a va leleteleko.

Habakuka 3:8

Jehova a nga tsanwiswa hi micongo ke? U wa zangarela a micongo ke? Kutani u zangarela a bimbi, Lezi u khilelako a mahaxi ya wena, U famba hi tikareta ta wena ta ku hanyisa?

Kuvululelwa 8:8

Ni ngelosi ya wumbiri yi loba mpunzu wa yona, ku lo woneka xo kari xo khwatsi xitsunga xa hombe xi vurako nzilo xi hoxwa bimbini. A xipanze xa wunharu xa bimbi xi lo hunzuka nkhata. Jer. 51:25; Ezek. 14:19; Xip. 16:3