Eksodusi 5:3 - Tshwa Bible

³ Vaku kakwe: Nungungulu wa maHeberu i wonekile ka hina. Hi vumele hi teka pfhumba ga masiku manharu hiya xiwuleni, hi ya khozela Jehova, a Nungungulu wa hina, hi miphahlo; a nga hi daya hi ntungu kutani hi supado.

Eksodusi 5:3 Mawu Ofanana

2 Tihosi 17:25

Laha va nga wa sangula ku aka, va wa nga chavi Jehova; zonake Jehova i lo va rumela a tinghonyamu ti ta va daya. Levi 26:21

2 Kronekele 30:8

Makunu nwina mu nga nonohisi tinhamu ta nwina, khwatsi hi vadadani va nwina; khomani a canja ga Jehova, muta ndlwini yakwe yo basa a yi basisileko kala kupinzuka, mu ta khozela Jehova Nungungulu wa nwina, kasi a zanga yakwe yo tshisa yi fela ku Suka ka nwina.

Ezra 7:23

Zontlhe lezo zi leletelweko hi Nungungulu wa le tilweni a zi mahelwe a yindlu yakwe hi ku chela kota, kasi a nga zangareli a mufumo wa hosi ni vanana va yona.

Eksodusi 3:18

Vona va ta ingisa a gezu ga wena: zonake u ta famba ni masingalakati ya ka Israeli ka hosi ya vaGipite, mu yaku ngalo ka yena: Jehova. Nungungulu wa maHeberu i wonekile ka hina; hikwalaho hi vumele hi teka a pfhumba ga masiku manharu hiya xiwuleni hi ya khozela Jehova, Nungungulu wa hina, hi miphahlelo.

Eksodusi 7:16

u taku kakwe: Jehova, a Nungungulu wa maHeberu, i nzi rumile ka wena, i ngalo: Tsika a vanhu Va mina va ya nzi khozela le xiwuleni! Kanilezi a ku ingisi kala lezi.

Eksodusi 8:1

Zonake Jehova aku ka Mosi: Famba ka Faro u yaku ka yena: Jehova i ngalo: Tsika a vanhu va mina va ya nzi khozela.

Eksodusi 8:20

Jehova aku ka Mosi: Vuka laha mixweni uya yima mahlweni ka Faro; loku aya matini, u taku ka yena: Jehova i ngalo: Tlhatlha a vanhu va mina va ya nzi khozela!

Eksodusi 8:27

Hi ta famba xiwuleni a pfhuka wa masiku manharu, hi laho hi ta ngaya phahlela ka Jehova, Nungungulu wa hina, kota lezi a ta nga hi byelisa zona.

Ezekieli 6:11

Hosi Jehova i ngalo: Phakatela mandla, u ganyetela hi mikonzo ya wena, uku: Ehe! hi kota ya manyalataniso wontihe ya yindlu ya ka Israeli; hakuva va tafa hi supado, ni ndlala, ni ntungu.

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Deuteronome 28:21

Jehova i ta ku maha u namarelwa hi tinghumbe, kala u lobyiswa lomu ka misava leyi u ta nga ya enghena ka yona u yi fumela.