Eksodusi 34:7 - Tshwa Bible

⁷ loyi a nga ni wuxinji ka khume ga mazana, loyi a tsetselelako munhu wa kubiha, ni wa kuhambuka ni kuonha; kanilezi lava va nga ti soliko hi milanzu leyi va nga nayo a nga va rivaleli; kanilezi i tsayisa a vanana ni vazukulu kala ku chikela ka xizukulwana xa wunharu ni xa wumune, hi kota ya kuonha ka vapswali vabye. Joba 9:2; Jer. 32:18; Nah. 1:3

Eksodusi 34:7 Mawu Ofanana

Genesisi 19:16

Kanilezi na a ha rivateka, a madota ma lo mu khoma hi canja, ni canja ga sati, ni canja ga vanhwana vakwe va vambiri, hakuva Jehova i wa hi ni tipswalo ka yena, i lo mu humesa a mu yisa lahandle ka muti.

1 Tihosi 8:30

Ingisa kukhongela ka nanza ga wena, ni ka vanhu va wena va ka Israeli, loku va ta khongela ka legi wutshamu. Ingisa na u hi kwaleyo tilweni wutshanwini ga wena, ni laha u zwako, tsetselela!

1 Tihosi 8:32

zi ingise wena na u hi kwaseyo tilweni; u tsema timhaka ta malanza ya wena; u kombisa wa kubiha hi ku tlhelisela hlokweni yakwe a kubiha kakwe; ni ku kombisa kululama ka loyi a mahileko kululama.

2 Kronekele 30:9

Hakuva loku nwina mu tlhelela ka Jehova, a vanakuloni ni vana va nwina va tava ni thomo mahlweni ka lava va va khomileko va yiswa wukhumbini, va ta wuyiswa lomu tikweni legi, hakuva Jehova Nungungulu wa nwina i tele hi tipswalo ni wuxinji; cima a nga ta mu fularela loku mu tlhelela ka yena.

Nehemia 1:5

nziku: Nza ku khongotela Jehova, wena Nungungulu wa tilo, Nungungulu wa hombe a chavekako, loyi a hlayisako a xivumelwano, a mahela wuxinji lava va mu ranzako va hlayisako zileletelo zakwe, Ekso. 20:6; Mitse. 14:18; Dan. 9:4

Nehemia 9:32

Hikwalaho wena Nungungulu wa hina, u nga Nungungulu wa hombe, wa ntamu, wo tshisa, loyi a hlayisako xivumelwano ni wuxinji, ngha hlomulo lowu wu ngavi wutsongwani mahlweni ka wena, lowu wu weleko hehla ka hina, ni tihosi ta hina, ni tihosana ta hina, ni vapristi va hina, ni vaprofeti va hina, ni vararu va hina, ni hehla ka vanhu va wena vontlhe kusukela xikhatini xa tihosi ta le Assiria kala lezi.

Joba 10:14

Lezaku loku nzi onha, wena u ta nzi xiyelela, Na u nga nzi tlhatlhi kugoheni ka mina.

Tisimu 103:3

Loyi a ku tsetselelako a zigoho za wena zontlhe, Loyi a chumako tinghumbe ta wena tontlhe;

Tisimu 109:14

A kuonha ka vadadani vakwe a ku alakanyiwa mahlweni ka Jehova, A xionho xa nyine wakwe ngha xi nga vinyiwi.

Tisimu 130:4

Kanilezi a kutsetselelwa ku le ka wena, Lezaku wena u chabyiwa. Dan. 9:9

Tisimu 136:10

Loyi a nga daya matewula ya va Gipite, Hakuva a wuxinji gakwe ga kala kupinzuka. Ekso. 12:29

Tisimu 136:15

Kanilezi a hangalasa Faro ni yimpi yakwe lomu Bimbini go Pswhuka, Hakuva a wuxinji gakwe ga kala kupinzuka.

Tisimu 25:11

Jehova, hi kota ya vito ga wena Tsetselela kugoha ka mina, hakuva ka hombe.

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 99:8

U va hlamule, Jehova, Nungungulu wa hina, A ka vona u wa hi Nungungulu loyi a tsetselelako; Hambu zi hi tano, u lo tsayisa zimaho zabye.

Eksodusi 23:21

Chela kota ha yona, u ingisa a gezu ga yona, u nga yi kaneti, hakuva yi nga ta timisela hi kubiha ka nwina, hakuva yona yi na ni vito ga mina.

Eksodusi 23:7

Chava mawunwa. U nga dayi loyi a nga hiko na nanzu ni loyi a lulamileko, hakuva nzi nga ta yimela a munhu wo biha, nzi mu hlaya loyi a lulamileko.

Eksodusi 33:19

Jehova aku: Nzi ta hunzisa a wunene gontlhe ga mina mahlweni ka wena; na nzi kari nzi huwelela a vito ga Jehova mahlweni ka wena. Nzi ta mu mahela tipswalo loye nzi ta nga mu mahela tipswalo, nzi ta mu mahela wuxinji loye nzi ta nga mu mahela wuxinji. Rom. 9:15

Eksodusi 34:9

Hosi, loku mina nzi kumile thomo mahlweni ka wena, ngha a Hosi yi famba na hina; hakuva hakunene mbanhu va tinhamu to nonoha, kanilezi hi tsetselele kuonha ka hina ni zihambuko za hina; zonake u ta hi fuya hiva tshomba ya wena.

