Eksodusi 39:37 - Tshwa Bible

³⁷ ni meza ya nzalama ya tikandiya, ni tikandiya ta kona, ni zontlhe zibya za kona, ni mafura ya tikandiya;

Eksodusi 39:37 Mawu Ofanana

Eksodusi 25:31

U ta maha a meza ya tikandiya hi nzalama yi hlutilweko; u ta yi maha hi nzalama yi tlombilweko, ni nenge wa yona, ni popi wa yona. A tikopo ta kona, ni matluka ni zitsangi zi ta patswa khatiginwe zi mehelwa laha ka yona.

Eksodusi 27:20

Zonake u ta leletela a vanana va ka Israeli lezaku va ku nyika a mafura yo saseka ya mihanzu ya maoliva ma tava ya kuwoninga, ma ta cheliwa tikandiyeni kasi ti nga timeki.

Eksodusi 27:21

Aroni ni vanana vakwe va ta hlayisa a tabernakeli, hi le handle ka nguwo ya xisirelo, leyi yi nga le mahlweni ka Wumboni, kasi a tikandiya ti ta woninga mahlweni ka Jehova, kusukela gambyeni kala mixweni. Ku tava xilayelo xa kala kupinzuka ka zizukulwana za vanana va ka Israeli.

Eksodusi 39:36

ni meza ni zontlhe zibya za yona, ni zibaba za xikombiso;

Eksodusi 39:38

ni alati ga nzalama, ni mafura ya kutota, ni libani lo nuhela, ni xisirelo xa nyangwa ya Tenda;

Mitsengo 8:2

Byela Aroni uku ngalo: Loku u yimisa a tikandiya, a ntlhanu wa tona ni timbiri ti ta woningela mahlweni ka meza ya tikandiya. Ekso. 25:37

Mitsengo 8:3

Zonake Aroni i lo maha lezo, i lo yimisa tikandiya kasi ti woningela a wutshamu ga le mahlweni ka meza ya tikandiya, kota lezi Jehova a leleteleko Mosi.

Va le Filipi 2:15

kasi ma fela ku kala mu nga hi na kusoleka, mu basa, mu hi vanana va Nungungulu, lava va nga hiko na bala xikari ka xizukulwana xi gombonyekileko ni xi bihileko, lexi mu woningako xikari ka xona khwatsi hi kuwonekela laha misaveni,