Eksodusi 39:8 - Tshwa Bible

⁸ Va lo maha a ngenge hi wutlhari, khwatsi hilezi yi nga mahiswa zona a efode; va lo maha hi nzalama, ni za wukuxe, ni zo zirila, ni zo pswhuka, ni wukene go saseka gi khatilweko.

Eksodusi 39:8 Mawu Ofanana

Tisimu 89:28

Nzi ta mu hlayisela a wuxinji ga mina kala kupinzuka, A xivumelwano xa mina na yena xi ta tiya.

Eksodusi 25:7

ni maribye ya onikisi, ni maribye ma ta nga rungelwa lomu ka nguwo ya efode, ni ya nguwo ya laha xifuveni.

Eksodusi 26:1

U ta maha a tabernakeli hi khume ga michachalato ya wukene go saseka, gi khatilweko, ni ya wukuxe, ni yo zirila, ni ya xiwunguwungu; u ta yi maha na yi hi ni zifananiso za makerubima hi ntiro wa wutlhari.

Eksodusi 28:4

A tinguwo leti va ta nga ti maha hi leti: a ngenge ya laha xifuveni, ni efode, ni bhaji go leha, ni hembe, ni xihuku, ni bhandi. Va ta mahela nakuloni Aroni ni vana vakwe a tinguwo leti ti basileko, kasi va fela ku tira a ntiro wa wupristi mahlweni ka mina.

Eksodusi 39:9

Yi wa hi ni mune wa matlhelo ma ringanako, va yi maha yi petsiwa; a kuleha ka yona ku wa ringana ni kuleha ka canja ginwe, ni kuanama ka yona ku wa hi canja ginwe loku yi petsilwe.

Isaya 59:17

I lo ambala kululama ku khwatsi xikatawu xa xiketse, Ni ndlondla ya kuhanyiswa hlokweni yakwe; A ambala tinguwo ta ku ti photela, A fenengela kupangama khwatsi i jasi. Efe. 6:14, 17; 1 Tes. 5:8

Va le Efesusi 6:14

Hikwalaho yimani, na mu bohile ziwunu za nwina hi bhandi ga zinene, na mu ambele a xikatawu xa xiketse xa kululama, Isa. 59:17