Eksodusi 35:2 - Tshwa Bible

² ku ta tiriwa ntlhanu wa masiku ni ginwe, kanilezi a siku ga wuntlhanu ni mambiri gi tava ga kubasa; i sabado legi gi basiselweko Jehova. Kani hi wihi a tirako hi siku lego, i ta dawa.

Eksodusi 35:2 Mawu Ofanana

Eksodusi 16:23

Yena aku ka vona: Lezi hi lezi zi leletelweko hi Jehova; manziko i siku go humula, hi sabado go basa ga Jehova; bhikani lezi mu lavako ku bhika nyamutlha, mu katinga lezi mu lavako ku katinga nyamutlha; zonake zontlhe lezi zi salako, zi hlayiseni kala manziko.

Eksodusi 23:12

U ta tira mitiro ya wena hi ntlhanu wa masiku ni ginwe, kanilezi u ta humula hi siku ga wuntlhanu ni mambiri; ku ta humula ni homu ya wena, ni mbongola ya wena; ni nʼwana wa khumbi ya wena ni muluveli wa wena, vonawu va ta humula.

Eksodusi 34:21

U ta tira ntlhanu wa masiku ni ginwe, zonake u humula hi siku ga wuntlhanu ni mambiri; u ta humula hambu loku ku hi xikhati xa xirimo ni loku ku hi xikhati xa kutshovela. Lu. 13:14

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Levi 23:3

Ku ta tiriwa ntlhanu wa masiku ni ginwe; kanilezi hi siku ga wuntlhanu ni mambiri i sabado go humula, ga mutlhangano wu basileko; mu nga tiri ntiro ha gona. I sabado ga kubasa ga Jehova lomu mitini ya nwina yontlhe. Deut. 5:12; Lu. 13:14

Johani 5:16

Hi kota ya lezi a vaJuda va lo sangula ku xanisa Jesu, hilezi a nga tira lezi zilo hi sabado.