Eksodusi 34:6 - Tshwa Bible

⁶ Zonake Jehova i lo hunza mahlweni kakwe, na aku: Jehova, Jehova, Nungungulu wa wuxinji ni tipswalo, loyi a nonokako ku zangara, loyi a teleko hi wuxinji ni kutsumbeka; Mitse. 14:18; Neh. 9:17; Joeli 2:13; Jona 4:2

Eksodusi 34:6 Mawu Ofanana

Genesisi 24:27

aku ngalo: A ku khesiwe Jehova, Nungungulu wa nwinyi wa mina Abrahama, loyi a nga tsikangiko a ku mahela nwinyi wa mina a wuxinji ni kutsumbeka. Jehova i nzi rangele lomu ndleleni a nzi yisa ndlwini ya maxaka ya nwinyi wa mina.

2 Samueli 24:14

Davida i te ngalo ka Gadi: Nzi lomu hlomulweni wa hombe nguvu. A hi weleni canjeni ga Jehova, hakuva a wuxinji gakwe ga hombe nguvu; ngha nzi nga weli mandleni ya vanhu!

1 Tihosi 19:11

Jehova i te ngalo kakwe: Huma u ya yima le xitsungeni mahlweni ka Jehova. Languta, Jehova i lo hunza hi laho; ni mheho ya hombe ya ntamu yi nga tsekatsekisa zitsunga yi fayetela maribye, yi lo ranga mahlweni ka Jehova. Kanilezi Jehova i wa nga hi kona lomu ka bhubhutsa lego. Ni nzhako ka bhubhutsa ku wa hi kona kutsekatseka ka misava, kanilezi Jehova i wa nga hi kona lomo ka kutsekatseka ka misava. Ekso. 34:6; Miti. 2:2

1 Tihosi 8:30

Ingisa kukhongela ka nanza ga wena, ni ka vanhu va wena va ka Israeli, loku va ta khongela ka legi wutshamu. Ingisa na u hi kwaleyo tilweni wutshanwini ga wena, ni laha u zwako, tsetselela!

2 Kronekele 30:9

Hakuva loku nwina mu tlhelela ka Jehova, a vanakuloni ni vana va nwina va tava ni thomo mahlweni ka lava va va khomileko va yiswa wukhumbini, va ta wuyiswa lomu tikweni legi, hakuva Jehova Nungungulu wa nwina i tele hi tipswalo ni wuxinji; cima a nga ta mu fularela loku mu tlhelela ka yena.

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Tisimu 108:4

Hakuva wuxinji ga wena gi tlakukile a hehla ka matilo, Ni kutsumbeka ka wena ku chikela marefini.

Tisimu 111:4

I mahile lezaku a mitiro yakwe yi fela ku alakanyiwa; Jehova ngwa tipswalo, i tele hi wuxinji.

Tisimu 111:8

Zi yimile kala kupinzuka, Zi mahilwe hi kutsumbeka ni kululama.

Tisimu 112:4

Lomu munyameni a wakululama i ta wona kuwonekela; Yena ngwa tipswalo, ni wuxinji, i lulamile.

Tisimu 116:5

Jehova ngwa tipswalo ni kululama, Nungungulu wa hina i na ni wuxinji.

Tisimu 138:2

Nzi ta ku khizamela tempeleni ya wena yo basa, Nzi dumisa a vito ga wena hi kota ya wuxinji ga wena ni zinene za wena, Hakuva u engetele a wudumo ga wena hi ku tatisa a zitsumhiso za wena. 2 Sam. 7:21

Tisimu 145:8

Jehova i na ni tipswalo, i tele hi wuxinji, Wa nonoka ku zangara, i na ni wunene ga hombe. Ekso. 34:6; Joeli 2:13; Jona 4:2

Tisimu 146:6

Loyi a nga maha tilo ni misava, Ni bimbi ni zontlhe zi nga ka zona; Loyi a tsumbekako kala kupinzuka. Miti. 14:15; Kuv. 14:7

Tisimu 31:19

Gi kulisile kuyini a wunene ga wena, Legi u gi vekelako lava va ku chavako, Legi u va mahelako gona lava va ku tsumbako, A mahlweni ka vana va vanhu.

Tisimu 57:10

Hakuva a wuxinji ga wena ga hombe, gi chikela matilweni; Ni kutsumbeka ka wena ku chikela marefini.

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Tisimu 91:4

I ta ku fenengeta hi tisiva takwe, U kuma wuponelo lahasi ka tipapa takwe; A kutsumbeka kakwe xitlhangu ni ngenge. Mat. 23:37

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Eksodusi 22:27

Hakuva a nga na kumba wunwani, hi xona a xifenengelo xa miri wakwe, makunu i ta fenengela yini? Hikwalaho loku a rila ka mina, mina nzi ta mu ingisa, hakuva nzi na ni tipswalo.

