Eksodusi 34:13 - Tshwa Bible

¹³ Kanilezi mu ta khungumula maalati yabye, mu fayetela zifananiso zabye, mu tsema ni zifananiso za Axtarte.

Eksodusi 34:13 Mawu Ofanana

1 Tihosi 14:15

Jehova i ta hlasela va ka Israeli khwatsi lihlanga li tsekatsekiswako lomu matini, a susa va ka Israeli tikweni legi go saseka a gi nyikileko vararu vabye; i ta va hangalasa le tlhatukweni wa congo, hakuva vona va ti mahele zifananiso za Axtarte, va zangarisa Jehova.

2 Tihosi 10:27

Va lo khungumula a xifananiso xa Baali, va khungumula a yindlu ya Baali va maha a tala ha yona kala nyamutlha.

2 Tihosi 18:4

I lo susa a matshamu ma tlakukileko, a fayetela a zifananiso, a khungumulela a zifananiso za Axtarte, a fayetela ni nyoka ya suku leyi yi nga wa mahilwe hi Mosi; hakuva kala masikwini lawo a vanana va ka Israeli va wa hisa tibani mahlweni ka yona; yena i lo yi chula vito ga Nehuxtani. Ekso. 34:13; Mitse. 21:9; Deut. 7:5

2 Tihosi 23:14

I lo fayetela a zifananiso, a tsemelela ni zifananiso za Axtarte, a tata wutshamu ga zona hi marambu ya vanhu. Ekso. 34:13; Deut. 7:5

2 Kronekele 14:3

Hakuva i lo susa a maalati ya vamatiko, ni matshamu ma tlakukileko, a khungumulela a zifananiso, a tshoveletela a zifananiso za Axtarte.

2 Kronekele 15:16

Hambu nyine wakwe Maaka, i lo mu humesa wuzinzeni gakwe, hikuva a mahile a xifananiso xa Axtarte. Asa i lo khungumula a xifananiso xakwe a xi hisa le xicongwaneni xa Kidroni.

2 Kronekele 17:6

A mbilu yakwe yi lo tiya lomu tindleleni ta Jehova, a kala a susa matshamu ma tlakukileko ni zifananiso za Axtarte lomu tikweni ga va ka Juda.

2 Kronekele 24:18

Va lo tsika yindlu ya Jehova Nungungulu wa vadadani vabye, va khozela zifananiso za Axtarte ni zinwani zifananiso; zonake Jehova i lo zangarela va ka Juda ni va le Jerusalema hi kota ya kugoha loko.

2 Kronekele 31:1

Makunu laha zontlhe lezi zi nga wa mbhetekile, vontlhe va ka Israeli lava va nga wa hi kona va lo suka vaya mitini ya va ka Juda va ya fayetela zifananiso, va tsema matshamu ya zifananiso za Axtarte, va khungumula matshamu ma tlakukileko ni maalati tikweni gontlhe ga va ka Juda ni ga ka Benjamini, ni ga ka Efraime, ni ga va ka Manasa kambe, va kala va mbheta zontlhe. Zonake vontlhe va ka Israeli va lo tlhelela mitini yabye.

2 Kronekele 33:19

A mukhongelo wakwe ni ku hlamuliwa ka wona, ni kuonha kakwe, ni kuhambuka kakwe, ni wutshamu legi a akileko ka gona a matshamu ma tlakukileko, ni laha a nga yimisa kona a zifananiso za Axtarte, ni zifananiso zi vatlilweko, na a nga se ti koramisa, zi tsalilwe lomu ka matimu ya vawoni.

Eksodusi 23:24

U nga khizameli vanungungulu vabye, u nga va khozeli, u nga mahi mikhuwo yabye; kanilezi u ta va daya vontlhe, u khungumula zifananiso zabye zontlhe.

Isaya 17:8

Va nga ta cuwuka maganzelweni lawa ma mahilweko hi mandla yabye; Ge, hambu ku khatalela a mitiro ya titiho tabye, A zifananiso za Axtarte kutani za gambo.

Isaya 27:9

Hikwalaho a kugoha ka Jakobe ku ta basiswa; Lowu hi wona mbhanzu wa kutsetselelwa ka xionho xakwe; Laha maribye wontihe ya maganzelo ma panzekile kota maribye ya mhemba, A maAxera ni zifananiso za gambo zi nga ha ta yima. Levi 26:30; Isa. 2:20

Jeremia 17:2

a vana vabye na va alakanya a maganzelo yabye ni zifananiso zabye za Axera lahasi ka tisinya to nyuka lomu migangeni.

Mika 5:14

Nzi ta tsuwula a maAxera lawa ma nga xikari ka wena, nzi lovisa a miti ya wena.

Mitsengo 33:52

mu ta hlongola vontlhe vaaki va tiko mahlweni ka nwina, mu hangalasela zontlhe zifananiso zabye, mu lovisa zontlhe zifananiso zabye zi nyekisilweko; mu khungumulela wontihe matshamu yabye ma tlakukileko. Ekso. 23:32; Deut. 7:2

Deuteronome 16:21

V nga byali a sinya hambu ni ya lihi lixaka, kasi ku maha zifananiso za Axera kusuhani ni alati legi u ta nga akela Jehova Nungungulu wa wena.

Deuteronome 16:22

Ni kambe u nga ti yimiseli a zifananiso lezi Jehova Nungungulu wa wena a zi vengako.

Deuteronome 7:5

Hikwalaho mu ta va mahisa lezi: Mu ta khungumula maganzelo yabye, mu fayetela timhinga tabye, ni ku tsemelela zifananiso zabye za Axera, mu hisa zifananiso zabye zi vatlilweko,

Valamuli 2:2

Nzi wa te ngalo: Mu nga mahi xivumelwano ni vaaki va tiko legi; kanilezi khungumulani maalati yabye. Kanilezi a mu ingisangi a gezu ga mina. Hi kuyini mu mahileko lezi ke?

Valamuli 6:25

Gwalego wusiku Jehova i te ngalo kakwe: Teka a honwana ya raru wa wena, ni yinwani honwana ya 7 wa malembe wukale, u khungumula a alati ga Baali legi a raru wa wena a nga nago, u tsemelela ni xifananiso xa Axtarte lexi xi nga lomo. Deut. 7:5

Valamuli 6:26

U aka a alati ga Jehova Nungungulu wa wena hehla ka ribye lego, u gi aka khwatsi. U ta teka a honwana ya wumbiri u maha muphahlo wo hiswa hi tihunyi ta xifananiso lexi u nga xi tsemelela.