Eksodusi 4:24 - Tshwa Bible

²⁴ Zonake laha ndleleni, na va hi lomu ndlwini ya vaenzi, Jehova i lo tlhangana ha Mosi; i wa lava ku mu daya.

Eksodusi 4:24 Mawu Ofanana

Genesisi 17:14

A wanuna loye a nga khuna, a nga hiko kwera hi dewu ga nyama ya magumo kakwe, loye munhu i ta suswa xikari ka va ka kabye, hakuva i tshovile a xivumelwano xa mina.

Genesisi 42:27

Laha va nga chikela wutshanwini ga ku etlela, a munwe wabye i lo tlhatlha a sakwa yakwe kasi ku nusela mbongola yakwe, i lo wona mali yakwe na yi hi kona nonwini wa sakwa yakwe.

1 Tihosi 13:24

Laha a nga wa sukile a famba, i lo tlhangana ni nghala lomu ndleleni yi mu daya; a xirumbi xakwe xi su chanjala laha ndleleni, a mbongola yi su yima laha kusuhani ni xirumbi; na yonawu nghala yi su pswhe kwalaha kusuhani ni xirumbi.

1 Kronekele 21:16

Laha Davida a nga tlakusa a mahlo yakwe i lo wona a ngelosi ya Jehova na yi yima laha xikari ka tilo ni misava, na yi welele supado canjeni ga yona yi tlakusela Jerusalema. Zonake Davida ni masingalakati va lowa lahasi hi tinghohe tabye na va ambele a tinguwo ta tisakwa.

Eksodusi 3:18

Vona va ta ingisa a gezu ga wena: zonake u ta famba ni masingalakati ya ka Israeli ka hosi ya vaGipite, mu yaku ngalo ka yena: Jehova. Nungungulu wa maHeberu i wonekile ka hina; hikwalaho hi vumele hi teka a pfhumba ga masiku manharu hiya xiwuleni hi ya khozela Jehova, Nungungulu wa hina, hi miphahlelo.

Hosea 13:8

Nzi ta wela hehla kabye khwatsi nzi urso gi tekelweko a vana va gona, nzi hanzula a pambani wa timbilu tabye; nzi va khadamula laho kukotisa nghala; a zivanza zi ta va hanzula. 2 Sam. 17:8; Jer. 5:6

Levi 10:3

Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!