Eksodusi 4:11 - Tshwa Bible

¹¹ Jehova aku kakwe: Kasi himani loyi a mahileko a nomu wa munhu ke? Himani a mahako munhu mbeveve, kutani xiwiri, kutani loyi a wonako, kutani xikhumu ke? Kasi a hi mina Jehova ke?

Eksodusi 4:11 Mawu Ofanana

Genesisi 11:7

A hi releleni hi ya hakasa a lirimi labye, kasi va nga zwanani kuwulawuleni.

Genesisi 18:14

Kasi xi kona xilo xi tsanzako Jehova ke? Hi xikhati xi yimisilweko nzi ta Wuya kambe ka wena ha nwakani, Sara i tava ni nwanana. Lu. 1:37

Tisimu 146:8

Jehova wa vulula mahlo ya zikhumu, Jehova wa ololoxa lava va koramileko, Jehova wa ranza lava va lulamileko. Isa. 35:5; Mat. 11:5

Tisimu 51:15

Hosi, vulula milomu ya mina, Zonake a nomu wa mina wu ta tshawutela a kudumisa ka wena.

Tisimu 94:9

Loyi a nga milisa a ndleve a nga tazwa ke? Loyi a nga maha tihlo a nga ta wona ke? Ekso. 4:11; Mav. 20:12

Mavingu 20:12

A ndleve yi zwako ni tihlo gi wonako, ontlhe zi mahilwe hi Jehova.

Isaya 42:7

Lezaku u vulula a mahlo ya zikhumu, U tlhatlhisa tiperesu lomu paxweni. Ni ku humesa wukhumbini lava va tshamileko munyameni,

Isaya 6:7

Gi lo khumba a nomu wa mina ha gona, giku: Languta, a khala legi gi khumbile milomu ya wena, a zigoho za wena zi susilwe, ni kuonha ka wena ku tsetselelwe.

Jeremia 1:6

Nzi lo hlamula, nziku: Oho, Hosi Jehova! Cuwuka, a nzi zi tivi ku wulawula, hakuva nza hi nwanana. Ekso. 4:10; 6:12

Jeremia 1:9

Zonake Jehova i lo nawuluta a canja gakwe, a khumba a nomu wa mina; na Jehova aku ka mina: Languta, nzi vekile a timhaka ta mina a nonwini wa wena.

Ezekieli 33:22

Makunu a canja ga Jehova gi wa hi hehla ka mina ni gambo, hi mahlweni loyi wo pona na a nga se chikela; kanilezi ni mixo na a nga se ku chikela i lo vulula a nomu wa mina, nzi wa nga ha hi mbeveve kambe.

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Mateu 11:5

a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. Isa. 35:6; 61:1; Lu. 4:18; Jak. 2:5

Luka 1:20

Languta, u tava mbeveve u nga zi koti ku wulawula, ku kala ku chikela a siku lego lezi zi ta nga maheka ha gona, hakuva a ku kholwangi hi timhaka ta mina, leti ti ta nga tatiseka xikhatini xa tona.

Luka 1:64

Zalezo wu lo vululeka a nomu wakwe, ni lirimi lakwe li tlhatlheka; i lo wulawula a bonga Nungungulu. vesi 20

Johani 10:21

A vanwani vaku: A magezu laya a hi ya munhu wo ngha a hi ni dimoni. Kunene a dimoni ga zi kota ku hanyisa mahlo ya zikhumu ke? Ekso. 4:11; Tis. 94:9; Xip. 9:6, 7