Eksodusi 6:1 - Tshwa Bible

¹ Jehova aku ka Mosi: Makunu u ta zi wona lezi nzi ta nga maha ka Faro; hakuva hi kota ya canja ga mina ga ntamu, yena i ta va tsika va famba; hi canja ga mina ga ntamu, yena i ta va hlongola tikweni gakwe.

Eksodusi 6:1 Mawu Ofanana

2 Tihosi 7:19

A nduna yi wa hlamule a munhu wa Nungungulu, yiku: Hambu loku Jehova a vulula a tinjhanela ta le tilweni, zi nga kala zi mahisa kuyini lezo ke? Makunu Elixa i wa te: Wena u ta zi wona hi mahlo ya wena, kanilezi u nga ta ziga.

2 Tihosi 7:2

Kanilezi a nduna ya hosi leyi yi khegelako laha canjeni ga yona, yi lo hlamula a munhu wa Nungungulu, yiku: Hambu loku Jehova a vulula a tinjhanela ta le tilweni, lezo zilo u zi wulako cima zi nga mahekisa kuyini? Elixa i lo hlamula, aku: U ta zi wona hi mahlo ya wena, kanilezi cima u nga ta ziga.

2 Kronekele 20:17

A hi nwina mu ta ngalwa yimpini leyi: nwina humani mu ya yima ntsena. Mu ta wona a kuhanyisa ka Jehova loyi a nga zinwe na nwina. Mu nga chavi nwina va ka Juda na nwina va le Jerusalema mu mbhela ntamu, manziko fambani mu ya va vuka, Jehova i tava zinwe na nwina. Ekso. 14:13

Tisimu 12:5

Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

Tisimu 12:6

A timhaka ta Jehova timhaka ti basileko, Ti khwatsi i siliva yi hlutilweko, Yi basisilweko ntlhanu ni mambiri makhati. 2 Sam. 22:31; Mav. 30:5

Tisimu 136:12

Hi canja ga ntamu ni woko gi nawulutilweko, Hakuva a wuxinji gakwe ga kala kupinzuka. Deut. 4:34

Tisimu 89:13

U na ni woko gi tiyileko, A canja ga wena gi na ni ntamu; A canja ga wena ga xinene gi tlakukile.

Eksodusi 11:1

Zonake Jehova aku ka Mosi: Nza ha ta neha xixaniso xinwe hehla ka Faro ni hehla ka Gipite; zonake i ta mu tlhatlha mu famba. Laha a ta nga mu tlhatlha mu famba, i taya hi ku mu hlongola.

Eksodusi 12:31

Zonake i lo vitana Mosi na Aroni gona wusiku gwalego, aku ka vona: Sukani mu huma lomu tikweni ga mina, nwina ni vanana va ka Israeli, mu ya khozela Jehova khwatsi hi lezi mu wulileko.

Eksodusi 12:33

Zonake a vaGipite va lo kurumeta vanhu ku hatlisa va huma lomu tikweni gabye; hakuva va waku: Hi tafa hontlhe.

Eksodusi 12:39

Zonake va lo bhika zibaba zi nga comelwangiko za mapa lawa va nga huma nawo hi le Gipite, hakuva zi wa nga comelwangi, hi: lezi va loya hi ku hlongolwa le Gipite, hikwalaho va lo tsanzeka ku kuma xikhati xo ti longisela mbuva.

Eksodusi 13:14

Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;

Eksodusi 13:16

Xi tava xikombiso a canjeni ga wena, ni le ximombyeni xa wena; hakuva Jehova i hi humesile le Gipite hi canja ga ntamu.

Eksodusi 13:3

Zonake Mosi aku ka vanhu: Alakanyani a siku legi mu humesilweko ha gona le Gipite, a ndlwini ya wukhumbi; hakuva Jehova i lo mu humesa hi canja ga ntamu; hikwalaho mu nga dzuki muga lezi zi comelweko hi siku lego.

Eksodusi 13:9

Lexi xi tava xikombiso a canjeni ga wena, ni xialakanyiso xikari ka mahlo ya wena. A nayo wa Jehova wu tava nonwini wa wena, hakuva Jehova i ku humesile le Gipite hi canja ga ntamu.

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Eksodusi 15:6

A canja ga wena Jehova gi dzunzekile hi ntamu; A canja ga wena ga xinene, Jehova, gi hangalasile valala.

Eksodusi 7:4

Kanilezi Faro a nga ta ingisa. Zonake nzi ta veka a canja ga mina hehla ka Gipite, nzi humesa a zidlemo za mina ka lego tiko, vona a vanhu va mina, a vanana va ka Israeli, hi tsayiselelo wa hombe.

Eksodusi 7:5

Ni vaGipite va ta zi tiva lezaku hi mina Jehova, loku nzi nawuluta a canja ga mina hehla ka Gipite, nzi humesa a vanana va ka Israeli xikari kabye.

Isaya 63:12

Loyi a nga fambisa a woko gakwe ga wukulu le reveni ga xinene ga Mosi, Loyi a nga avanyisa mati mahlweni kabye kasi ku ti mahela a vito ga pinzukelwa?

Mitsengo 11:23

Jehova i te ngalo ka Mosi: Xana a canja ga Jehova gi komile ke? Makunu wena u ta wona zalezi kutani timhaka ta mina ti ta maheka kutani ti nga ta maheka. Isa. 50:2; 59:1

Mitsengo 23:23

Hakuva ku hava wutumbe go vukela Jakobe; A ku na wungoma go vukela Israeli. Ku ta wuliwa ha Jakobe na Israeli hi xikhati xa zona, Zini lezi Nungungulu a nga zi mahangiko!

Mitiro 13:17

Nungungulu wa lixaka leli la ka Israeli i lo hlawula a vakoko va hina, a va kulisa laha va nga luvele tikweni ga le Gipite, a va humesa ka gona hi canja gi tlakukileko,

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1

Deuteronome 4:34

Kutani i kona munwani nungungulu loyi a nga ringa ku ya wutla vanhu xikari ka wunwani mufumo, hi zikarato ni ziwoniso ni zihlamaliso ni kulwa hi canja ga ntamu gi tlakukileko, ni mitiro ya hombe yi chavekako, kota lezi Jehova Nungungulu wa nwina, a nga mu mahela zontlhe le Gipite kuwoneni ka nwina?