Eksodusi 33:5 - Tshwa Bible

⁵ Kanilezi Jehova i lo byela Mosi, aku: Byela a vanana va ka Israeli, uku: Mu vanhu va tinhamu to nonoha; loku nzi famba na nwina xikhatanyana, nzi ta mu lovisa. Hikwalaho susani lezi mu ti bombisako ha zona, kasi nza zi tiva lezi nzi ta nga maha.

Eksodusi 33:5 Mawu Ofanana

Genesisi 18:21

nzi ta relela nzi ya wona lezaku hakunene va mahile zontlhe kota lezi a kurila ku chikeleko ka mina; ni loku zi nga hi lezo, nzi ta ya zi tiva.

Genesisi 22:12

Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

Joba 34:20

Hi xikhatanyana vafa xikari ka wusiku, A tiko gi karateka, gi hunza; A tinhenha ti susiwa, na ku nga hi canja ga munhu. Ekso. 12:29; 2 Tih. 19:35

Tisimu 139:23

Nungungulu, nzi hlole, u tiva mbilu ya mina; Nzi ringe, u tiva a maalakanyo ya mina.

Tisimu 73:19

Va lobyisisilwe kuyini hi xitshuketi! Vona vafa, va hetiswa hi kuchava.

Eksodusi 32:9

Jehova i lo wula kambe ka Mosi, aku: Nzi wonile lava vanhu, lezaku mbanhu va tinhamu to nonoha.

Eksodusi 33:6

Zinghaho a vanana va ka Israeli va lo susa lezi va hembako ha zona ku suka le xitsungeni xa Horebe.

Isaya 22:12

A ka siku lego Jehova wa tiyimpi i mu vitanele xirilo ni nkosi, ni ku halula tihloko ta nwina, mu ambala zilenda.

Isaya 48:4

Hakuva nzi wa zi tiva lezaku wa nonoha, Lezaku a nhamu ya wena i siha wa xiketse, Ni ximombo xa wena i suku. Ekso. 32:9; 33:5; Jer. 6:28

Mikosi 4:6

Hakuva a xionho xa nhanyana wa tiko ga mina xa hombe ku hunza xionho xa Sodoma, Loyi a nga lobyiswa hi xitshuketi, na a nga tlhatekiwangi mandla ya munhu.

Joeli 2:12

Kasike, hambu nyamutlha, ku wula Jehova, wuyani ka mina hi timbilu ta nwina tontlhe, ni kuyila, ni kurila, ni ku maha hlomulo.

Mitsengo 16:21

Tlhatukani xikari ka tlhangano lowu, nzi ta va lovisa khatiginwe.

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.