Eksodusi 5:2 - Tshwa Bible

² Zonake Faro aku ka vona: Himani Jehova, wo kala nzi ingisa a gezu gakwe, nzi tsika va ka Israeli va famba ke? Jehova a nzi mu tivi, va ka Israeli cima nzi nga ta va tsika va famba.

Eksodusi 5:2 Mawu Ofanana

2 Tihosi 18:35

Hi vahi vanungungulu xikari ka vanungungulu vontlhe va matiko, lava va tlhatlhisileko a matiko ya vona mandleni ya mina, ko kala Jehova a tlhatlhisa Jerusalema mandleni ya mina ke?

2 Kronekele 32:14

Hi wihi nungungulu xikari ka vanungungulu vontlhe va matiko lawa a vadadani va mina va ma lovisileko, a zi kotileko ku ponisa a vanhu vakwe mandleni ya mina ke? kasi nwina mu tsumba lezaku Nungungulu wa nwina i ta zi kota ku mu ponisa mandleni ya mina!

2 Kronekele 32:15

Hikwalahongha Hezekia a nga mu khohlisi, a mu kucetela hi ndlela leyo; mu nga mu vumeli, hakuva a ku na nungungulu wa tiko ni ginwe, hambu mufumo, loyi a zi kotako ku ponisa a vanhu vakwe mandleni ya mina, ni mandleni ya vadadani va mina. Loyi wa nwina, yena i ta zi kotisa kuyini ku mu ponisa mandleni ya mina ke?

2 Kronekele 32:19

Va lo wulawula hi Nungungulu wa le Jerusalema, va mu fananisa ni vanungungulu va matiko ya laha misaveni, lava va mahilweko hi mandla ya vanhu.

Nehemia 9:10

U kombisa miwoniso ni zihlamaliso ka Faro, ni ka malanza yakwe wontihe, ni ka vanhu vontlhe va tiko gakwe, hakuva wena wa zi tiva lezaku va va khomile hi lunya; wena u ti mahele vito, khwatsi hi nyamutlha lezi Ekso. 7-12

Joba 15:25

Hakuva i nawulutile a canja gakwe a vukela Nungungulu, A tserama a vukela Nyamintamu.

Joba 15:26

I lo tsutsuma kulwa naye, a tiyisa nhamu, A ti fihla lahasi ka madunzu ya hombe ya zitlhangu zakwe;

Joba 21:15

Xini Nyamintamu, wo kala hi mu khozela ke? Hi ta bhinzula yini hi ku mu khongela ke? Ekso. 5:2; Mal. 3:14

Tisimu 10:4

Hi matshanza yakwe a wakubiha aku: A nga zi khataleli. Na alakanya ku ngalo: A ku kona Nungungulu.

Tisimu 12:4

Lava va nge: Hi tirimi ta hina hi na ni ntamu; A milomu nja hina, himani a hi fumako? Ekso. 5:2

Tisimu 12:5

Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

Tisimu 14:1

A phuphulu gi wula mbilwini ya gona, giku: A ku kona Nungungulu. Vona va bolile, va maha mitiro yo nyenyeza; A ku kona loyi a mahako kusaseka. Rom. 3:10-12; Gen. 6:5, 11, 12; Tis. 74:18, 22

Eksodusi 3:19

Kanilezi nza zi tiva lezaku a hosi ya Gipite yi nga ta mu vumela ku famba, hambu loku mu kurumeta hi ntamu.

Eksodusi 7:17

Jehova i ngalo: U ta zi tiva makunu lezaku hi mina Jehova: Nzi taba a mati ya congo hi nhonga ya mina, ma ta hunzuka ma maha nkhata.

Mavingu 30:9

Nzi nga taku laha na nzi xure nzi ku kaneta, ziku: Himani Jehova? ambu kutani loku nzi hi xisiwana, nzi yiva, zi hlakana hi vito ga Nungungulu wa mina.

Jeremia 42:13

Kanilezi loku muku: Hi nga ta tshama tikweni legi, mu nga ingisi a gezu ga Jehova a Nungungulu wa nwina,

Jeremia 48:26

Mu popiseni, hakuva i ti kulisile mahlweni ka Jehova. Moabi i ta puluwunza mahlateni yakwe, A maha xihlekiso na yenawu.

Danieli 3:15

Makunu loku mu longile aku ni xihi xikhati mu zwako a kuvuma ka paratana, ni ka mpunzu, ni ka xitende, ni ka khombela, ni ka ngoma, ni ka mihambi, ni ka tontlhe tixaka ta wucenje, muwa hasi mu khizamela a xifananiso lexi nzi nga xi maha, zi sasekile. Kanilezi loku mu nga xi khizamela mu ta hoxiwa zalezo xikari ka nzhimbo wa pingo ga nzilo. Hi wihi nungungulu a to zi kota ku mu tlhatlhisa mandleni ya mina ke?

Johani 16:3

Va ta maha lezi, hakuva a va tivangi Dadani na mina. 1 Kor. 2:8; 1 Tim. 1:13

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Valamuli 2:10

A vanhu vontlhe va xizukulwana lexo va lo amukelwa ka vararu vabye. Ku lo lanzela xinwani xizukulwana anzhako ka lexo, leʼxi nga mu tiviko Jehova, hambu hi mitiro leyi a yi mahileko ka Israeli. Deut. 31:16

1 Samueli 2:12

A vana va Eli va wa hi vavanuna vo biha. Va wa nga mu tivi Jehova.

1 Samueli 25:10

Nabali i lo hlamula malanza ya Davida, aku: Xana himani Davida? Himani nʼwana Jese? Masiku lawa ma tele malanza ma pfowolako ka venyi va wona!