Eksodusi 6:4 - Tshwa Bible

⁴ Mina nzi yimisile a xivumelwano xa mina zinwe na vona xa kuva nzi va nyika a tiko ga Kanani, a tiko legi va nga wa luvele ka gona.

Eksodusi 6:4 Mawu Ofanana

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Genesisi 15:13

Na yena i te ngalo ka Abrama: Zi tive khwatsi lezaku a pswalo wa wena wu tava valuveli a tikweni legi gi nga hiko gabye, va ta ya khoza; va ta xaniswa 400 wa malembe;

Genesisi 15:18

Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:

Genesisi 17:13

I ta kuva kwera yena loye a belekelweko lomu ndlwini ya wena ni loye a xabyilweko hi mali; a xivumelwano xa mina xi tava nyameni ya nwina, xiva xivumelwano xi nga gumesiko.

Genesisi 17:4

Languta, a xivumelwano xa mina zinwe na wena hi lexi: U tava raru wa matiko manyingi. Rom. 4:17

Genesisi 23:4

Mina nzi muluveli ni muenzi xikari ka nwina; nzi heni wutshamu ga xilahla xikari ka nwina, kasi nza lahla a mufi wa mina, kasi a nga havi kona mahlweni ka mina.

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Genesisi 28:13

Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;

Genesisi 28:4

a ku nyika xikatekiso xa Abrahama, wena ni pswalo wa wena; kasi wena wa fela kuga a tshomba ya tiko lego u luvelako ka gona, legi Nungungulu a nga gi nyika ka Abrahama.

Genesisi 6:18

Kanilezi nzi ta yimisa xivumelwano zinwe na wena; u ta enghena lomu tarwini, wena ni vana va wena, ni sati wa wena, ni vasati va vana va wena.

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

Tisimu 105:11

Aku: Nzi ta ku nyika a tiko ga Kanani, Lezaku giva tshomba ya wena.

Tisimu 105:12

Va wa nga se ku tala, Futsi, va wa hi vatsongwani, va hi tinzhuveti tikweni,

Eksodusi 13:4

Mu humele hi siku lego ga hweti ya Abib.

Eksodusi 13:5

Laha Jehova a ta nga mu chiketa a tikweni ga Kanani, ni ga vaHiti, ni ga vaAmori, ni ga vaHivi, ni ga vajebusi, a tiko legi a hlambanyileko ka vararu va nwina a ku va nyika gona, a tiko ga masi ni wulombe; ka hweti leyi mu ta hlayisa ziyimiso lezi:

Eksodusi 6:8

nzi ta mu yisa ka tiko legi nzi nga hlambanya nziku: Nzi ta gi nyika ka Abrahama, na Isaka, na Jakobe; nzi ta mu nyika gona, akuva tshomba ya nwina. Hi mina Jehova. Ezek. 20:5

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Mitsengo 10:29

Mosi i te ngalo ka Hobaba, a nʼwana wa Reueli, a muMidiani, a muxade wa Mosi: Hina hiya tikweni legi Jehova a nga ku ngalo: Nzi ta mu nyika gona. A hi fambe hontlhe; hina hi ta ku khoma khwatsi, hakuva Jehova i wulawulile kusasa ha Israeli.

Mitiro 7:5

Kanilezi a nga mu nyikangi tshomba ka gona, ge, hambu ni ya ku veka konzo wakwe kona; kanilezi i lo mu tsumbisa lezaku i ta gi nyika kakwe, giva gakwe ni ga pswalo wakwe, hambu lezi a nga ngha a nga seva na nʼwana. Gen. 12:7; 15:3; 17:8; 26:3