Eksodusi 6:8 - Tshwa Bible

⁸ nzi ta mu yisa ka tiko legi nzi nga hlambanya nziku: Nzi ta gi nyika ka Abrahama, na Isaka, na Jakobe; nzi ta mu nyika gona, akuva tshomba ya nwina. Hi mina Jehova. Ezek. 20:5

Eksodusi 6:8 Mawu Ofanana

Genesisi 14:22

Na Abrama i te ngalo ka hosi ya le Sodoma: Nzi tlakusile a canja ga mina ka Jehova, Nungungulu a nga Hehla-hehla, a nwinyi wa tilo ni misava,

Genesisi 15:18

Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Genesisi 28:13

Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;

Genesisi 35:12

A tiko legi nzi nga nyika Abrahama na Isaka, nzi ta gi nyika ka wena, nzi ta gi nyika ni ka pswalo wa wena anzhako ka wena.

Nehemia 9:15

U va nyika zibaba za le tilweni kasi ku miyeta ndlala yabye, u va humesela mati hi lomu ribyeni kasi ku tima tora gabye, u va lelela lezaku va ya fumela a tiko legi u nga gi tlakusela canja ga wena u hlambanya lezaku u ta va nyika gona. Ekso. 16:4; 17:6

Eksodusi 13:5

Laha Jehova a ta nga mu chiketa a tikweni ga Kanani, ni ga vaHiti, ni ga vaAmori, ni ga vaHivi, ni ga vajebusi, a tiko legi a hlambanyileko ka vararu va nwina a ku va nyika gona, a tiko ga masi ni wulombe; ka hweti leyi mu ta hlayisa ziyimiso lezi:

Eksodusi 32:13

Alakanya Abrahama, na Isaka, na Israeli, a malanza ya wena, lava u nga hlambanya ka vona uku ngalo: Nzi ta anzisa a pswalo wa nwina; wu ta kota tinyeleti ta tilo; nzi ta nyika ka pswalo wa nwina gontlhe tiko legi nzi gi wulileko, va ta gi fumela kala kupinzuka, Gen. 12:7; 15:5; Maheb. 6:13

Eksodusi 6:2

Nungungulu i lo engeta a wulawula ka Mosi aku: Hi mina Jehova.

Eksodusi 6:4

Mina nzi yimisile a xivumelwano xa mina zinwe na vona xa kuva nzi va nyika a tiko ga Kanani, a tiko legi va nga wa luvele ka gona.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Ezekieli 20:15

Kambe nzi lo va hlambanya lomu xiwuleni lezaku nzi nga ta va yisa tikweni legi nzi va nyikileko, gi khulungako a masi ni wulombe, gi sasekileko ku hunza wontihe matiko. Mitse. 14:21; Deut. 1:34

Ezekieli 20:23

Nzi lo hlambanya ka vona lomu xiwuleni lezaku nzi ta va hangalasa xikari ka vamatiko, nzi va hlongolisa matikweni; Levi 26:39; Deut. 28:64

Ezekieli 20:28

Hakuva laha nzi nga va enghenisile a tikweni legi nzi nga hlambanya lezaku nzi ta va nyika gona, a ka xihi xitsunga xo tlakuka va nga xi wona, ni ka tontlhe tisinya to tlhuma va lo mahela ka zona a miphahlo yabye, va nzi zangarisa hi minyikelo yabye; va hisa kambe ni muri wa masema yo nuhela, va chulula kona a minyikelo yabye ya kunwa.

Ezekieli 20:42

Mu ta zi tiva lezaku hi mina Jehova, laha nzi ta nga mu wuyiseta tikweni ga ka Israeli, legi nzi nga gi hlambanyela lezaku nzi ta gi nyika a vadadani va nwina.

Ezekieli 36:7

Hikwalaho Hosi Jehova i ngalo: Nzi tlakusile a canja ga mina nzi hlambanya, nziku: Hakunene a matiko lawa ma mu ranzelekeleko ma ta maha zihlekiso na wonawu.

Ezekieli 47:14

A ziavelo za munwe ni munwani zi ta ringana, hakuva nzi hlambanyile hi ku tlakusa canja ga mina, lezaku nzi ta gi nyika ka vakoko va nwina; makunu gona tiko gi ta maha tshomba ya nwina. Gen. 12:7; 17:8; 26:3; 28:13

Mitsengo 10:29

Mosi i te ngalo ka Hobaba, a nʼwana wa Reueli, a muMidiani, a muxade wa Mosi: Hina hiya tikweni legi Jehova a nga ku ngalo: Nzi ta mu nyika gona. A hi fambe hontlhe; hina hi ta ku khoma khwatsi, hakuva Jehova i wulawulile kusasa ha Israeli.

Mitsengo 11:12

Xana nzi mina dadani ni mamani wa vanhu lava vontlhe ke? Kutani nzi va pswalile, laha u nga ta ngha uku ka mina: va beleke khwatsi hilezi mupswali a belekako a nwanana loyi a mu anwisako, kala va chikela tikweni legi u tsumbisileko vararu vabye ke?

Mitsengo 14:30

cima mu nga ta enghena ka tiko legi nzi hlambanyileko lezaku nzi ta mu veka ka gona, ntsena Kalebi a nʼwana wa Jefuna, na Joxua a nʼwana wa Nuni.

Mitsengo 23:19

Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Deuteronome 32:40

Hakuva nza tlakusa canja ga mina tilweni, Nziku: Nzi loyi a hanyako kala kupinzuka!

Deuteronome 4:31

Hakuva Jehova Nungungulu wa wena i Nungungulu wa tipswalo; cima a nga ta ku tsika, hambu ku ku lovisa, ni kambe a nga ta rivala a xivumelwano xa vararu va wena lexi a hlambanyileko ka vona.

Joxua 24:13

Nzi mu nyikile a tiko legi mu nga gi tirangiko ni miti leyi mu nga yi akangiko, makunu mu tshamile ka yona: maga mihanzu ya xivina ni maoliva, lezi nwina mu nga byalangiko. Deut. 6:10

Kuvululelwa 10:6

yi hlambanya hi loyi a hanyako kala kupinzuka ni kupinzuka, loyi a nga vanga tilo ni lezi zi nga ka gona, ni misava ni lezi zi nga ka yona, ni bimbi ni lezi zi nga ka gona, yiku: A xa ha hi kona xikhati kambe. Neh. 9:6; Dan. 12:7; Xip. 16:17

1 Samueli 15:29

Loyi a nga Ntamu wa va ka Israeli a nga hembi hambu ku hunzuluka, hakuva yena a hi munhu waku i ta hunzuluka.