Eksodusi 33:18 - Tshwa Bible

¹⁸ Zonake Mosi aku: Hi nga nzi komba a kungangamela ka wena.

Eksodusi 33:18 Mawu Ofanana

Tisimu 4:6

Mbanyingi va wulako, vaku: Himani a ta nga hi kombisa leʼzi nga nene? Jehova, hi woningele hi kuwonekela ka nghohe ya wena.

Tisimu 63:3

Hakuva a kuranza ka wunene ga wena ku sasekile ku hunza wutomi; A milomu ya mina yi ta ku dumisa.

Eksodusi 33:20

I lo engeta kambe aku: Cima u nga ta wona a nghohe ya mina; hakuva a ku na munhu loyi a nzi wonako a hanya. Vala. 13:22

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Johani 14:21

Loyi a nga ni milayo ya mina, a yi hlayisa, hi yena loyi a nzi ranzako; ni loyi a nzi ranzako, i ta ranziwa hi Dadani; na mina nzi ta mu ranza, nzi ta ti wonekisa ka yena. Mavesi 15, 23; 1 Joh. 5:3

2 Va le Korinte 3:18

Hina hontlhe lava hi cuwukako a kungangamela ka Hosi hi mahlo ma nga fenengetwangiko a ku khwatsi hi laha wonini, ha hunzuluswa a ku fanana zinwe naye, hi longoloka hi kungangamela kunwe hiya ka kunwani, kota lezi yi tirako Hosi leyi, yi nga Moya. Joh. 9:39; Rom. 8:29; Xip. 4:4, 6; Kol. 3:10

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

Titusi 2:13

na hi cuwukela a kutsumba ka hina ku bongekako ku nga kuwoneka ka kungangamela ka Nungungulu wa hina wa hombe tlhelo Muhanyisi wa hina Kristu Jesu. Miti. 24:15

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20