Eksodusi 4:1 - Tshwa Bible

¹ Kanilezi Mosi i lo hlamula, aku: Kanilezi vona va nga ta vumela, ne cima va nga ta ingisa gezu ga mina, hakuva vona va taku: Cima Jehova a nga wonekangi ka wena.

Eksodusi 4:1 Mawu Ofanana

1 Tihosi 13:3

Zonake i lo maha xiwoniso gwalego siku, aku: Lexi hi xiwoniso lexi Jehova a wulileko, aku: Languta, a alati gi ta panzeka, ni khuma gi nga hehla ka gona gi ta hangalaka lahasi.

Eksodusi 2:14

Yena aku: Himani, a ku vekileko akuva hosi ni mulamuli xikari ka hina? U lava ku nzi daya kota lezi u nga daya a muGipite ke? Mosi i lo chava, aku: Hizinene, a mhaka leyi yi tibyilwe!

Eksodusi 3:15

Nungungulu a engeta aku ka Mosi: U ta va byela uku: Jehova, Nungungulu wa vararu va nwina, Nungungulu wa Abrahama, Nungungulu wa Isaka, Nungungulu wa Jakobe, i nzi rumele ka nwina. Hi vito ga mina ga kala kupinzuka; i vito ga xialakanyiso xa mina zizukulwaneni zontlhe.

Eksodusi 3:16

Famba u ya tsombanyisa a masingalakati ya ka Israeli, uku ka wona: Jehova, Nungungulu wa vararu va nwina, Nungungulu wa Abrahama, ni Nungungulu wa Isaka, ni Nungungulu wa Jakobe, i wonekile ka mina, aku: Hakunene nzi mu enzele, nzi wonile lezi a vaGipite va zi mahako ka nwina.

Eksodusi 3:18

Vona va ta ingisa a gezu ga wena: zonake u ta famba ni masingalakati ya ka Israeli ka hosi ya vaGipite, mu yaku ngalo ka yena: Jehova. Nungungulu wa maHeberu i wonekile ka hina; hikwalaho hi vumele hi teka a pfhumba ga masiku manharu hiya xiwuleni hi ya khozela Jehova, Nungungulu wa hina, hi miphahlelo.

Eksodusi 4:10

Zonake Mosi aku ka Jehova: Ehe! Wena Hosi, a nzi munhu wo zi kota ku wulawula khwatsi, hambu tolo, ne tolweni, hambu kusukela lezi u sanguleko ku wulawula ni nanza ga wena, cima a nzi zi koti ku wulawula khwatsi, hakuva nzi munhu wa manghakamela ni xirimiti.

Eksodusi 4:30

Aroni i lo hlawutela a timhaka tontlhe leti Jehova a byelileko Mosi, i to maha ni ziwoniso mahlweni ka vanhu.

Eksodusi 4:31

A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.

Eksodusi 6:12

Mosi i lo wulawula mahlweni ka Jehova aku: Languta, a vanana va ka Israeli a va rizi ingisangi; Faro i ta nzi ingisa hikuyini, lezi nzi nga ni Xirimiti ke?

Eksodusi 6:30

Kanilezi Mosi aku ka Jehova: Nzi munhu wa xirimiti; Faro i ta nzi ingisisa kuyini?

Jeremia 1:6

Nzi lo hlamula, nziku: Oho, Hosi Jehova! Cuwuka, a nzi zi tivi ku wulawula, hakuva nza hi nwanana. Ekso. 4:10; 6:12

Ezekieli 3:14

Zonake a moya wu to nzi tlakula, wu nzi susa. Nzi lo famba hi kukarateka na nzi hiseka moyeni wa mina, ni canja ga Jehova gi wa tira hi ntamu hehla ka mina.

Mitiro 7:25

I lo alakanya lezaku a vamakabye vakwe va ta pima ha zona, lezaku Nungungulu i ta va tlhatlhisa hi canja gakwe, kanilezi a va zi pimangi.

Valamuli 6:17

Gideoni aku kakwe: Loku mina hakunene nzi kumile thomo mahlweni ka wena, hi nga nzi wonisa xikombiso xi kombisako lezaku hi wena u wulawulako na mina.