Eksodusi 33:19

Jehova aku: Nzi ta hunzisa a wunene gontlhe ga mina mahlweni ka wena; na nzi kari nzi huwelela a vito ga Jehova mahlweni ka wena. Nzi ta mu mahela tipswalo loye nzi ta nga mu mahela tipswalo, nzi ta mu mahela wuxinji loye nzi ta nga mu mahela wuxinji. Rom. 9:15

Mavingu 3:3

A wuxinji ni zinene ngha zi nga humi ka wena, i bohelele nhanwini ya wena; i tsale lomu mbilwini ya wena:

Mutshawuteli 8:11

Hakuva a kulamulwa ka wakubiha a ku hatlisi kuta, a timbilu ta vanhu ti navela ku maha zo biha.

Isaya 12:4

A ka siku lego mu taku: Khesani Jehova, mu khongela vito gakwe; Tlhatihambutelani a zimaho zakwe matikweni, Va tiviseni lezaku vito gakwe gi kulisilwe.

Isaya 65:16

Kasi ni wihi loyi a ti katekisako laha misaveni I ta ti katekisa hi Nungungulu wa zinene; Ni wihi lomu tikweni a ta nga hlambanya, I ta hlambanya hi Nungungulu wa zinene. Hakuva a makhombo ya kale ma rivelwe, Ma fihlilwe mahlweni ka mina.

Jeremia 32:18

wena loyi u maheleko wuxinji ka makume mazana, u tlhelisa a kubiha ka vadadani zifuveni za vana vabye anzhako kabye; u wa hombe, Nungungulu nyamintamu, Jehova wa tiyimpi hi vito ga wena. Ekso. 20:5; 34:7; Deut. 5:9

Jeremia 9:24

Kanilezi ngha loyi a ti dzunzako a ti dzunzela mhakeni leyi, Lezaku a hi ni kuzwisisa a nzi tiva, Lezaku hi mina Jehova nzi mahako wuxinji, ni kulamula ni nongameto laha misaveni; Hakuva nza xalaliswa hi zakunghahi, ku wula Jehova. 1 Kor. 1:31; 2 Kor. 10:17

Mikosi 3:23

Gi tlhela gi hi giswa mixo ni mixo, A kutsumbeka ka wena ka hombe.

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Mika 7:20

U ta tsumbeka ka Jakobe, Abrahama u mu mahela Wuxinji legi u nga gi hlambanyela a vadadani va hina kaleloko.

Nahume 1:3

Jehova wa nonoka ku zangara, ngwa hombe ntanwini wakwe, a nga ta tsiketa nanzu. A ndlela ya Jehova yi lomu ka xipupuri ni ka bhubhutsa, a marefu i tsutsungwani wa mikonzo yakwe. Ekso. 34:6; Mitse. 14:18; Neh. 9:17

Mitsengo 12:8

yena nzo wulawula naye hi nomu, nzi ti kombisa ka yena futsi, na ku nga hi mifihlakalo, kanilezi yena o si wona xiwumbeko xa zinene xa Jehova. Hikuyini mu nga kala ku chava ku hleva a nanza ga mina, Mosi ke? Ekso. 33:11

Johani 1:17

Hakuva a nayo wu lo nyikiwa hi Mosi; kanilezi a wuxinji ni zinene zi humele hi Jesu Kristu. Ekso. 20:1; Xip. 14:6; Rom. 5:21

Va le Roma 2:4

Kutani u kanyisa a kutala ka wunene gakwe ni kuhunisela ni kutimisela kakwe ke? A ku zi tivi lezaku a wunene ga Nungungulu gi lava ku ku kokela kuhunzulukeni ke? Ekso. 34:6; Efe. 1:7; 2 Ped. 3:9

Deuteronome 32:3

Hakuva nzi taba hungu hi vito ga Jehova; Dumisani Nungungulu wa hina! Tis. 34:3

Deuteronome 4:31

Hakuva Jehova Nungungulu wa wena i Nungungulu wa tipswalo; cima a nga ta ku tsika, hambu ku ku lovisa, ni kambe a nga ta rivala a xivumelwano xa vararu va wena lexi a hlambanyileko ka vona.

Deuteronome 5:10

Kanilezi nza va mahela wuxinji kala ka xizukulwana xa khume ga mazana xa lava va nzi ranzako, va hlayisako milayo ya mina.

Jakobe 5:11

Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. Mitse. 14:8; Joba 1:21; Tis. 103:8