Eksodusi 34:26 - Tshwa Bible

²⁶ A mihanzu yo ranga ya masimu ya wena, u ta yi neha lomu ndlwini ya Jehova, Nungungulu wa wena. U nga dzuki u bhika a ximhutana hi mafi ya nyine wa xona.

Eksodusi 34:26 Mawu Ofanana

Nehemia 10:35

Ni ku neha ndlwini ya Jehova lembe ni lembe a mavele yo ranga ya misava ya hina, ni mihanzu yo ranga ya mimbhanzo ya tixaka tontlhe;

Eksodusi 23:19

A mihanzu yo sangula ya tiko ga wena, u ta yi neha ndlwini ya Jehova, Nungungulu wa wena.

Levi 23:10

Byela a vanana va ka Israeli, uku ka vona; Loku mu chikela ka tiko legi nzi mu nyikileko, mu taku loku mu tshovela, mu teka a nyanza yo ranga mu heleketa ka mupristi.

Levi 23:14

Mu ngagi a zibaba, hambu mavele laya ma wocilweko, kutani mavele laya ma kalako ma nga se buva, kala ku chikela a siku lego mu ta nga heleketa ha gona a munyikelo wa Nungungulu wa nwina; lexi xi tava xileletelo xa kala kupinzuka zizukulwaneni za nwina ka wontihe matiko laya mu ta nga aka ka wona.

Mitsengo 15:20

Mu ta pambula a xibaba xa xihulo xa nzhimbo wa nwina, a kuva muphahlelo wa kunziwitela; mu ta wu nyikela kota muphahlelo lowu wu nziwitelwako wa xihulo. Ekso. 23:19; Levi 23:10

Mitsengo 18:13

Yontlhe mihanzu yo ranga yi nga lomu tikweni gabye leyi va ta nga neha ka Jehova, yi tava ya wena. Vontlhe lava va hlazekileko lomu ndlwini ya wena Va taga.

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

1 Va le Korinte 15:20

Kanilezi futsi Kristu i vukile hi ka vafileko, hi yena matewula ya vona lava va etleleko. Miti. 26:23; 1 Ped. 1:3

Deuteronome 14:21

Nwina mu nga taga xa kufa ha xoce. Wena u nga xi nyika muluveli loyi a akileko laha mutini wa wena, aga; kutani ku xi xavisa ka wamatiko; hakuva nwina mu vanhu va basileko va Jehova Nungungulu wa nwina. U nga bhiki ximhutana mafini ya nyine wa xona.

Deuteronome 26:10

Makunu nza neha a mihanzu yo ranga ya tiko legi u nzi nyikileko. O Jehova! Zonake u ta yi veka mahlweni ka Jehova Nungungulu wa wena, u khizama mahlweni ka Jehova Nungungulu wa wena.

Deuteronome 26:2

u ta teka mihanzu yo ranga yontlhe leyi u yi kumileko lomu tikweni legi Jehova Nungungulu wa wena a ku nyikileko gona, u yi chela lomu xirunzwini, u famba nayo ka wutshamu lego Jehova Nungungulu wa wena a ta nga gi hlawula ku aka a vito gakwe laho.

Jakobe 1:18

Hi kuranza kakwe i hi belekile hi mhaka ya zinene, kasi hi tava a mihanzu yo rangula ya zivangwa zakwe. Kuv. 14:4; Jer. 2:3; Joh. 1:13