Eksodusi 6:2 - Tshwa Bible

² Nungungulu i lo engeta a wulawula ka Mosi aku: Hi mina Jehova.

Eksodusi 6:2 Mawu Ofanana

Genesisi 15:7

Yena i te ngalo ka yena: Hi mina Jehova loyi a nga ku humesa le Ure wa maKaldea, kasi nzi ku nyika legi tiko kuva tshomba ya wena.

Eksodusi 12:12

Hakuva ka gona wusiku lego nzi ta hunza lomu tikweni ga Gipite, nzi daya a matewula wontihe ya tiko ga Gipite, ya vanhu ni ya zifuyo; zonake nzi ta lamula vanungungulu vontlhe va Gipite. Hi mina Jehova. Mitse. 33:4

Eksodusi 14:18

A vaGipite va ta zi tiva lezaku hi mina Jehova, loku nzi ti mahela wudumo ha Faro ni tikareta takwe, ni vakhileli vakwe va mahaxi.

Eksodusi 15:3

Jehova i nhenha ya ntamu, A vito gakwe hi Jehova.

Eksodusi 17:1

Yontlhe hlengeletano ya vanana va ka Israeli yi lo suka xiwuleni xa Sini, na va kari va pima mipfhuka yabye kota kuleletela ka Jehova. Va lo ya zimeka matenda yabye le Refidime; kanilezi laho ku wa nga hi na meti ya kuva a vanhu vanwa. Mitse. 33:12

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 3:14

Nungungulu aku ka Mosi: HI MINA LOYI NZI NGA KONA. Yena aku: U ta va byela lezo a vanana va ka Israeli, uku: LOYI A NGA KONA i nzi rumile ka nwina. Kuv. 1:4, 8

Eksodusi 3:15

Nungungulu a engeta aku ka Mosi: U ta va byela uku: Jehova, Nungungulu wa vararu va nwina, Nungungulu wa Abrahama, Nungungulu wa Isaka, Nungungulu wa Jakobe, i nzi rumele ka nwina. Hi vito ga mina ga kala kupinzuka; i vito ga xialakanyiso xa mina zizukulwaneni zontlhe.

Eksodusi 6:29

Hi mina Jehova. Byela Faro, a hosi ya Gipite, zontlhe lezi nzi ku byelako.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Eksodusi 6:8

nzi ta mu yisa ka tiko legi nzi nga hlambanya nziku: Nzi ta gi nyika ka Abrahama, na Isaka, na Jakobe; nzi ta mu nyika gona, akuva tshomba ya nwina. Hi mina Jehova. Ezek. 20:5

Isaya 42:8

Nzi Jehova, hi gona vito ga mina lego; Nzi nga ta nyikela ka munwani a wukulu ga mina. Hambu ni wudzunzo ga mina ka zifananiso. Ekso. 6:3

Isaya 43:11

Mina, hi mina Jehova, A handle ka mina a ku na muhanyisi.

Isaya 43:15

Hi mina Jehova, a Wa ku Basa wa nwina, A muvangi wa Israeli, a Hosi ya nwina.

Isaya 44:6

Jehova, a Hosi ya ka Israeli, Ni Mutiruli wakwe, Jehova wa tiyimpi, i ngalo: Nzi wo sangula, ni wo gumesa, Ahandle ka mina a ku na Nungungulu. Isa. 41:4; Kuv. 1:8, 17

Jeremia 9:24

Kanilezi ngha loyi a ti dzunzako a ti dzunzela mhakeni leyi, Lezaku a hi ni kuzwisisa a nzi tiva, Lezaku hi mina Jehova nzi mahako wuxinji, ni kulamula ni nongameto laha misaveni; Hakuva nza xalaliswa hi zakunghahi, ku wula Jehova. 1 Kor. 1:31; 2 Kor. 10:17

Ezekieli 20:5

uku ka vona: Hosi Jehova i ngalo: A siku legi nzi nga hlawula ha gona Israeli, nzi lo hlambanya ka pswalo wa yindlu ya ka Jakobe, nzi ti tivekisa kabye lomu tikweni ga Gipite, nziku: Hi mina Jehova a Nungungulu wa nwina. Ekso. 6:8; Deut. 7:6

Malaki 3:6

Hakuva mina Jehova a nzi hunzuki, hi lexi xi nga maha nwina vana va Jakobe mu nga lovi, 1 Sam. 15:29; Isa. 14:24