Eksodusi 34:14 - Tshwa Bible

¹⁴ Hakuva wena u nga ta khizamela munwani nungungulu, hakuva Jehova loyi a vito gakwe a nga Mupinyami, i Nungungulu wo pinyama.

Eksodusi 34:14 Mawu Ofanana

1 Tihosi 14:15

Jehova i ta hlasela va ka Israeli khwatsi lihlanga li tsekatsekiswako lomu matini, a susa va ka Israeli tikweni legi go saseka a gi nyikileko vararu vabye; i ta va hangalasa le tlhatukweni wa congo, hakuva vona va ti mahele zifananiso za Axtarte, va zangarisa Jehova.

1 Tihosi 19:10

I lo hlamula, aku: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele a vaprofeti va wena hi supado, hi mina nzoce nzi seleko, na vona va lava ku nzi daya! Rom. 11:2

Eksodusi 33:19

Jehova aku: Nzi ta hunzisa a wunene gontlhe ga mina mahlweni ka wena; na nzi kari nzi huwelela a vito ga Jehova mahlweni ka wena. Nzi ta mu mahela tipswalo loye nzi ta nga mu mahela tipswalo, nzi ta mu mahela wuxinji loye nzi ta nga mu mahela wuxinji. Rom. 9:15

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Ezekieli 23:25

Nzi ta ku vukela hi wukhuxu ga mina, nzi va maha va ku khoma hi tihanyi; va ta ku tsema a nhovu ni tindleve, ni misalela ya wena yi ta dawa hi supado. Va ta yisa kule a vafana va wena ni vanhwana va wena; ni misalela ya wena yi ta hiswa hi nzilo.

Nahume 1:2

Jehova i Nungungulu wa xiluse, i muphoteli. Jehova wa ti photela, i tele hi zanga. Jehova wa ti photela ka lava va mu vukelako, a khulo gakwe i gi vekela valala vakwe. Ekso. 20:5; Deut. 4:24; Jox. 24:19

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

1 Va le Korinte 10:22

Xana ha yi vuxela xiluse a Hosi ke? Xana ha yi hunza hi ntamu ke? Ekso. 22:14

Deuteronome 29:20

Jehova a nga ta mu tsetselela, hakuva a zanga ya Jehova ni khulo gakwe zi ta vura hehla ka munhu loye; zonake wontihe makhombo lawa ma tsalilweko lomu bhukwini legi ma tava hehla kakwe, na Jehova i ta hlanguta a vito gakwe lahasi ka tilo.

Deuteronome 32:16

Va vuxile xiluse xakwe hi vanwani vanungungulu, Va mu zangarisile hi manyala.

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

Deuteronome 4:24

Hakuva Jehova Nungungulu wa wena i nzilo lowu wu hisako, i Nungungulu loyi a pinyamako.

Deuteronome 5:24

mu ta ku ngalo: Languta, Jehova Nungungulu wa hina i hi kombisile kungangamela kakwe ni wukulu gakwe, hi zwile a gezu gakwe gi huma lomu nzilweni; hi wonile nyamutlha lezaku Nungungulu a wulawula ni vanhu, ni vanhu va ha hanya.

Deuteronome 5:7

U nga ta kuva ni vanwani vanungungulu mahlweni ka mina.

Deuteronome 6:15

Hakuva Jehova Nungungulu wa wena, loyi a nga xikari ka nwina, i Nungungulu wo pinyama. Ku nga taku a zanga ya Jehova Nungungulu wa wena yi ku vindlukela, zonake a ku lovisa laha misaveni.

Joxua 24:19

Na Joxua i te ngalo ka vanhu: Nwina a mu zi koti ku khozela Jehova, hakuva yena i Nungungulu wa kubasa, ni Nungungulu wo pinyama. Yena a nga ta timisela a zihambuko za nwina ni zionho za nwina. Ekso. 23:21

Valamuli 6:10

Nzi wa te ngalo ka nwina: Hi mina Jehova Nungungulu wa nwina; mu nga dzuki mu chava vanungungulu va vaAmori, lava mu akileko lomu tikweni gabye. Kanilezi a mu ingisangi a gezu ga mina. 2 Tih. 17:35, 38