Eksodusi 5:22 - Tshwa Bible

²² Zonake Mosi i lo tlhelela ka Jehova, a yaku: Hosi, u xanisela yini a vanhu lava? U nzi rumele yini ke?

Eksodusi 5:22 Mawu Ofanana

1 Tihosi 19:10

I lo hlamula, aku: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele a vaprofeti va wena hi supado, hi mina nzoce nzi seleko, na vona va lava ku nzi daya! Rom. 11:2

1 Tihosi 19:4

kanilezi yena i lo famba a pfhuka wa siku gontlhe aya xiwuleni; i lo ya chikela a tshama lahasi ka sinyana, a kombela kufa, aku: Zi ringene! Jehova, teka muhefemulo wa mina, hakuva a nzi va hunzi kululama a vadadani va mina! Jona 4:3

Tisimu 73:25

Himani nzi nga naye le tilweni ahandle ka wena ke? Loku nzi hi na wena a nzi naveli nchumu misaveni.

Eksodusi 17:4

Zonake Mosi i lo rila ka Jehova, aku: Nzi ta maha yini hi vanhu lava ke? Va lava ku nzi gandla hi maribye!

Jeremia 12:1

A lulamileko hi wena, O Jehova, loku nzi kanetana na wena; Hambu zi hi tano nzi ta bhula na wena hi malamulela ya wena. Hikuyini a ndlela ya vakubiha yi vuvuma ke? Va kateka hikuyini vontlhe lava va nga tsumbekangiko? Joba 21:7; Tis. 73:3; Mat. 3:15

Jeremia 20:7

O Jehova, u nzi vumelisile, nzi vumele a ku kholwiswa; Wena u ni ntamu a ku nzi hunza, u nzi hlulile. Nzi mahile xihlekiso gontlhe siku, Vontlhe va nzi tseketsela.

Jeremia 4:10

Zonake nzi lo wula mina, nziku: Ha, Hosi Jehova, hakunene u khohlisile nguvu a vanhu lava ni Jerusalema, uku: Nwina mu tava ni kurula. Kasike a supado ya va tlhava, va kusuhi ni kufa. 2 Tih. 22:18; Jer. 14:13

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Mitsengo 11:11

Zonake Mosi aku ka Jehova; U karatela yini a nanza ga wena; hikuyini u nga nzi zweliko wusiwana, lezi u nzi binzisako hi nzhwalo wa vontlhe vanhu lava ke?

Joxua 7:7

Na Joxua i te ngalo: Hiyehiye! Hosi Nungungulu, nweno u tlhatukisile lava vanhu Congweni wa Jordani, ku ta hi nyikela mandleni ya maAmori, va hi lovisa? Zi wa nga hi chukwana loku hi wa tshamile le tlhatuko wa Jordani!

1 Samueli 30:6

Davida i wa hi hlomulweni wa hombe nguvu, hakuva vanyingi va wa alakanya ku mu gandla hi maribye, hakuva a timbilu ta vanhu vontlhe ti wa hi hlomulweni, hilezi loyi ni loyi i wa karatekela a vafana vakwe ni vanhanyana vakwe. Kanilezi Davida i lo ti tiyiseta hi Jehova a Nungungulu wakwe.