Isaya 45:21

Tshawutelani mhaka, mu yi humesa, A va xuxe khatiginwe. Himani a nga vumba lezi zilo hi kaleloko, A zi byeletela hi mahlweni? A hi mina Jehova ke? A ku na munwani Nungungulu ahandle ka mina, Hi mina nzoce Nungungulu a lulamileko, tlhelo Muhanyisi.

Jeremia 30:11

Hakuva nzi zinwe na wena, Kasi ku ku hanyisa, ku wula Jehova. Hakuva nzi ta mbhetisa wontihe a matiko Lawo nzi ku hangalasileko ka wona; Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 32:18

wena loyi u maheleko wuxinji ka makume mazana, u tlhelisa a kubiha ka vadadani zifuveni za vana vabye anzhako kabye; u wa hombe, Nungungulu nyamintamu, Jehova wa tiyimpi hi vito ga wena. Ekso. 20:5; 34:7; Deut. 5:9

Jeremia 9:24

Kanilezi ngha loyi a ti dzunzako a ti dzunzela mhakeni leyi, Lezaku a hi ni kuzwisisa a nzi tiva, Lezaku hi mina Jehova nzi mahako wuxinji, ni kulamula ni nongameto laha misaveni; Hakuva nza xalaliswa hi zakunghahi, ku wula Jehova. 1 Kor. 1:31; 2 Kor. 10:17

Danieli 9:4

Nzi lo kombela Jehova a Nungungulu wa mina, nzi wulela nziku: Hosi, Nungungulu wa hombe ni wo chavisa, loyi a hlayisako a xivumelwano ni tipswalo ka lava va mu ranzako, va hlayisako zileletelo zakwe; Deut. 7:8; Neh. 1:5

Danieli 9:9

A Hosi Nungungulu wa hina i na ni wuxinji ni kutsetselela hambu lezi hi nga ti alisile.

Mika 6:11

Nzi ngava loyi a lulamileko loku nzi vumela a xikalo xo kanganyisa, ni kwama wu nga ni ziringaniso zi khohlisako ke?

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Mateu 12:31

Hikwalaho nziku ka nwina: A vanhu va ta tsetselelwa zontlhe zionho ni tinzhukano, kanilezi a kurukatela Moya wa ku Basa cima ku nga ta tsetselelwa. Mar. 3:28; Lu. 12:10; Miti. 7:51

Mateu 6:12

Hi tsetselele milanzu ya hina, khwatsi hilezi hi va tsetselelako lava va nga ni milanzu ka hina. Xip. 18:21

Luka 7:42

Laha va nga vumala a za ku riha ha zona, yena i lo va tsetselela hi wumbiri gabye. Makunu hi wihi wa vona a ta nga mu ranza nguvu.

Luka 7:48

Aku ngalo ka wasati: A zionho za wena zi tsetselelwe. Mat. 9:2; Mar. 2:5

Mitiro 13:38

Hikwalaho, vamakabye, ngha zi tiveka ka nwina, lezaku ha yena ku biwa hungu ka nwina hi kutsetselelwa ka zionho.

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

Va le Efesusi 4:32

Ngha mu hi ni wunene ka munwe ni munwani, mu zwelana wusiwana, ni ku tsetselelana, kota lezi Nungungulu kambe a nga mu tsetselela ha Kristu.

Deuteronome 32:35

A kuphota ni kutlhelisela zi lumba mina, Zi vekelwe a siku lego a nkonzo wabye wu ta nga retemuka; Hakuva a siku ga kuxaniseka kabye gi tshinele, A zilo lezi va longiselweko zona zata hi xihatla.

Deuteronome 7:10

Kanilezi i tlhelisela lava va mu vengako hi ku va lovisa. A nga hlweli ku rihisa lava va mu vengako, i ta va tlhelisela.

Deuteronome 7:9

Zi tive lezaku Jehova Nungungulu wa wena hi yena Nungungulu; i Nungungulu a tsumbekako, loyi a hlayisako xivumelwano xakwe ni wuxinji, kala ka xizukulwana xa khume ga mazana xa lava va mu ranzako, ni ka lava va hlayisako milayo yakwe. Ekso. 20:6; 34:7

Maheberu 12:29

hakuva Nungungulu wa hina i nzilo lowu wu hisako. Isa. 66:15; Deut. 4:24; Tis. 50:3

Joxua 24:19

Na Joxua i te ngalo ka vanhu: Nwina a mu zi koti ku khozela Jehova, hakuva yena i Nungungulu wa kubasa, ni Nungungulu wo pinyama. Yena a nga ta timisela a zihambuko za nwina ni zionho za nwina. Ekso. 23:21

1 Johani 1:9

Loku hi vumela a zionho za hina, Nungungulu i tsumbekile ni kululama, lezaku a hi tsetselela a zionho za hina, ni ku hi hlaza kontlhe a kungalulami. Tis. 32:5; 51:2; Mat. 28:13

Kuvululelwa 20:15

Ni wihi loyi ku nga tsaliwangiko a vito gakwe lomu bhukwini ga wutomi, i lo hoxwa tiveni ga nzilo.

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5